求機頂盒推介

mu3ic

最近屋企電視壞咗，因為各種原因，想直接用電腦mon睇電視。
想問一下有無機頂盒推介？無任何需求（唔需要錄影／remote睇電視），只要睇電視時唔會窒下窒下就得。

C_Law

其實你都沒有什麼特別要求，只要你屋企本身天線訊號夠，求其一部機頂盒都得啦。
但你個 Mon 要有 HDMI I/P 。

我睡房有部朋友送的 Teledevice HD-308RM，係朋友在疫情期間因為要自己搬出去住，會帶部電腦同 Mon 出去住，他就係諗住加個機頂盒用埋個 Mon 去睇電視。出去 SSP 行一圈睇下價錢，之後買最平的一部，我不肯定有無記錯，當時價錢大約係 $300 找少少。他在疫情後搬返屋企，個機頂盒無用就送了給我玩。我不是話要推薦這部機或者係這牌子，只係想話，以你的要求，大約這價錢就買到，就算當一年後壞，都只係 $1/day。

講返這一部，係有問題，用了無耐(都未到我手)， Front pannel 的幾個 8 字 LED 就死死地，有時顯示到台號，有時就無著，但不影響睇電視。現在放我房用，本身天線訊號不算好強，但都收齊所有台(新的 RTHK36 費事校台所以未試過)，無話窒下窒下。另一問題係睇不到 RTHK31 的字幕！原因好似話初期所有電視台都用 SD 的字幕，早期好多電視/機頂盒都以這格式去設計，但 RTHK31 用 FHD 字幕，如果機頂盒間廠無出新 Firmware 就會睇不到 FHD 字幕，好似以前 ViuTV 剛開始都用過 FHD 字幕，但因為好多人話睇不到字幕，後來 ViuTV 都改返去用 SD 字幕。所以，如果你諗住買雜牌機，而又好在意要睇 RTHK31 的字幕，最好搵間有得試的舖頭，試過睇到字幕先好買(不過 RTHK31 部份節目是直接加字幕上畫面，多數大陸劇，自家節目就係 CC 字幕)。部機由疫情初期挨到現在，係就係有小小壞，但仍然叫做睇到電視。

不過，買雜牌機的價錢，可能同部二手 MagicTV 差不多價，想要功能/質素，買二手 MagicTV  可能更好(不過要睇彩數)。

C_Law

之前話部機個 Front pannel display 死死地，但懶得拆開去睇。

因為無興趣睇奧運，昨晚無聊之下終於拆開部機睇下。可能係入面由主底板去 Front pannel 塊版抽電線的插頭接觸不良，拔出插頭噴噴 Contact cleaner，裝返之後，個 Front pannel display 就回復正常。

之前 95% 係開機後個 Display 著一著就熄了，就算係剩低的 5% 開機後著得到，但過一陣都會熄。昨晚整完後，開機熄機十幾廿次(有只係用遙控熄機，即係 Standby，也有拔走火牛完全斷電)，但次次再開機都著到 Display，亦無話著了之後過一陣就熄(最長一次開機睇了接近兩個鐘電視)。

wahaha9779

可以睇睇呢部＄200左右到姐
https://www.price.com.hk/product.php?p=484813