識電腦繪圖／畫漫畫嘅師兄請入！

qwvb1111

有個問題想問下．．．小弟近來想用電腦畫圖．．．主要係想畫一啲動畫人物嘅粉絲創作 (Fan art)，因為受到一套動畫嘅一個人物影響，加上見到都有啲其他粉絲創作好靚，所以想自己都畫一下擺上網分享．．．

但係小弟對於電腦畫圖呢方面嘅嘢就係冇乜認識．．．有讀過下多媒體創作，都有用 PS / AI 設計下圖片，而自己平時得閒都有用鉛筆同紙畫下畫嘅．．．但係我諗網上啲畫同 fan art 應該唔係會用鉛筆畫完之後 scan 落電腦，用滑鼠點擊式咁畫出嚟掛．．．？

所以想請教下其實．．．

1. 啲 fan art 係點樣喺電腦度畫架？

2. 要用咩工具架？

3. 我睇到有個叫 Wacom 嘅牌子好出名，專出呢啲咩繪圖板．．．又有 Asus 嘅咩 VivoTab 等等嘅東西．．．好亂，想知用電腦畫圖係咪一定要有部「可以用 Windows 嘅平板電腦」？因為可以直接喺上面開 Photoshop / Illustrator 直接用 brush 畫．．．

4. 師兄會用咩軟件畫畫？我睇到有個叫 Clip Studio 嘅軟件，佢哋個官方網有哂啲唔叫係教學嘅教學，因為已經好似好進階咁，話專業畫家都係用佢畫漫畫．．．仲會有內置 3D MODEL 畀作者有個身形預住嚟畫，功能好強大．．．定係用番 Photoshop 同 Illustrator 就夠．．．？

5. 進階啲嘅師兄可唔可以賜教一下小弟點樣學到唔同角度畫一個人同埋人身體比例點樣分．．．？因為小弟淨係識畫背面，正面，側面嘅前鏡角度，即係普通直望一個人嘅角度．．．其他角度都試過畫但係會有啲奇怪．．．同埋最緊要嘅比例，我都係要睇其他 fan art 同官方 art 嚟度好佢哋個比例，再大約畫番出嚟．．．所以想請問下點樣可以自己心裡識預 少年 / 少女 嘅身形比例．．．？


我都係新手，當業餘嗜好咁畫下．．．同埋只要畫到個效果，填好色，效果唔錯咁就得．．．要買嘅話都唔好太貴．．．遲啲有興趣又有心先至再喺呢方面發展 ／ 加錢買器材．．．有咩好建議？唔該哂師兄！

qwvb1111

推！希望有師兄幫！

hanley3000

動畫二次創作 (同人圖)一般都是用繪圖板直接在電腦起稿、上色的
可平平地買塊WACOM繪圖板就足夠
數百元就能入手
這種板子不是直接畫在畫面上，初用時可能不習慣，不過習慣了就很好畫了
另一方面能直接畫在畫面上的繪圖螢幕貴很多(數千到上萬元)，新手不建議買
用附筆的平板電腦也可代替，不過功能較專業繪圖板陽春 (M$ Surface Pro不錯)

Software方面多用sai或Clip Studio
兩者在筆刷方面的設定比較好
適合起稿和上色用
Photoshop比較適合後制調色用，而Illustrator是畫向量圖用的
Clip Studio融合了sai和PS的優點，非常推薦
中文版常有特價，最低約百多港元左右就可以入手

關於繪圖及工具、軟體的使用方法
建議你可Google下「繪圖 實況」看看別人是怎樣起稿、上色的
至於畫技的問題已超越EPC的討論範疇
估計這裡問是不會有人回答的
多上分享繪畫的討論區或分享網站研究看看吧
pixiv (日系)、DeviantArt (歐美風格)都是不錯的分享網站
共勉之

wingkps2

WACOM繪圖板.用佢都做到.我都買左1980.但...先講聲..可能我年齡大.
買左返黎.同劃上紙到好唔同.所以我鋪左張紙上去.但我都好小用.
但我個女.佢又買左塊.但佢就好易上手.人佢用紙同筆都熟手過我了.
但真係好方便.尤其上色..我先聲明.我畫野好水皮個隻.

