ASUS Zenfone 4 集中討論區 (子龍任務暫告一段落， 成績:5次)

Argon

11/27 Update

今晚放工又再一次直奔ASUS皇家簡陋俱樂部， 6點50分左右去到。
計埋呢次， 前前後後黎左5次， 應該暫時告一段落。

關於個快充， 華碩職員最後覆話公司方面考慮緊引入香港賣喎， 但就算有都未咁快會有， 今次做個特別安排俾我， 放一隻上SSP俾我買。
我本來想喺公司、屋企各放一隻快充， 就問佢有冇多一隻俾我， 佢就話呢隻已經係特別安排， 多一隻都冇喇。

算啦， 鬼叫我買左華碩機咩， 你而家點話點好， 有一隻原廠快充賣到俾我到已經萬幸。

今日試左， Zenfone 4 630版插落去10秒後左右， 個電池Logo係會多左個+號， 即係終於用到個快充， 感覺叉電大概快左3、4成咁上下， 部HTC 10插落去都識得認做快叉。

希望部機生生性性， 唔駛我再上多次黎解任啦



-----------------------------------------------------------------------------------------------
23/11

我正式宣布 華碩香港真係全世界最出色嘅公司！！

部Zenfone 4 630版明明Support 9V快充， 但跟機只跟5V充電器。 OK我當你話係入門機唔送， 算！
跟手想話用QC3.0充電器， Sorly ar， 華碩鎖左， 唔俾用非原廠快充
然後OK我認我冇眼光信錯垃圾華碩， 買左個半月就 來回維修部兩次部機先用得返， 然後仲要搵晒成個SSP、華碩皇家俱樂部(極簡陋...) 都冇得賣原廠快充， 要買就要訂7-14日， 原裝$270都算， 但買就要報上電話serial number先買得，

然後CS果個主管Ken Lau話， 唔俾買快充!!!!!!

訂就只可以訂返630版跟機果個龜速充電器， 垃圾華碩， 唔識做生意就收檔啦


台灣華碩官網明明建議用家買返ZenFone 3系列的快充！！
可以讓Zenfone 4 S630版本正常發揮官方宣稱的快充15W充電頭


其實喺香港， 買華碩電話真係受氣到爆... 打過去CS果邊， 慘過乞米， 我只係想買隻原廠充電ja， 已經唔理貴定唔貴， 點解要咁不斷reject我， 講到我要買隻快充好似有D咩奇怪多餘要求咁， 唉....  

而家唯有等HTC 再跌多次價就trade走佢， 買電話買到咁真係最差體驗， 仲有， 真心希望華碩香港代理盡快收檔， 唔好害人

-------------------------------------------------------------------------------
22/11 update:
走左第二轉"子龍任務"之後， 華碩方面今次都算有心幫手解決問題， 最終幫我換左個Mon， 重新接駁天線， 同埋Update左最新firmware

我星期一放工去拎機， 而家試第二日， So far so good， 未有大問題， 4G data幾乎未死過(唯一係太子站附近幾個站就一定冇計， CSL死症)， touch screen就暫時唔覺有自動亂點嘅問題

另外， 而家唯一比較煩係， 晚上訓覺到第二朝， 熄晒data待機都drop大約18%~22%電， 呢個睇黎係好普遍嘅問題， 暫時無解



btw, 手上而家用緊4部機， 由左到右係 小米Max (第一代128Gb， LineageOS 14.1)、iPhone 6S Plus 128Gb、HTC 10 32Gb、Zenfone 4 630版

其實Zenfone 4唔壞果時都幾好用嘅... 影相又幾靚， 手上幾部黎計， HTC 10真係算最好， 唯一係得32Gb storage搞到用用下唔夠位係極煩，  而家諗落， 如果有HTC 10 64Gb版賣的話， 真係好過買而家D新機好多， 起碼冇咩麻煩嘅Bug已經係最大優點

-----------------------------------------------------------------------------------------------------------------
11月16日再一次挑戰"子龍任務"round 2， 香港比台灣解任算係方便D， 台灣果邊有D網友要搭3、4個鐘車先去到ASUS維修部， 香港最多都係搭半個鐘到一個鐘。

為左Make Sure今次唔會再拎到去又話工程部試唔到， 我Lunch Time後打左一大輪電話問候晒CS、SSP收機部門職員， 最後問埋維修部試機嘅職員， 終於搞清楚點解佢試完話冇事。

原來佢地收機同事寫話我Sim卡槽有問題， 4G有Signal 冇Data， 但又冇寫實際係要用幾下又開下Wifi熄下Mon先會發生， 而華碩D試機指引又真係好叻叻豬咁， 呢D Case話4G signal有問題， 就會用4G 卡24小時咁播youtube， 播到就出個report話部機冇問題。

我頂， 話明暗病， 咁樣hae試會試到bug， 玩咩。 起碼要試下正常使用嘅情況啦。
於是我同佢幾個Staff講明要login google account， 間中開下wifi、熄下mon又再試試，最好用埋CSL卡試， 試唔到就打俾我問。


真係好煩， 買電話買到教佢維修部職員做野， 真係第一次， 華碩你好野， 講明冇下次！


------------------------------------------------------------------------------------------
更新一下，維修部試左兩日話冇事，叫我上去拎返部機走

放工6點10先上到去佢地7點收檔，搞到即場試唔到。

結果返到屋企login Google account，試下上網，又係上上4G就冇左data，上唔到網

今次係第一 round子龍任務… 睇黎有排搞，唔知要上去幾多Round先搞得掂，唉

------------------------------------------------------------

用左個幾月， 陸逐發現幾個問題。 初初以為佢Firmware未stable就忍住佢先， 點知情況愈黎愈嚴重

1) 個Touch Screen明明我冇touch到佢， 但佢成日以為我Click左落去， 會無啦啦係咁入左Multi-task個畫面度轉App， 幾乎唔會完整睇到一條Facebook嘅片， 睇睇下佢會以前我touch到個screen所以彈左出去。 如果叉住電果陣情況特別嚴重， 幾乎冇辦法正常使用。

2) 個4G上大約5~20分鐘左右， 就會冇左Data， 但佢會仍然顯示為4G signal， 但就上唔到網， 呢個時候有人打黎會發現打唔通或直飛去留言， 一定要開一開飛機mode再熄返先可以上返網

原來台灣果邊ppt成日講嘅華碩電話"子龍任務"係真架...


