新手買左架 700C公路車 ,多少有 D 疑問

doggiestyle

1. 彎把好趴 (己經係用上把) ,我直接將重心放晌手舒服 D ,但咁樣唔知正唔正常 (雞脾肉個位會好累)
2. 比 D 共享單車 (好似 24吋) 更難傾側 ,果 D 起碼可以傾側 30度 ,架700C 傾側 20度己經很害怕 ,我估換粗胎再打少 D 氣會好 D ,但佢己經係 32C ,好似冇咩向上換既空間
3. 大餅個把手竟然有四格 ,好似係循環 ,即係大細大細咁......但感覺上好似有兩格特別嘈......又係唔知正唔正常 (shimano a070)
4. 踩磚路震到傻 ,渣車有咩路面狀況就 不踩油 ,不轉彎 ,不加油 ,安然度過 ,但晌架單車上面 ,凹凸太大會有種類似 "彈起" 既感覺 ,會好難平衡
5. 因為 1. 既問題 令我覺得個車架會唔會買細左 ,因為我對鞋好易掂到個前輪 ,唔知係咪姿勢唔好 (習慣用後腳跟)
6. 個一體剎變要向右(左)推到盡頭......先換到個齒輪 ,好困擾 ,唔知有冇得較 (shimano a070)

祝各位逢車過車 ,身體健康

sunhikari

1. 彎把好趴 (己經係用上把) ,我直接將重心放晌手舒服 D ,但咁樣唔知正唔正常 (雞脾肉個位會好累)
2. 比 D  ...
doggiestyle 發表於 2024-10-16 01:33

你個情況你都係重新學踩單車好過......
先答你問題:
1.灣把係可以調較高度同傾角,如果覺得唔啱,你有工具的可以自較,無就搵單車鋪幫手了
2.你要睇傾側要黎做乜........傾側對於公路車係用黎轉灣,除非你好高速過窄灣你先會好傾側,否則其實側少少已經夠過灣,同埋基於車輪規格,其實700X28C已經比以前闊左,如果係跟返以前係700*23C的規格,其實傾太側會傷輪框
3.正規公路車大餅只有兩塊,正常槍手只會比兩檔你,即上下各一檔,如果係4檔你反而搵人檢查係唔係槍手用錯左或裝配錯誤,同埋轉波係唔應該嘈
4.因為公路車係無「避震」呢樣野存在,所以路公路車有一樣野要學識的係要學識揀路踩
5.踩公踏車,一定係腳掌踩腳踏板,唔係用後腳跟,姿勢錯晒,你長踩你多多隻腳都唔夠用
6.睇下叫單車鋪同你較變速線,有可能有改善,但基於品牌價位問題,呢樣野係好難改善,要短線程,一係改用高階野,一係改用電子變速

doggiestyle

你個情況你都係重新學踩單車好過......
先答你問題:
1.灣把係可以調較高度同傾角,如果覺得唔啱,你有工具的 ...
sunhikari 發表於 2024-10-16 11:23

1. 彎把下把唔慣 ,未敢用.......如果捉住上把 ,較佢個傾角好似冇咩意義
2. 傾側轉彎係.....想 U turn ,但轉唔到細 U turn  ,可能個碌大 ,個動能慣性唔同左
3. ER....我查下網上說明書有冇講

謝謝回答

doggiestyle

搵到幅圖係調整坐姿既
但睇唔明佢標示個角度係指乜野
比如 ankling range 180度咪腳掌即係完全伸直

下載 (12.96 KB)

2024-10-16 19:16

doggiestyle

睇真人好 D
個坐墊要斜角 20~30度左右
個人有 D 似短跑起步姿勢咁

下載 (87.7 KB)

2024-10-16 19:23

kenken33

32C都話震到傻咁你唔適合踩公路車，要好路感換乳膠內胎或者上管胎，換碳纖件都有減震作用，新買就冇乜可能換車架，可換碳輪組,前叉,彎把,坐管等。

踩得慢唔需要點大側傾壓彎，又唔係MOTO GP磨地過彎

doggiestyle

32C都話震到傻咁你唔適合踩公路車，要好路感換乳膠內胎或者上管胎，換碳纖件都有減震作用，新買就冇乜可能 ...
kenken33 發表於 2024-10-17 00:25

唔慣扭個龍頭....
踩慣左用返 D 外傾就好左 D
震係因為磚地有高低....避開 D 高低差既磚又好左 D
但好冇安全感......

其實本身想踩馬路既 ,驚死所以晌樓下踩慣先
另外佢跟果條軚好硬....
不過佢一黎就爆左條 ,所以前軚比我換左
換果時唔識分 D 軚 ,換左條光頭軚
唔知同 D 路感同操控感有冇關
等我買返個維修架再換埋條後軚

宜家主要係唔係太識用個變速
唔知應該係踩緊既時候轉
定係空腳既時候轉
主要係個大盤好難上/落
唔知係咪因為我用緊外側既飛輪所以轉唔到上內側既大盤
聽日再試下

tssy5

唔慣扭個龍頭....
踩慣左用返 D 外傾就好左 D
震係因為磚地有高低....避開 D 高低差既磚又好左 D
但好冇 ...
doggiestyle 發表於 2024-10-17 01:40

公路車轉波原理最穩陣嘅做法係隻腳停咗等架車碌緊 --> 轉波 --> 繼續踩。
你熟習咗之後你會知道踩到邊個位置可以邊踩邊轉波，但新手期都係安穩至上。

公路車軚比較硬係因為軚壓比一般單車高，好處係滾動阻力低啲，但比較容易爆軚，同埋會震好多。

因為你用緊Shimano Tourney, 唔係高級件，所以轉波手感差係正常，但要用力推先轉到依樣嘢係所有機械變速都係咁，所以先咁多人改電變，機械變速踩100km以上係真係會推到手指冇力。理論上你推推吓條變速線就會開始越嚟越鬆，咁就會易推啲，但永遠去唔到電變嗰種撳一下即變嘅程度。

我覺得樓主可以熟習吓踩公路車先，踩返300, 400公里再審示吓啲問題係咪仲係到，因為我見有啲問題應該係純粹你未慣公路車個操控&路感。如果仲係到嘅話，可能代表個車架/size唔啱你。

doggiestyle

公路車轉波原理最穩陣嘅做法係隻腳停咗等架車碌緊 --> 轉波 --> 繼續踩。
你熟習咗之後你會知道踩到邊個 ...
tssy5 發表於 2024-10-17 12:40

多謝解答

我意思係原裝跟果條好硬 硬到唔似橡膠 (雖然我唔知係咩膠)
我買返黎果條反而係 "有彈性"

我連轉波呢樣野都唔係太習慣
雖然明白個原理 ,但突然輕左/重左
會有種突然失去重心既感覺
可能都係要靠 "習慣" 同 "熟習"

doggiestyle

查下 amazon 就會發現要買齊我宜家既 shimano 配件要 136.34 (1063HKD)
我覺得對一部 (我個人認知既) 入門車黎講 ,要用高級配件唔係太現實
而且中級變速只係多左一兩級齒輪 ,除左齒比上下限高左之外 (11T-34T)
感覺上直接上電變好 D........但一用電變再配碳纖 ,部車應該就要2萬了
公路車呢樣野真係冇咩所謂中價巿場 我踩住宜家呢部就算

下載 (14.86 KB)

2024-10-17 17:12

下載 (20.86 KB)

2024-10-17 17:12

下載 (26.72 KB)

2024-10-17 17:11

搵唔到 070 ,073應該同價

下載 (18.45 KB)

2024-10-17 17:22