qwvb1111

回覆 3# hanley3000


真係唔該哂師兄嘅解答！好詳細，釋除咗我好多疑慮！不過由於我都仲係新手所以都仲係有啲問題，還請師兄多多指教！

1. 師兄建議用邊隻 WACOM 繪圖板？Bamboo？Intuos Pen Small？定係 Intuos Pen & Touch small？Bamboo 就好似多人建議畀新手起步用，你畀我個 WACOM 網入面睇到 Pen Small 好似淨係得支筆，因為 Pen Touch & Small 有埋 Touch 功能，唔知係咪旋轉、移位、放大嗰時會方便啲？

2. 師兄覺得用 好似 WACOM Intuos Pen & Touch Small 咁樣嘅繪圖板係好過用附筆的平板電腦？

3. 師兄覺得畫同人圖，係咪有掃瞄底又或者畫開畫好啲？因為我都真係唔係成日畫，兩個月先畫一兩張，所以係咪唔係太適合．．．？

4. 師兄覺得用 Sai 同埋 Clip Studio 係最好嘅係咪？咁呢，我想知起稿、線稿係咪用 brush 較到好似鉛筆咁畫線？上色係咪都係用 brush 嚟油顏色？

5. 同埋呢，係咪有筆壓感應會好啲？上面講嗰啲畫板有冇架？因為好似畫線會容易啲預粗幼，好睇啲，係咪咁講？

再次多謝師兄解答！希望你唔好嫌我煩，新手咩都唔識．．．想有師兄指導．．．！pixiv 同 devianart 我都有上！希望第日可以喺嗰度分享我嘅作品！

hanley3000

回覆 5# qwvb1111

1. 現在入門級Bamboo繪圖板系列已經更名成「intuos」，原本專業級的intuos變成「intuos pro」，入門級請買新intuos，現在商店裡仍有BAMBOO繪圖板的話都是舊貨。
我認為觸控功能不太實用，買PEN ONLY平一二百，不常畫的人買最便宜的板足矣。如需要旋轉、放大功能可選擇附有觸控環的intuos pro，板子上的快速鍵也可以自訂。

2. 一般的附筆平板只將繪圖當作附加功能，手感及筆壓較弱，我只用來打草稿。想要仔細修線或上色還是用繪圖板較輕鬆，即使入門級繪圖板的表現也比平板好。假日黃金商場有攤位可試用WACOM畫板，去試試看。
當然WACOM也有出專業級的繪圖平板電腦 (Companion)，只是索價不菲。

3. 這視乎你對自己的要求了，以什麼目標來畫？不同目標對畫技水準要求不盡相同，未必要需要很強的畫技。自從WACOM畫板和sai普及化以來進入電繪的門檻降低了不少，按自己的步調選擇目標和進步吧。

4. 選擇筆刷視乎風格和需求。sai和Clip Studio的筆刷手感跟PS有非常大出入，用PS的常識來比較似乎不太適合，你可實際以繪圖板試用下哪種筆刷比較適合。

5. 不論是繪圖板、平板還是繪圖螢幕，筆壓都是電繪的基本需求，因此我介紹過的都是有筆壓的，只是不同產品的筆壓手感會有差異。

tridagger

睇 Wacom facebook 話會係“數碼生活嘉年華“參展
你可等到到時試玩下唔同型號再決定買那款
有d 人會唔慣隻眼望唔到隻手來畫圖，要用那種連螢幕的才用得比較順
試完再考慮都未遲

youtube同 niconico 有很多畫圖影片／直播可以找來看看
デジ絵の文法 - 系列影片雖然有點舊，但都係講電繪，可以看一下
イラスト上達マガジン touch - 這系列書也是講畫圖的，有唔同手法的畫師畫圖過程記錄，跟光碟的影片不是快播那種，有些圖用了好幾十小時，可以慢慢看別人的操作跟手法

