FF7:CC 玩咗 66 個鐘，少少攻略＋心得...

ykwky

之前寫咗呢篇：FF7:CC 玩咗3個鐘...
呢度第二篇：FF7:CC 玩咗 33 個鐘...
今日第三篇，有少少心得…

9月19日開始玩，到今日（11月14日）玩咗66個鐘後：
主綫劇情：重係第5章
Level：昇到80，大概1個鐘出一次 777
主要攻擊：99999神技（已合成不需 MP，AP）
次要攻擊：吸HP魔法，每次 3500 左右
恢復HP：補充HP魔法，每次 35000 左右
主要裝備：雙倍魔法，源氏小手，力、體力、魔力、精神＋100（全屬性半減），超級緞帶，HP極限突破


初期賺SP同錢嘅任務不太明顯，個個都差唔多，所以唔講喇，呢度只介紹中期同後期。

中期任務賺SP同錢

我推薦大家 6-3-5 呢個任務
呢個任務當中我們需要對付以下3種怪物：
1. 青蛙 - 放火魔法3連擊，我主要係佢身上偷クリスタルブレス賣錢
2. 惡魔 - 放即死，不過係主要嘅SP來源，殺死得到技能暗黑，可賣6000SP，亦可以偷魔法賣1500SP
3. 蚊團 - 吸MP，放毒，出沈默（短時間不可用魔法），不過佢可以拖長戰鬥時間，比我多D機會轉老虎機，方便升Level同技能
必要裝備：偷盜魔法，防即死，防停止，防沉默，HP極限突破
必要屬性：體力100以上，精神100以上


後期任務賺SP同錢

第一個推薦大家 9-4-5 呢個任務
呢個任務當中我們需要對付以下2種怪物：
1. 小菜刀怪 - HP大概30萬，打法就係用99999神技打佢，最好嘅防禦就係睇到佢出來就翻滾，很輕鬆就可以打贏。小菜刀怪掉金錢5000。
2. 大菜刀怪 - HP大概50萬，打法、防禦同小菜刀怪一樣，很輕鬆就可以打贏。大菜刀怪掉金錢10000。
必要裝備：99999神技，雙倍魔法，雙倍金錢，源氏小手，超級緞帶，HP極限突破
心得：30分鐘內賺1百萬以上金錢（用雙倍金錢裝備，再用99999神技打完所有洞穴就得）同20萬以上SP（係調查課支援室，買第6個item，藍色嘅99只，之後換返SP，大概一次50490SP，換4次就有20萬以上SP）。
必要屬性：體力150以上，精神150以上

第二個推薦大家 9-5-3 呢個任務
呢個任務當中我們需要對付以下3種特別怪物：
1. 裏面會出現紅球 - 20000SP，用99999神技可以秒佢，指輪可以賣1萬蚊
2. 有一個很奇怪的蜘蛛 - 會掉停止劍和死之劍
3. 還有一個昆蟲 - 會掉集滿3個力+1的合成素材
必要裝備：99999神技，雙倍魔法，HP極限突破
心得：必須先殺死只蜘蛛，再打紅球，因爲果D蜘蛛有時會出一招扣HP剩1的招式，如果比D紅球電一電，死得。另外，昆蟲唔係成日出現，幾講彩數。基本上呢關打完一次應該可以有30萬以上SP。
必要屬性：體力200以上，精神200以上

[ 本帖最後由 ykwky 於 2007-11-15 09:16 編輯 ]

ykwky

〖老虎機有效出三個相同的方法〗
答：如果想係老虎機有效出到 D.M.W 三個相同嘅人物（任何一種），你可以係老虎機出現嘅時候，連續不斷噤個“向上制"，出到嘅機會大好多，我估計 98% 左右，尤其當 Sky High 或者 Heavenly 嘅時候，我未試過失手。不過要一路噤到轉完停咗爲止。

〖老虎機有效出 777 的方法〗
答：方法同上，不過成功機會係少咗，但係好過咩都唔噤，等運到呀（雖然老虎機係幾靠運氣）...

〖加多一條命嘅方法〗
答：係神羅大厦大堂櫃檯旁邊有 Save Point，我就係呢度打 mission。大門附近有條女，你同佢講嘢佢會比支紅牛你飲（唔好飲太多，谷得犀利會爆... ），飲咗就會 HP MP AP 全恢復，另外比多條命你。除咗女神之外，你會多個重生嘅機會。

〖輕鬆撹掂條女神嘅方法〗
答：女神的招式，見招拆招
光箭：癡實條女，係佢前面翻滾，最多中一、兩下，一下扣2000幾；如果係好遠，就用防禦啦，一下扣300左右，不過會中好多下。
火炎：追蹤型嘅攻擊，唔中目標唔會停果只，但係防禦嘅話就可以減輕損傷，如果防禦扣3000，唔防扣32000左右。
冰柱：女神條棍揮上去嘅時候，連續翻滾即可，避到唔扣，避唔到扣25000左右。
迴旋攻擊：搏曬老命係甘翻滾就得，最多被佢掃到一、兩下，每下扣8000左右。
終極魔法：連續翻滾兩次就可以完全閃開或者用防禦，避唔到扣30000左右，有時會絕對即死，小心小心。
絕對領域：條女嘅無敵狀態，大概係一、兩分鐘左右，你會見到佢成個人暗咗少少，如果光返就係解除咗無敵，係呢段期間比佢打到嘅話，9成9會被秒殺。
女神祝福：女神補血55000左右，呢段時間，你可以打佢，或者自己又補埋一份囉，絕對安全。
裁之矢：女神嘅絕招，體力精神250以下9成9會被秒殺，但係體力精神250被打會扣60000左右，體力精神255被打會扣35000左右，基本上無得避，硬食！

