求救開啓抽氣扇後面百葉廉不能打開???

sonycliepda

屋企有個10"KDK抽氣扇放廚房用, 而家開左把抽氣扇, 但係抽氣扇後面百葉廉不能打開, 只係聽到"噠噠噠噠"咁聲, 請教各位師兄抽氣扇後面百葉廉不能打開容易自己維修嗎? 用手拉動側面支干係可以打開到後面的百葉廉的, 懷疑把抽氣扇唔夠力推開佢, 想請教從何入手呢? 萬分感激, 謝謝!

lnchu

起碼你拆走前蓋，扇葉，用手感受下是那處有問題。如果因為太多油積又唔想洗，換過把新的好了。

diputs

這種機械式（非電動）抽氣扇百葉簾結構好簡單，有連動桿、葉片轉動支點軸承、控制開關彈簧。先清潔葉片，唔好比d廚房油脂黏住或構成葉片轉動阻力，再係支點位加油潤滑，需要的話就調整o下條彈簧（通常都不需要）。
不過如外面風太大，會從相反方向吹向百葉片，都會打唔開。

boy168

係入面有垂直杆, 固定打開就可以

sonycliepda

這種機械式（非電動）抽氣扇百葉簾結構好簡單，有連動桿、葉片轉動支點軸承、控制開關彈簧。先清潔葉片，唔 ...
diputs 發表於 2016-8-9 10:15

已清百葉廉,百葉廉轉軸加油, 但而家把抽氣扇都仲係無力推開啲百葉廉, 當開啓抽氣扇後, 只聽到右邊有個白色膠盒內"噠噠噠噠"聲, 個膠盒有條粗鐡線用黎撐開啲百葉廉, 好似唔係好夠力咁! 但用手動推開啲百葉廉又可以, 但要用力一些先推得開, 請問仲有無得維修呢？ 謝謝!

diputs

試下拆開個白色膠盒整。
或可以先將個膠盒果條粗鐡線拆落黎，試下單靠風扇風力能否打開百葉簾。

ban01

抽氣扇千年油積,
我都有這情況,
1/ 買把新
2/ 拆散佢大清洗
3/ 加潤滑油 (無乜效)
4/ 在葉簾的連動桿, 加條繩 每次手動開葉簾

sonycliepda

係入面有垂直杆, 固定打開就可以
boy168 發表於 2016-8-9 10:21

咁落雨/打風咪大鑊?

boy168

回覆 8# sonycliepda
無問題的, 要大風加大雨加方向正, 你話啊

別問我是誰

已清百葉廉,百葉廉轉軸加油, 但而家把抽氣扇都仲係無力推開啲百葉廉, 當開啓抽氣扇後, 只聽到右邊有個白 ...
sonycliepda 發表於 2016-8-9 10:57

早排去朋友屋企　佢把抽氣扇都出現你既情況　後面隻住葉吹唔起　用小小力可以推得起

結果我開抽氣扇後　再用手指住隻葉　只需些小力就可按得停　摩打打柴了