香港好似無乜人買Oladance OWS Pro

因為感覺上比較少地方有賣, 而且越來越少地方可以試, 之前深水埗有一間可以試, 最近再去已經無得試了

之前有人話想要試用報告, 真正既報告我就寫唔出, 但現在用左一個月唔夠, 可以講少少感想
https://www.hkepc.com/forum/redi ... 93&pid=42330357

簡單少少, 我只講一個另我買佢的最大優點, 同一個我覺得最大的缺點

我會買佢的最大原因係音質
當初試左好多款, 但唯一比到我震憾感覺的, 就只有Oladance OWS Pro, 因為佢音質聽起來同平頭式(例如mx500)或者半入耳式(例如earpod)簡直無分別, 假如唔話你知係開放式, 根本聽唔出係開放式耳機. 不過我唔知同入耳式比如何, 因為我從不使用入耳式.

音質好似勉強可以排係後面的只有shokz同cleer, 我話"好似", 係因為shokz永遠只能試佢的歌, 好難做比較, 而cleer則是搵唔到最頂級的型號來試聽所以無法確定.

至於對我來說最大的缺點, 亦係唯一的缺點, 就係戴得耐大約2-3小時以上, 耳最上面的受力點會痛.
我不確定會痛的原因是因為太重, 還是太硬, 還是耳型.
我甚至用左兩個鐘就已經考慮賣出去, 因為初初用大約1-2小時就已經開始痛, 但考慮到音質實在太好, 所以忍了下來, 而家集慣左可以戴更耐先開始痛, 而且唔會累積, 即係唔會過幾個鐘再戴會越來越痛.

我對於依對耳機係罕有地同時想賣之餘亦好唔想賣.