[一般問題] 舊車主要留牌的問題

fkjohnny

各位師兄,你們好
是咁的,剛落訂買了一部二手車,但上手車主表明要留牌,所以想請教下各位,如果上手車主要留牌,變咗我要出新牌,咁樣請問在運輸署搞轉名手續時，運輸署比新車牌號碼我個陣,會唔會比埋副前後車牌我?定係我要自己出去做一副? 仲有因為上手車主10月驗咗車,但淨係續咗一季牌費到2月,咁如果我想去轉名嗰時續埋個牌費到出年10月,可否一齊做埋? 如果可以,要比咩文件?唔該晒

ruri1234

回覆 1# fkjohnny

自己出去做一副

ruri1234

回覆 1# fkjohnny

睇張驗車紙幾時簽
如果仲係4個月內都仲可以續

以上只是小人見解, 有待其他人答XD

ryan_cheung

運輸署比新車牌號碼我個陣,會唔會比埋副前後車牌我?定係我要自己出去做一副?
自己去附近汽車用品店做, 普通車牌應該好快搞惦

仲有因為上手車主10月驗咗車,但淨係續咗一季牌費到2月,咁如果我想去轉名嗰時續埋個牌費到出年10月,可否一齊做埋? 如果可以,要比咩文件?唔該晒
可以續埋, 要有新牌簿, 驗車紙, 保險 hardcopy / Cover note, 錢, 但唔肯定可否一次續到10月, 因前車主己續一季, 你要係張 form 度寫返四個月牌費

Jazz

上手要留牌, 樓主出新牌, 你地記得去ssp搞, 因為沙田運輸署只做轉名不做抽波波

vv123

運輸署比新車牌號碼我個陣,會唔會比埋副前後車牌我?定係我要自己出去做一副?
自己去附近汽車用品店做, 普 ...
ryan_cheung 發表於 2015-11-2 13:11

Cover note有效30日, 應該唔比續...

ryan_cheung

回覆 6# vv123


我印像中 Cover Note 係可以續, 我朋友好似試過

sunhikari

你個CAST,係內部叫做做「留過」(留牌過戶),舊車主留左牌後, 電腦會自動出新NO.,但掛車用的車牌就要自己做,運輸署一向唔會比呢D野你
自於續牌問題,而家舊車主做左4個月,咁基本上就要每4個月續一次,因為運輸署只有一年同4個月牌費的選擇, 如果要續的話就一定續一年,而且咁的情況必需重新驗車先可以買一年,因為一張驗車紙係比你續一年,唔夠一年年期就一定要重新驗車,買四個月個D係會有封續牌信要比牌照部的人睇左,啱資格先可以續到牌

如果樓主咁的情況,最好做左留牌過戶,唔好做續牌住,因為續牌係硬性規定係張保單要保到新行車証生效的第一日先出到牌(例:如果個新牌係2月1日開始生效,咁你張保單最少要保到2月1日先出到牌),而臨時單最多係7-30日不等有效,換言之一定唔夠你續牌用,等大約一月中左右,有張保一年的保險,咁就再去續4個月會好D

順帶一提,留牌過戶可以同一個COUNTER做晒(SSP牌照部就4號同5號COUNTER),但我比較建議係港島做晒,因為SSP的留牌COUNTER得兩個,但人龍卻是長期的多人,要快好老實真係睇你好唔好彩,但星期一同五去係同自殺無分別

sunhikari

回覆  vv123


我印像中 Cover Note 係可以續, 我朋友好似試過
ryan_cheung 發表於 2015-11-2 13:30

Cover Note 係可以續,但一定係要保到新行車証生效的第一日先出到牌

ryan_cheung

回覆 9# sunhikari


通常急到x 先會出動到 Cover Note XD