我用咁多部Smartphone都未試過咁快要上維修中心， 真係好嬲!!!





最後上左SSP維修中心， 係咁意問侯左兩個職員仔幾句下下火， 放低部機就閃人

個所謂嘅ASUS Royal Club， 其實都幾簡陋

早知買部HTC U Ultra用冇咁嬲... 上一部HTC 10用得好好地， 轉華碩就出事



*子龍任務:
其實就是網路傳說有人帶著他的ZENFONE手機多次進進出出ASUS的皇家俱樂部維修手機，恍如當年三國時代，常山趙子龍(趙雲)進出曹操大營救劉禪一般，又剛好ZEN就是禪的意思，完全貼切的重現歷史啊！而後網路上也時常聽聞ZENFONE的災情，讓不少人進出皇家俱樂部維修手機，因而聲名大噪。


----------------------------------------------------------------------------------------------------------------------------------------

本來想等埋隻綠色， 同埋睇睇pro版用評先決定買邊部， 估唔到華碩可以慢成咁， 乜鬼野廣告都見晒街， 但綠色同pro版就要等到10月/11月先有得賣

最後都係忍唔住手， 平平地買部黑色630版， 粒U比想像中快， 完全唔覺得似入門U， 好順， 部機做功進步左好多， Wallpaper好靚下， so far so good， 27XX入手， 抵玩!

Upload返D相， 費事俾人話係打手







----------------------------------------------------------------------------------------------------------------------------
我未買呀， 呃左大家入黎， Sor

行貨應該已經開賣左幾日， 好想買但今次華碩個開價貴過以前咁多， 唔知值唔值， 大家買左就出黎Share下用後感啦

謝謝


*比較表出自eprice


*圖片出自點子生活

CASABLANCA

推一下，我自己都好有與趣S630版。
中階機有接近旗艦級數的雙鏡頭，有HI-RES，有雙喇叭，有NFC。
比上代係貴左D，但又確實比返足料你。
但S660版價錢上到1+5同小米6的級數，競爭力就弱左......

py120

我就上星期五拎左機(S660 白色)
試左兩日機, 感覺良好, 指紋係返前面好用得多, 又敏感. 最攪笑係裝左八達通APPS 之後, 發覺張八達通卡掃哂成個機背都冇咩反應...再入.12345+= mode 再試, 一樣係冇反應...當堂以為自己中伏, 滴哂汗..(話哂我都算係FANS, 用左差不多5部ASUS 機) 星期日即刻出返去X 信換機, 去到之後, 放低比佢地睇, 再開多部機, 結果係一樣..冇反應...當時..以為自己冇做功課, 唔通呢個NFC 唔SUPPORT 八達通, SHXT.. (某程度上, 都係因為NFC 我先換機..之前係用緊Z3) 咁留低CONTACT 比X 信, 等佢地同華碩報告..睇下有無SOLUTION..咁之後, 死死地返歸, 再上網睇下有無人都係一樣....睇左幾板之後..噢..原來..Z4 既NFC 係機面既右上角...一試之下..DO... 攪掂...

當攪清楚部機係冇問題時..心頭一寛...咁就繼續開開心心咁去試機..

試左佢既廣角鏡..真係幾正..唔使再退後影...
重有預設既應用分身, 當部機一裝左一D IM, 佢就會自己多一個IM 分身..幾方便..不用再裝平行空間了.
至於佢既QC CHARGE, 我之前用開既THIRD PARTY CHARGER 同尿袋, 好似冇咩特別用到..(因為如果用到時, 當CHARGING, 果個電池ICON 除左閃電之外, 重會多左個+ 號)

大致係咁多...如果再試到其他...會再POST 出黎...

Argon

我就上星期五拎左機(S660 白色)
試左兩日機, 感覺良好, 指紋係返前面好用得多, 又敏感. 最攪笑係裝左八達通 ...
py120 發表於 2017-9-5 11:45

重有預設既應用分身, 當部機一裝左一D IM, 佢就會自己多一個IM 分身..幾方便..不用再裝平行空間了.

唔明... 咁樣即係預設可以一部機開到幾個Whatsapp?

CASABLANCA

現在大鋪好似無減價，暫時只見到CSL淨機價做緊$2798 (S630)。
大鋪買唔知有咩送？

raystation

貴左D......當然唔係同三星比…
反而鍾意指紋在機背…

b150ma

s660 會cut 走晒D功能嗎?
本來有 2x mu-mimo 就番s630...

andywong623

我就上星期五拎左機(S660 白色)
試左兩日機, 感覺良好, 指紋係返前面好用得多, 又敏感. 最攪笑係裝左八達通 ...
py120 發表於 5/9/2017 11:45 AM

可唔可以幫手睇睇有冇VOLTE同Wifi Calling (Vowifi)

via HKEPC Reader for Android

kwanyan

回覆  CASABLANCA
應該仲有貼同套送
太陽仲貴過公價一百.....
cpk 發表於 2017-9-5 13:03

    $3498 / $2798 ,貴過公價??