必要裝備：99999神技，雙倍魔法，源氏小手，守之指輪，HP極限突破
心得：

• 打呢關大概用40至50分鐘左右，盡量係一個安靜無騷擾嘅環境打（例如老麥），因爲有D地方一唔留神就會被秒殺。
  
• 你只會有一條命同條女打，所以飲唔飲紅牛都無所謂。
  
• 如果有位剩，帶埋偷盜魔法，因爲一開始打，可以偷99條不死鳥羽毛。
  
• 基本上都係用99999神技，打一、兩下，就避開或者補血，只要小心終極魔法（因爲有時會出絕對即死）就得啦，任何時候盡量防禦或者翻滾就一定無死。
  

必要屬性：體力250以上（最好255），精神250以上（最好255）

〖合成注意事項（1）〗
答：如果想得到高屬性嘅 ITEM，例如 +100 精神或者 999%HP 等，最好係果D素材在變 Master 之前合成好，否則有可能合成唔到，或者要搵一D又貴又少嘅野先合得到，徒添麻煩。

〖花車〗
答：雖然做三部花車好麻煩，不過爲咗兩位悲劇人物有多少安慰，應該完成佢嘅！第一部花車，好易造到，唔講啦；第二部花車，同一班人對講3次，做D跑腿工作就得，都係比較容易，免啦。第三部花車，睇落容易，但係要集中精神參與其中，所以講下：

係神羅嘅 Training room 揾研究員做蹲下起立訓練，節奏一定要掌握好先過到關：
第1個普通神羅兵：無難度，30下左右一定可贏
第2個普通神羅兵：無難度，30下左右一定可贏
第3個三級神羅兵：少少難度，45下左右一定可贏
第4個二級神羅兵：比較難，55下以上一定可贏

心得：當見到 Zack 蹲下，膝頭同大髀幾乎平衡嘅時候，即刻噤圓圈制，聽到“叮”一聲就係一下成功。每5下成功就會變快咗，之後會越來越快，只要掌握好節奏，問題不大，另外，唔好理神羅兵做幾多下，集中睇住 Zack 做就一定無死。

我最快做57下，睇下你會唔會比我快？

〖解决 99999 神技有時會打出 0 或 1 嘅方法〗
答：方法好簡單，係戰鬥前裝備魔法攻擊（我係用吸 HP 果個魔法），如果遇到打出 0 或 1 嘅時候，就出一、兩次魔法，一般出完魔法後再出 99999 神技就正常返，我未嘗失手...


未完，待續...

[ 本帖最後由 ykwky 於 2007-11-22 21:47 編輯 ]

遊雲gspirit

幾好...講得唔錯，我係都玩左6x個鐘...
LV99+mission100%了的關係，所以隻game已經係10月頭時已經封印左...XD

ykwky

原帖由 遊雲gspirit 於 2007-11-15 19:54 發表
幾好...講得唔錯，我係都玩左6x個鐘...
LV99+mission100%了的關係，所以隻game已經係10月頭時已經封印左...XD

哇，爆晒 mission 咁犀利，我一日只有一個鐘頭時間玩，可能要多一個月左右先爆得晒...
不過你嘅屬性係咪全部 255 呢？雖然體力同精神有 255 可以講係無敵，但係想完美D，我合咗好多道具，不過都好難整到全 255，尤其個運氣...

火火火木

我都玩左 8X 個鐘 .. 係第 2 周目尼 ~ 但係都未全破 mission , 因為實在係太多   .... 玩到太空洞最後個 Mission 就無玩了   ...

ykwky

原帖由 火火火木 於 2007-11-16 09:56 發表
我都玩左 8X 個鐘 .. 係第 2 周目尼 ~ 但係都未全破 mission , 因為實在係太多   .... 玩到太空洞最後個 Mission 就無玩了   ...

我今日剛剛搞掂條女...神
宜傢lv83，女神其實幾易打，重攞埋全界限突破...

遊雲gspirit

原帖由 ykwky 於 2007-11-15 21:26 發表


哇，爆晒 mission 咁犀利，我一日只有一個鐘頭時間玩，可能要多一個月左右先爆得晒...
不過你嘅屬性係咪全部 255 呢？雖然體力同精神有 255 可以講係無敵，但係想完美D，我合咗好多道具，不過都好難整到全 255，尤其個運氣...

打女神基本上MP以外o既都係爆晒，如果有時要升部份material 可能會換d 雞少少o既入來..

整1粒能力+99出來先...
然後搭(1個+1運的)再合成...--->+運100

火火火木

原帖由 遊雲gspirit 於 2007-11-17 05:01 發表

打女神基本上MP以外o既都係爆晒，如果有時要升部份material 可能會換d 雞少少o既入來..

整1粒能力+99出來先...
然後搭(1個+1運的)再合成...--->+運100

打女神 , AP 同 運都要爆 ??

火火火木

原帖由 ykwky 於 2007-11-16 12:13 發表


我今日剛剛搞掂條女...神
宜傢lv83，女神其實幾易打，重攞埋全界限突破...

我無記錯 ge 話 , 我得 7X LV ... 而且好難升上去 .....

ykwky

原帖由 火火火木 於 2007-11-17 10:08 發表


打女神 , AP 同 運都要爆 ??

唔洗，最緊要係體力同精神255就得...