[教學] NZXT PHANTOM 410全完成圖(POST 1-執靚仔左+簡測)

fatdumm

4/12/2012
終於有時間同心機去上埋D燈同執靚部機上埋最後呢張圖~
不過未有錢買番個流量計連顯示器,出年換水有機會先再執過~
跟住就喺窮有窮玩既計劃開始


跑埋Furmark試下vga會幾多度,結果滿意



黎左水區一段短時間...雖然我好鬼蠢都學到少少野~
不過都喺因為睇得多就中毒多...
咁啱又有師兄放360排..本住順手幫人攞埋..點知擺得喺屋企耐左都出事...下次都喺唔做好人了
之前睇到電視學到句叫空間大改造...到我試下先~~

上次既上水LINK : http://www.hkepc.com/forum/viewt ... p;extra=&page=7

今次諗住咁玩...不過都要等D料到齊先得~比張小畫家大家過目先~
麻煩幫幫手比下意見睇下1定2好~
煩左好耐...搞左圖二...始終都喺效能好過外型~雖然兩樣都重要

1.

2.

12/9 放住少少相先~

舊加新物資







就喺呢對野...搞到我來回九龍塘四次





拆晒D舊野先



喺咪好熟口面呢?~多謝某師兄割愛讓一個比我~~













上機度位





期待左好耐既野~反正要整就一次過



18/9 stage 1 完成 ~~ 非常感謝黑人師兄加老坑師兄日夜指導牛皮燈籠~~~

由於整整下發現出入水都有問題,為免之後搞著自己都喺一次過改晒佢~~

PS # 其實中間多得某師兄借出鐵剪..等我可以展開第一步簡單MOD...當然小弟手工好差...又唔想成日借人地D工具...一來唔好意思,二來驚整爛啊嘛...亦多得師兄親手幫我代工磨HDD架個邊~~萬分感激~~同日有幸再同另外兩位師兄吹下水~~

新到淘寶物資,我都喺barrow fans黎架其實



由於我剪喉手工麻麻..加上去開深水埗搵螺絲...順手帶左把喉剪番屋企~~加埋圖中物件都喺個人認為上水必備工具~~



得到黑人師兄同老坑師兄既指導之下..諗到唔同既出入水方法..開頭都以為唔得..跟手本住試下心態..又成功左~~~兩位,萬分感激




跟住就喺整埋各入水喉既工作..



唔知喺咪眼睏...唔記得整直條360排去cpu既喉...



上晒野準備試水



又發現左樣野...對QDC得個裝飾用...同埋好多師兄叫我留鬆個位FOR拆開...我明白...

感謝ALEX兄喺POST # 141既建議..但由於我仲未放棄玩雙樽..亦由於美感問題...恕未能接受...



上埋訂做既銀線...準備試水啦喎...



最後都喺谷鬼氣...拆左對QDC下次再用~~因為佢成日令條喉彎左...又做唔到我預期既入水或者放水效果 ~~



第一次試水...失敗...因為TOP頂粒FITTING唔記得上實 ...好彩老虎出手相助...加上冇硬件喺下面又未入到水...幸運...

最後成功運行~~



NIGHT MODE~~



其實仲未整好...例如UV管未諗到點放好...佢隻牛暫時吊住機外...前晚又去左淘寶一次...間野同我開始熟了..

行左個FULMARK 1920 X 1080P 15 mins 試GPU TEMP , IDE : 25度 , 開左冷氣室溫23度 ,最高46度 ,無開冷氣之下最高49度...感覺良好..而家打機都喺31-33度左右渣 ...之前公板散熱行FULMARK 83度...

CPU LINX 0.6.4 + AVX 4670K 4.5G 1.155V 燒左一個鐘...最高81度~~..都喺偏高

不過唔記得cap圖...唔緊要...stage 2再試過做test~

25/9 STAGE 2 finish ~ 今次漏左好多相冇影..SORRY

二手FITTING , 多謝師兄們割愛





BARROW物資





再一次度位~~由於我唔會放棄雙樽~~



自家小手工...整得唔好..唔好見怪...