電繪的software 有好幾種
上面提到的 PS/AI/SAI/Clip Studio 外還有 Painter/openCanvas
每個程式對不同風格的電繪有優缺點
可以都下載試用版來研究一下
你可以跟據自已想畫的風格去決定用那種software

tridagger

回覆 3# hanley3000

竟然有特價。。。
不知會不會很快再有特價
這次特價早幾天完結了（錯過了

cnomis

好似幾好玩咁～～

qwvb1111

回覆  qwvb1111

1. 現在入門級Bamboo繪圖板系列已經更名成「intuos」，原本專業級的intuos變成「intuos p ...
hanley3000 發表於 2015-3-31 16:32

唔好意思呀師兄．．．仲有好多問題想問，希望你可以不厭其煩咁解答．．．已經好耐冇見過咁好咁詳細解答人嘅師兄喇．．．所以想知多啲嘢．．．

1. 首先多謝師兄指正話 bamboo 係舊嘢，依家最入門都係 Intuos！你建議買嘅係咪呢個？
　　　http://www.price.com.hk/product.php?p=160497

2. 如果係嘅話，你覺得買 SMALL 定係 MEDIUM 抵啲 / 好啲？同埋如果呢個價可以畀我直接喺塊板度放大旋轉操作嘅話都接受到嘅個價錢．．．

3. 我諗我買咗嘅話會每日都畫，如果你講 Intuos Pro 嘅話：http://www.price.com.hk/product.php?p=160501
　　　係咪呢個？都要 $2800 都真係幾甘下．．．我諗又唔洗咁勁住先嘅．．．

4. 假日係咪指嚟緊復活節假？定係每個星期六日都有？唔該哂你嘅資訊！我會抽下時間去試試！
　　　Companion 2 我都睇過宣傳片同埋專業插畫師用．．．嗰啲已經係攞嚟搵食同極度專業級水準，我只係攞嚟調節心情同埋嗜好用，唔洗咁專業我諗．．．而且港幣要成 $17000 蚊一部，對我嚟講真係殺雞用好大把牛刀．．．

5. 目標嘅話我有！有埋圖片畀師兄你鑑定一下需要咩技術添！請閱覽：

　　　5.1) 初步嚟講，我想自己起碼畫到呢種水準：
　　　　　http://media-cache-ec0.pinimg.co ... 1b1ba6ce9f2879f.jpg
　　　　　http://alternative-pokemon-art.tumblr.com/image/78444002485

　　　5.2) 之後我就想做到呢種圖咁，即係識用 Photoshop 修飾到幅圖啲反光位好好睇同色調好柔和嘅感覺！
　　　　　http://safebooru.org/images/1279 ... 240f92f1a5afb7a.jpg

　　　5.3) 而最進階嘅，我係想做到埋呢一種水彩/ 冇黑線做邊框嘅境界！
　　　　　http://twitpic.com/dncbxj　　

　　　5.4) 當然係咁多嘢之前，識得點樣畫好個比例同識畫草稿 / 勾線係我最最快想做到嘅嘢啦！咁都做唔好就乜圖都唔洗畫．．．

　　　　　師兄覺得點樣？係咪要好高階技術．．．？

6. 咁師兄你直接喺電腦起稿嘅話，你會建議喺 PS SAI 定 CLIP STUDIO 嚟起 / 畫線稿？因為你話感覺好唔同，所以想請問下姐．．．因為我覺得冇理由用 PS 嘅鉛筆工具嚟畫，會整到好似小朋友喺小畫家塗鴉咁．．．

真係唔該哂師兄解答！唔好意思咁煩住你！！