[開箱] 深水埗實體店 賣悅x視聽 偽SE864 售後真的差...

artai

小弟本來都唔知隻偽SE864係黎自淘記的悅耳視x (隻耳機係深水埗一間鋪頭買)，買返去過左兩個星期左右，右邊耳機的其中一個單元甩左，在耳機膠殼裡自由走動.... 拎去鋪頭要求店員維修，他說要Send上廠... 本來說新年前夕，要新年後才有，怎料一去兩個月，等到不耐煩，追問店家，店家就給我和這個淘店的對話，才知耳機是來自這家店... 而那家店舖更一度表示，耳機出門後，沒義務包保養...怎樣不愉快也好，店舖終於還是給我修好，還給我耳機。但以後就再不保養...

但這個耳機，4個月以後，又有同樣的問題...這次店鋪那個年輕人說過貨一出門，例不保修...加之之前和那個店舖，每星期問一兩次整好未，都俾佢話我煩。

經過這故事，小弟有兩個教瞓：
1) 絕對不要在香港的店舖，買DIY 淘仔嘢
2) 故事的店舖，(不負責任得太離譜)，將列入個人黑名單。

(由於答應過深水埗店鋪，不開他的名字，小弟就此省略，大家也不用PM來問。只是補多句：祝佢好運。)

貼文後：也感謝這裡的師兄，知道我的無奈後，幫我找淘記悅耳店，約略的說一說情況，便通知我找悅耳，說那邊會幫我維修(如果是真是他們的東西)。 而找到悅耳後，他們只希望我知道一點：他們在香港沒有代理店，也沒有合作伙伴，但應該是有人拿著他們的東西去賣... 而他雖沒說破，但我那個，不是他們的SE864，而是他們另外的便宜型號，而我貴了太多... (我看來真像條肥美的水魚...)

要讚悅耳的是，他們肯幫我把單元提升至他們那個“真”.864(當然要加錢)，但又立即話：係我的產品，我會保養。呢個態度，我欣賞。

再次感謝師兄

cyrilhl

本身diy 耳機已經係風險高，係香港鋪代購都唔會另件事有改變。
香港鋪最多咪同你用淘寶鋪係咁二溝通下，好大機會唔會同你保修到底啦

何況宜家d diy耳機都唔平，你玩得兩隻，不如買大牌野都無禁激氣

kinghung

有品牌同無品牌既分別囉 (香港地買野，多數衣食住行都唔會買無品牌架啦，買廁所無品牌你都唔敢買啦)

artai

好，再講一講果隻偽SE864，用手提電話，冇加耳放的情況下，基本上係冇低音，中音及高音都算okay，通透度高。

在店舖購買之時，有試過小米圈鐵，呢隻的確比圈鐵聲音更通透，兩者一比之下，小米有如在狹小房間的音場，這個廣濶好多。

但冇低音有時真係幾忐忑。

kinghung

低音其實幾主觀, ER4S/B 多數人覺得無乜低音，我說覺得已足夠, 而且係非常靚既低音

artai

回覆 5# kinghung


  C兄，你點知佢哋用果個單元呢？

killfatbeef

好，再講一講果隻偽SE864，用手提電話，冇加耳放的情況下，基本上係冇低音，中音及高音都算okay，通透度高 ...
artai 發表於 2016-7-7 10:26

    師兄肯定係悅耳嘅貨？你嗰隻咩單元？4+1定咩？店主叫你搵佢 我有同店主傾開佢份人好好咖喎 應該唔會出完貨唔理 但係你係香港第三方買其他diy 耳機嘅話冇保店主亦未必有責任幫你 你下次要買就直接聯絡啲店主傾好先啦 anyway 你可以搵悅耳店主佢會幫你唔好係到抹黑人地

kinghung

回覆  kinghung


  C兄，你點知佢哋用果個單元呢？
artai 發表於 2016-7-7 10:34

??
唔明

~~峰~~

回覆 4# artai


我同意樓上cyrilhl  講DIY 耳機係風險高
完全睇彩數, 我暫時算好彩, 1隻幫人買 , 1隻自己買,都係悅耳的 都未有事

ching, DIY 彷*$^ 耳機, 價錢只係正價10分1 , 唔好期望真正846

BTW 悅耳D 耳機
不論係1圈4鐵, 6單同7單,
我試過覺得都係偏向人聲前,  bass 係弱
6同7單聲底好相近, 7單BASS 會比6單好少少少少

artai

回覆 8# kinghung


   
您點知佢哋係用ER4S/B?