今次既主角..K牌水冷液...細心留意下文



話咁快整好LU~~入水先~~



起晒泡添~~



入極都唔滿..月餅盒出動!!!



試水啦喂~~





去到呢度發現個左個問題，跑furmark比之前就左廿幾度，以後但單D5唔夠力，拆左佢放水轉單樽



玩左成個鐘都冇事...去左訓覺...第二日起身打開個箱望望..咪住先...點解機底有幾滴水漬



兇手出現了~~



其實仲有左上角樽底個雙旋轉外牙都有少少漏..賣家話拉力有影嚮...我話...買黎裝好實有少少拉力架啦...咁佢就話QC問題...我覺得喺自己黑仔者...因為另一粒都冇事...解決左之後走去跑轉FULMARK燒機...又發現個GPU溫度
比單樽果陣高左30度,即喺問下其他師兄咩事...所以又拆晒落黎試...

傾左一大輪...黑人師兄同老坑師兄都覺得唔喺BLOCK..就喺泵...所以先試D5泵有冇力...



到GPU BLOCK ... 發現流量極細...



用埋水樽都一樣...



發現個BLOCK裏面有D粒似毛頭既野塞住左...



之前用蒸餾水玩冇事..點解會有呢~? 諗左好耐唔通支水冷液有雜質...?
咁我搵個打邊爐果D撈箕一試...真喺裏面有D古怪野喺道...裏似毛頭咁...
已同代理反映...最後得知原來呢隻水冷液會蝕"拿"到排或者其他野甩D物料出黎...開頭我好記得代理話唔駛溝水
如果有師兄用緊或者將會入手..記得加少少水中和一下...不過個人意見黎者...唔鐘意勿插...都喺果句..我黑~
代理話會幫我向Koolance投訢...
搞左我一大輪...而家一屋都喺零件...又要重新上過...唉...希望今次冇事


清完個BLOCK後~~完全乾淨晒...自此之後我明白到一定要買個隔垃圾網用



update到呢度~~呢幾日收工攰到即刻訓左...加上睇完出面D POST諗到有改動可以做...

所以會再有STAGE 3 , THANKS~

18.11.2013最後更新...由於屋企有突發事件令update遲左好多唔好意思~~

拆晒d野落黎先


多謝alex兄割愛




有上面果舊就唔可以冇你啦






怪獸出場




要做少少手腳令佢可以配合到我想做既要求~












計計下自己做左半個k牌用家


當然唔少得窮人恩物barrow






新款c99pro


雜物一埋


仲有就喺改側透..感謝燒豬先生代工


淘寶買既熱熔膠槍...幾好用


再洗排


懶人唔想攞住個風筒...


又再回到起點...從頭上路..


一開波...斜飛...試位者






特登訂左個大樽番黎...點知唔好睇同企得唔多穩...轉番個細先~


基本完成圖...


心水清既師兄應該都會問...點解好似個PUMP唔同左..
本來上番D燈同側透就完成,點知黑開真喺有條路,隻PMP500一開機瓜左...
上次拆機仲好好地...真喺黑...好彩多得alex兄幫手整D我能力上做唔到既野...
加埋今次香港代理出手相助...兩個星期換番隻番黎~~真喺唔該晒...
不過到而家都未時間佢究竟著唔著...講緊隻大怪獸...
亦由於某大毒王毒性太強而且之前提過屋企有突變...所以410呢個POST只會改到呢度為止...
唔玩水?~梗喺唔喺...與其喺玩..不如玩盡佢...黑哥有大有大玩...我有窮有窮玩~ ...不日出現~

brian1024

lm 等完工

SKYLINE000

新手留名等學野

kimlam666

CHING好野
又出手

FeverMike

想知單D5行晒上圖元件效果如何

cwcc

新手留名學下野先

posted by mobile

ok041094

點解用雙樽

fatdumm

想知單D5行晒上圖元件效果如何
FeverMike 發表於 2013-9-7 09:07

我都唔知..已經留一手準備...唔得就加個D5行雙LOOP...

fatdumm

點解用雙樽
ok041094 發表於 2013-9-7 12:49

多個樽望落去冇咁多吉位嘛...本身之前有個65MM樽...咪用埋囉