[一般問題] 請問袋口位問題

falcom4a33

新手問題,請問已經綠燈，入左袋口位等，準備轉右，對面線已經紅燈，但右邊行人過馬路線是綠燈，行人行緊，如果是沒行人行緊，但行人過馬路燈是綠燈，車可以繼續轉右嗎？謝謝

mo9394

一般設計有足夠時間(預兩架車都得)俾你過行人燈唔會係轉綠燈

理論上唔駛理行人燈號 (唔係指唔理行人), 當然你手車慢到咁, 停低等綠公仔燈完埋會好D, 反正唔會有車跟你尾.  有乜意外, 綠公仔開車走唔甩, 可能好遠有行人衝緊過黎過馬路, 你無乜可能睇穿晒 . 停車手制N 波等


世界上唔少地方都有紅燈俾左轉/右轉時, 行人燈會係綠, 而車要讓人.

blkbd5

可以參考下面渾書處指引
https://www.td.gov.hk/tc/road_sa ... /index.html?print=1

mo9394

理論上, 你衝紅燈的定義, 只係指上一個路口的白色實線, 你過左白線之後先轉燈, 你唔駛理會燈號 (但唔代表你有優先權).

十字路口就比較少袋口位 (靜的路直頭唔會劃線).
而相對多人行的路, 過路處會移入少少, 有一兩架車位俾你拉番直, 咁呢D 有少少直路就要睇燈唔好過實線 (咁我相信你問得唔係呢D)

而衝行人綠燈, 大部份路口, 過路處前無車位俾你停, 咁行人路口無白線無燈號 (就算有車睇的交通燈, 十字路口計, 都係指直線行車的第一部車睇, 而非俾轉彎車用多), 你越過唔會有明顯的"衝燈"罰則. 你撞到人只係會被告不小心駕駛, 危險駕駛之類. 未撞到人, 但執法人員見到你有一定危險性都一樣告得.


有少少睇唔穿, 有少少不確定, 應該停車唔郁.

falcom4a33

感謝ching們,運書署指引有睇過，但沒說明安全情況下，行人綠燈可唔可以行車，費時比人抄牌，扣分

mo9394

感謝ching們,運書署指引有睇過，但沒說明安全情況下，行人綠燈可唔可以行車，費時比人抄牌，扣分 ...
falcom4a33 發表於 2023-1-27 11:39

行人過路燈俾行人睇.
司機唔駛理會行人過路燈, 角度問題, 唔預你睇到

blkbd5

轉右（於設有右轉袋口位的交通燈控制路口）

在設有右轉袋口位的交通燈控制路口轉右時，應讓路給迎面而來的車輛。當綠色交通燈號亮着，你可從右轉線駛前，並於右轉袋口位等候，直到你與迎面而來的車輛之間有安全空間，才轉右。在右轉袋口位等候時，你無需理會交通燈號，但應自己衡量是否有足夠安全空間讓你通過，如情況安全，便可轉彎。
<轉自運輸處>

mo9394

唔講袋口位, 其實任何路口(特別係好長, 轉彎, 甚至有黃格的路口), 行人過路燈的前面無一條實線+一支燈, 在安全情形下通過, 係不會做成"衝燈", 但如果有危險可以告你危險駕駛.

例如灣仔大有對出, 灣仔道轉入菲林明/莊士敦道, 行人過路的燈位無劃俾車用的實線(亦無車睇的燈).  你過到敏華個燈位之後, 你就不是衝燈. 但係可能有車會頂住你, 在黃格停會抄, 夾硬過撞到人會之類都會捉危駕之類.

Dcup

行人過路燈俾行人睇.
司機唔駛理會行人過路燈, 角度問題, 唔預你睇到
mo9394 發表於 2023-1-27 13:04

    撞左再講黎句，我想睇個管點插你

你可以唔睇，但你會知綠燈行人權大過車就ok了

mo9394

撞左再講黎句，我想睇個管點插你

你可以唔睇，但你會知綠燈行人權大過車就ok了 ...
Dcup 發表於 2023-1-27 20:29

講左三四次風險自負, 你係唔識字定係乜呢