貧僧今日走去中田 R 水吹，見到佢地翻咗 Cooler Master 新版「Universal Vertical Graphics Card Holder Kit V2」套件，讓舊機箱也能追加垂直 VGA 支援，V2 版本新增支架前後移動，更能適應不同機箱的內容結構、相容性更高，附連 VGA Riser Cable、售價 HK$360。

貧僧成日都話帽唔戴、最緊要「換」得快，今日見中田貼左張Promotion 出嚟，講緊 +HK$1 換姑媽限量版「潮 Cap」數量有限，換完限止，換晒就無啦，戴住佢連姑長都說讚 !!

姑媽個隻 MasterFan MF120 HALO ARGB 風扇終於出白色版本，啱晒組白色主題嘅玩家，雙環 ARGB 燈效無論正、反、側面都見到導光效果，支援 PWM 最高 1,800rpm / 47.2CFM / 1.6mmH20，聲噪水平介乎 6~30 dBA，唔會嘈住小僧打坐諗經，白色版賣街 HK$165，但暫時未有 3 in 1 套裝，要等。

Cooler Master 全新推出「SICKLEFLOW 120 ARGB」 散熱風扇，採用嶄新的平衡扇葉設計並加強風扇框架結構，有效加強風扇散熱性能及減少風扇運轉時的氣流聲，改用了全新的軸承密封劑，可以延長風扇使用壽命，亦支援 ARGB 燈效，提供四大主機板廠商 RGB 兼容支援，邊度可以揾到又抵玩、性能又強嘅 ARGB 風扇，呢到可以揾到。

Cooler Master 出左套 PSU 編織延長線套件，具備 1 條 24Pin、1個 4+4 Pin、2 條 PCIe 6 Pin 及 2 條 PCIe 8 Pin，全部線長 30cm、16 AWG 線規，三層保護編織套管，官方提供咗紅黑、白黑、綠黑、藍黑及全黑，但香港就只有翻紅黑、白黑，其他顏色要訂，腦場價 HK$245，雖然比淘室線貴少少，但質素一定有保証。