本帖最後由 hkarmy01 於 2012-3-30 21:05 編輯
前言:
小弟踩左 Dahon 小摺都接近兩年
一直都係用一字頭 配 全套 10 速 Xt 件...
近排心思思想轉 RB Setting
(因為屋企空間實在太細,唔容許買RB或硬架小輪徑,亦唔容許掛牆或天地柱)
逼於無耐只能夠繼續玩摺車
相信有留意 Dahon 摺車行情既朋友都知道...
Dahon 近兩年出左好幾款外型貼近小輪徑既摺車
包括 hammerhead,bullhead,silverstip,Dash P18 及 Dash X20仲有近排出既Voll-D16
除左 Dash X20 之外...其他4部全部都係行 406 + V-brake+一字頭平把
唯獨是Voll-D16 & Dash X20 係真正 貼近小輪徑/RB 既 setting(槍手+原生 C-brake配羊把)
礙於我部車本身已經全改,有諗過買架 Dash P18 & X20 番黎再改...但計番條數..剩係為左個車架買成車又真係幾浪費
死人Dahon 最衰無剩車架賣.. ..(淘寶係有唔少 Dahon 剩架..但新款既Dash 剩架暫時未見有)
甘唯有將目光望向 Voll-D16...但睇一睇 Spec...6XXX型號 既鋁架(唔係頂級既7005)
支前差又重..仲要係鋼差(國內論壇有人將成部車拆開黎磅重...剩係支前差已經成1.X KG 重..)
有問過朋友既意見,係朋友極力既反對下,打銷左購入 Voll-D16 再改裝既念頭...
但心中果團RB 火又熄唔到...點算呢?唯有向家陣騎緊既小摺諗計..
============================================
過程重點分享:
首先,原先用緊既係團購買番黎既一體式外摺頭柱,長37 cm,外加羊把
大家睇番呢張圖..發現到問題所在嗎?
第一,張 Seat 太矮,頭柱太高...
(因我本人個子不高腿唔長,唔可以再拉高D張seat,再加上一體式頭柱無法降低高度,所以形成呢種錯誤反差)
第二,羊把Setting 配落RB,以本人實際所測,你個人身高無番175cm 以上都唔好旨意甘改..
因為羊把Setting會比 Dup 頭更為突出,唔高加手短腳短既人直頭要用"趴"既方式伸長隻手先可以抓緊頭Bar...
好了,為左解決呢個死人頭柱問題,所以用番舊果支快拆式頭柱落手
果支快拆式頭柱(非一體式)約莫長 32~cm 左右(由柱底至鎖Bar 孔中)...已經比 一體式摺柱 短5 cm
但仲未夠短(矮)..點算好呢?把心一橫...將上管既下方部份cut 短 4~5cm...改完之後孔中約為28cm
前後加埋比一體式頭柱短(矮)左成10個cm...同張 seat 位一拚... Seat 位已經略高於頭Bar 高度了
(改後如圖) ....
P.S:條波線及brake 線殼仲甘長既原因係因為部車唔知適唔適應到,或許日後會改番一字頭..所以唔cut 佢住
跟住係煞車方面,好多人都有有呢方面既煩惱..
槍手直接配V 夾煞車力會好軟...
(有人話可以配短V,不過個人對shimano 野有辟好...shimano 無出短V所以.. )
因用緊 406 鈴,如果你要改做C 夾,一定要升級做 451鈴再加C夾碼...
再加上C 夾碼裝係每個車架上..係尺寸上都會略有出入...未必套套岩裝
所以暫時又未見到有406 既 C 夾碼賣..(如果你有DIY 能力另外自制C夾碼既另計)
面對以上問題,解決方案有二
1.將車鈴升級做451加C夾碼裝C夾 (花錢最多,甘改法同買過部車或買過隻架差別不大..)
2.落蝸牛
因唔想哂太多錢係同一部車度(前前後後不斷改裝同埋各式配件已花接近3萬)
所以選擇後者...落蝸牛....
呢隻甘既死人野真係呃錢到爆炸...西九龍區某間單車舖賣一粒 $160...(兩粒就已經 $320...)
但聽聞果間車舖賣既蝸牛制煞力比其他國內款式強...搏一搏買左兩粒...一前一後
根據說明書所示,隻蝸牛果個孔位,要係拉好線鎖緊V煞後,停係2點方向係最為有力既(禁煞制果陣就會去到4點方向)
Set 好後,落街試車,前煞有V-brake 8~9成,後煞差少少,約莫7成左右
(每次摺合後要再略為調整後brake,因為會每摺一次就會鬆些少)
=============================================================
結語:
小摺改RB Setting,不外乎兩個重點,頭柱高度以及突出程度與車架以及自身是否合適(即Bike Fitting)
第二就係制煞力問題...呢兩個問題唔係話搞就搞到...
好睇個車架先天性質,如果純粹想體驗下RB Setting,可以一試,但如果想發揮RB 力量..
你都係去買番部正正經經既RB 吧啦..
係改完部車後,有出去試過車
因為改成RB Setting後,成個姿勢都唔同哂,好唔習慣,個車頭左搖右擺渣唔定好似就黎炒甘
而腰,虎口位同膊頭簡直係酸痛重災區,但相信踩多一輪,適應同調整過姿勢後會舒服好多
目前打算花1~2個月時間黎慢轆適應部車...然後先快踩
以上心得純粹分享性質,希望可以俾一D想改車既朋友作為一個小參考 |
簡體版
訂閱頻道
訂閱電子報
發表於 2012-3-29 22:53
| 
..(淘寶係有唔少 Dahon 剩架..但新款既Dash 剩架暫時未見有)
)
發表於 2012-3-29 23:18
| 
