本帖最後由 ckkong97 於 2023-10-15 07:56 編輯
整乜, 整左幾銀? OK嗎?
jk1399 發表於 2023-10-15 06:24 
等我打番出黎先....
第一部機, HP pavilion 15 i5-8250U, 當年三年大學保內跌咗落地, 爆mon 拎番香港HP 報價, 二千幾成個面蓋, screen, wifi 天線, 鏡頭全換.... 果時部機都係5-6k 最後無整, 我曾經打開過蚊咗條screen 線... 一路都係直出HDMI 駁mon用... 呢部都係整得最耐既機... 我地由三點幾等到七點... 中間五點幾返過去, 佢換咗三個screen 都無畫面(Screen $500), 最後發現原來係燒埋條mon 線....$120, 電池咁多年都老化我記得都脹脹地... 換埋$260...成部野最後$880 ...
有部Surface 7 Pro 差唔倒電, 以為係電池, 佢最後發現底板有事, $450 ....當年我曾經有部Surface 3 係香港脹電(部機已經爆開咗), 新高登報過要連mon 換9百幾... 我最後掉咗, 一拆真係個mon 即爆... Surface 7 Pro 個結構差唔多, 佢地可以原好咁甩走個mon 換野... 勁....!
第三部紅米note8pro換電, 已經脹到底蓋爆開咗, $90.... 香港行過咗保都要$120檢查費+電錢, 通常$50-60.... 仲有, 舊機九成九無零件唔整, 我試過近兩年既機都可以無件唔整....  另外無得即刻拎... 香港鴨寮街整即場有得拎分分鐘要200+
其實仲有第四部, Lenovo 手機爆mon (呢部無件要訂), 訂好下次上去微信佢
仲有, 大陸有度好, screen 分內外... 換外玻璃通常都平好多... 成個screen 換就貴啲, 試過有朋友一次過整四部整電話都係1200....香港換一部機既screen (全件換), 閒閒地行報你一兩千....
另外店長有微信(萬城科技), 其實可以係香港影相問定價先... 有時有啲件要訂咗先...佢整機中有乜野都會微信搵你
我係成日北上既... 一個月最少兩次... 今次係第13次北上, 華強北係第二次...
上次羅湖過係華強行去華強北仲要暑期真係好鬼熱.... 我果次整另一部Poco F2 Pro 差唔倒電, 果次是蛋搵間換副板就真係鴨寮街價.... 不過太熱唔想行所以照俾... 第一次去唔識路....唔識搵, 之後見FB 個個推呢間.... 就試下, 最好笑係我推過呢間俾舊同事, 咁啱就撞倒佢去呢間整電話.... 
原來華強北果度已經有間茂業天地, 地庫係有啲野食, 丘大叔係果度...昨晚都係去果度食小楊生煎... $59 兩位叫咗三樣野一個菜可以食到飽.... (香港大家樂一個食個晚餐都有可能唔只), 我地仲美團咗啲卡瑪王子麵包去果度, 拎返香港做早餐.... 運費都係5蚊... 自己搭地鐵加時間都唔只....
行遠小小(十分鐘內)就有個中航城君尚購物中心(近華強站), 果度會比較多野食, 我去買混果汁個app就點咗我去....
我都見倒華強北有夜市... 其實日間都有開, 不過唔係好吸引....
最後, 八點半走果時我去蓮塘口岸 (架車泊爛地).... 係華強北一落地下城迷路, 只見倒1/7號線搵唔倒2號, 仲撞見番店長... 佢問我地去邊, 我地話返香港, 2號線蓮塘口岸... 佢點番我地去相反方向.... 原來2 號個站就係相反方向... 地下街指示唔清楚... 差啲行錯路... |
簡體版
訂閱頻道
訂閱電子報
發表於 2023-10-12 18:42
| 
另外無得即刻拎... 香港鴨寮街整即場有得拎分分鐘要200+
