三星S20 FE甩後蓋後續｜68#已向三星投訴旺角朗豪坊維修中心

hk133

我又做下西客先。（x

話說之前講到我部經過原廠維修嘅 Samsung S20 FE 早排後蓋甩咗，然後發現膠條上面另外加咗膠水固定，有明顯嘅額外膠水漬。

HKEPC fb group 嗰邊出 post 後有一位喺 Samsung 港島區某維修中心做嘅 fb 網友 PM 聯絡我，提議我去返當初維修嘅旺角朗豪坊維修中心問一問先，睇下佢哋肯唔肯幫我整返。結果朗豪坊嗰邊當然係以過保為由，要我俾 $200 檢查費先，檢查過後再報價維修，而且要等 5-7 個工作天。錢都係其次，要等咁耐，我需要另外準備過一部後備機頂住先，然後又要過資料，都幾麻煩下，所以我考慮下再決定整唔整。

之後網友表示可以去港島區某維修中心搵佢，佢幫我痴返個後蓋，即日可以搞掂畀返我，不過佢就講「痴返好，都當部機唔再防水」，對話期間我都講過係「驚唔小心入水整壞部機」先想痴返好個後蓋、「如果只係痴返唔甩就冇必要」。

於是夾啱日子得閒、確認日子之後，到約定當日我就上去 Samsung 港島區某維修中心搵嗰位網友幫我整。整咗之後拎起部機，後蓋同邊框之間嘅縫隙仲闊過未整之前，機頂仲凸咗一大舊黑色膠條出嚟，邊框四周都有少少膠漬殘留。然後佢話因為係佢私底下幫我整、冇開單，所以只係人手清理返舊嘅膠條，當然都冇做過氣密測試。

於是我得到一部 99% 機率唔防水、後蓋縫隙媲美街舖新手維修嘅 S20 FE。

btw 多謝佢主動聯絡幫忙，起碼佢都有嘗試過幫手，雖然結果未如理想。

JIMillim

喺度我都分享下
因工作關係, 有一部工作用嘅S20 FE, 長期喺冷氣房兼保存喺櫃桶內
但都出現甩背蓋現象, 又係膠水溶溶地
結論: 原廠膠水會自然分解, 就算畀錢換新嘅, 過多幾年都係一樣

hk133

喺度我都分享下
因工作關係, 有一部工作用嘅S20 FE, 長期喺冷氣房兼保存喺櫃桶內
但都出現甩背蓋現象, 又係 ...
JIMillim 發表於 2024-5-25 13:16

    我部機係有明顯嘅額外白色膠水漬喺原有膠條嘅表面，而且係一點點膠水漬，位置歪歪曲曲，人手點啲膠水落去先會整到咁核突。甚至有啲膠水點咗落去原本嘅防水膠條旁邊條天線。

sands

s20fe 點解唔淘件，samsung 大把正副廠配件換，以前用過s20fe 試過撞爆鏡頭玻璃都係淘正廠件自己換（聲稱），到放過時都係睇唔出

jk1399

一部咁既舊機, 搞來搞去, 仲想整返有氣密, 有防水, 算了吧




只要痴得貼合, 唔洗理乜野有無氣密, 基本上雨水情況下, 都唔會入水
(拎去沖水, 成部跌落水就另計)

但呢部機而家殘值都係得返600-700, 根本無必要為左呢件事搞來搞去, 真係咁難得入水入到壞, 就由佢

a886

回覆 1# hk133


    有無相睇下"機頂仲凸咗一大舊黑色膠條出嚟"

hk133

回覆  hk133


    有無相睇下"機頂仲凸咗一大舊黑色膠條出嚟"
a886 發表於 2024-5-25 15:27

    指俾佢睇之後，佢拎返部機入去，搵嘢批走咗凸出嚟嗰截黑色膠條，所以冇。

henrychin

三星手機都係外判維修 图腾
ching都唔話得
ADHE貼紙應該倉儲有數,偷偷私下幫手維修.

semson

我部note 10長期用套，3年左右背売都離離地。去維修中心換電，佢應該幫我換左新膠水。之後都唔敢當佢防水機用。