窗台窗口機安裝， 唔用鋁架不無道理。。。

Kin_2012

基本安裝， 一般機尾用兩隻門頂膠收螺絲， 機身邊打自攻落框，用料少功夫少， 香港環境事實証明出事率極低。

用鋁架，而家人工貴料貴，一條寸半鋁角分半料，幾口不鏽鋼鑼絲絲帽，一樣要打自攻落框，另外機身同鋁架間， 要加避震膠吸震，如果用鋁腳，腳下又要加避震膠，好少少落埋鑼絲到窗台。 成件事功夫多料多，但出黎效果， 同上面基本安裝比， 一時三刻使用者又唔覺有幾大分別，係高價下， 有幾多人肯裝鋁架?

另見版友用 PU 腳收落機尾， 代替門頂膠， 其實都算可行的方案，又或者用 PU 腳頂高鋁架，再加避震膠係鋁架同機身之間， 不過都係多功夫。

hon829

基本安裝， 一般機尾用兩隻門頂膠收螺絲， 機身邊打自攻落框，用料少功夫少， 香港環境事實証明出事率極低 ...
Kin_2012 發表於 2024-4-12 17:20

為偷工減料諗個理由  
如果你係機主就你喜歡的吧  如果係大眾消費者見倒應該會放上網品評一翻吧

簡單講剛固性:  3邊圍鋁角承著部機; 對比爭用機殼前後承力, 尾仲係2點落地,  邊個方案會耐用些

Kin_2012

為偷工減料諗個理由  如果你係機主就你喜歡的吧
hon829 發表於 2024-4-12 17:48

比足錢交唔足貨先叫偷工減料，唔加錢基本安裝係好正常。

另外呢個係現實， 有幾多人肯加錢做? 而家 d 店都寫明要點做加幾錢， 比錢果個可以選擇。

搵人做到上面咁講， 加架避震膠，差唔多要加成千蚊，即時效果唔差太多，有幾多人肯比?

至於自己做全套，料錢就幾百。

liyee

基本安裝， 一般機尾用兩隻門頂膠收螺絲， 機身邊打自攻落框，用料少功夫少， 香港環境事實証明出事率極低 ...
Kin_2012 發表於 2024-4-12 17:20

有心整，買齊料，都唔係咁麻煩嗻，

俾人整，梗係用最簡單方法，求求其其算啦，
日後有問題關人九事

至於避震，本身壓縮機都有避震膠喺度，

你話機尾2隻腳，可用膠腳套住嘛，
窗框托住机身前面，完全冇問題喎……


via HKEPC IR 5.1.14 - Android(5.1.2F)

Kin_2012

有心整，買齊料，都唔係咁麻煩嗻，

俾人整，梗係用最簡單方法，求求其其算啦，
日後有問題關人九事

至 ...
liyee 發表於 2024-4-12 18:11

呢個係唔落鑼絲到窗台的做法， 到落係要加多條鋁角放平係腳下， 鋁角底加塊避震膠， 再收鑼絲落窗台。

另外壓縮機有避震膠， 但機身同鋁架之間，都要加避震膠，唔係會嘈些少， 直接用門頂膠反而避左。

其實都無話麻唔麻煩，主要係做足同基本安裝， 即時分別唔太大。

Moderator

為偷工減料諗個理由  
如果你係機主就你喜歡的吧  如果係大眾消費者見倒應該會放上網品評一 ...
hon829 發表於 2024-4-12 17:48

做完鋁架，會唔會都只係鋁架果幾粒螺絲頭食力？

Kin_2012

做完鋁架，會唔會都只係鋁架果幾粒螺絲頭食力？
Moderator 發表於 2024-4-12 18:26

一般有預位唔會， 有放避震膠墊高唔會，機架同鋁架間有膠墊受力唔會落晒頭尾幾點。。

teddybearhk

如果做個架有明顯效用我會做，反正都係加少少成本。


可惜我感覺唔到，屋企幾部窗口機用門頂膠安裝，全部機用到10多年後打柴，其間都冇任何事情發生。況且宜家新機多數行變頻，噪音少咗，做個架的绣因更減少了

hon829

有心整，買齊料，都唔係咁麻煩嗻，

俾人整，梗係用最簡單方法，求求其其算啦，
日後有問題關人九事

至 ...
liyee 發表於 2024-4-12 18:11

太正路

有點動手能力diy的, 都係希望會用足料, 施以穩打穩札的結構與手藝

Kin_2012

太正路

有點動手能力diy的, 都係希望會用足料, 施以穩打穩札的結構與手藝 ...
hon829 發表於 2024-4-12 20:20

對於可以 diy 的人，睇唔到整個鋁架做到足有幾難，但重點係有咩實質好處，你又講唔出。。。

門頂膠基本安裝，已經好多人用緊，什至聽唔到有咩問題投訴，多個鋁架的好處，基本上大部份人都感受唔到，咁整鋁架又為咩呢？