mickey1234

Epson 塞墨頭塞都火都嚟
tkt1307 發表於 2024-12-24 15:37

    epson l4260 我長期用高質素打印冇塞過墨頭
如果用正常,一兩個月個墨頭就會塞一次

所以呢家部機set咗長期高質素,半年以上冇清洗個頭

ntony

連供先易塞
耐冇用會墨水倒流, 條喉會入左空氣
一印空氣=塞
KinChungE 發表於 2024-12-29 20:22

呢個真係經常有。部壞Canon就真係無幾何試過塞，倒流就真係經常發生。癥狀好似塞咗印唔出某顏色，但一打開個蓋就會見到佢條管入面有空位斷咗墨。就好似學生時代用嘅啫喱走珠筆咁，中間係空氣寫唔出。部壞Canon就可以用深層清潔功能去要佢不斷泵返墨水上去個打印頭。

我諗呢個問題同技術都有關繫，唔知會唔會有其他牌子可以解決到呢個問題。

受潮聽過, 但係自己未試過

至於入鐵粉, 我只聽過兩類機要咁做:
1. 大大座影機
2. Fuji Xerox S-LED機再 ...
KinChungE 發表於 2024-12-29 20:24

我起香港時，有部黑白HP鐳射，重有部唔記得乜牌子嘅彩色鐳射，好似係Brother。唔記得邊一部係特別容易受潮，好似係Brother。我換一支toner佢就受潮一次。我諗大概係開封咗半年左右就受潮。可能我放近窗邊。

要入鐵粉，好似係部Brother。我諗佢係同Fuji Xerox同款OEM。都唔係印過好多張，但佢印到差唔多張數，就會無色。換碳粉toner都無用。

ntony

epson l4260 我長期用高質素打印冇塞過墨頭
如果用正常,一兩個月個墨頭就會塞一次

所以呢家部機set ...
mickey1234 發表於 2024-12-29 23:28

見呢度都有其他版友講用高質打印就少好多塞，咁我唯有預設佢用高質。
但請問如果高質打印用返一般紙，會唔會好濕、反而效果更差？

ntony

我用既係Epson EcoTank L4160
塞左通唔通得返呢D野, 我覺得都係睇運氣冇人話得埋
上面我提過塞得最 ...
shingzhk 發表於 2024-12-28 03:15

就係貪佢每次打印成本低，可以用頻密打印去維持低成本保養。但墨水倒流呢個問題，即使我都算經常打印，部Canon都係會有。可能我之前多數用草稿模式打印。

我打算呢次用隻長開嘅Raspberry Pi 4做Print Server，用cron每星期印一張A5相。定期抄相入去個directory入面，印完咪用來寫信寄俾家人。去遊玩嘅相，近照，全照，總有嘅。

我洗咗幾次洗到煩，最後扔鬼咗佢算
舖頭叫我買 brother 唔洗再煩塞墨
tkt1307 發表於 2024-12-27 10:33

Brother鐳影還是噴墨？

tongziv

噴墨機一定比LASER機易壞
因為會塞墨,間間廠都係不停浪費墨水來保護墨頭,少用量既用家就會易塞墨
大用量既就會好快用晒墨水
無限LOOP,
仲有FEED紙輪會壞,FEED紙會唔準

而LASER FEED紙一樣會壞,印炭粉既FUSER一樣係消耗品
但當然少量用家的話LASER機整體來講就會比噴墨耐用

但噴墨機一般都比LASER機平, 買墨水一SET比 一套噴墨機加墨水仲貴
所以唔理環保問題
3舊幾水一套噴墨用一年半載再買套新係最化算

但我自己用EPSON ECO TANK機用左5-6年,換晒癈盒,RESET COUNTER,洗墨頭洗到救唔到,最近再換一部ECO TANK, 以上一部計,refill 三次墨水,印晒,算係抵用

用途:學校印試題,通告, 視藝印相

ntony

回覆 45# tongziv

Thank you!

我而家嘗試用十年低用量嘅方法去計邊個啱自己用。

如果以供墨機咁平嘅墨水成本，加上用來打印去防止塞墨嘅成本。似乎現今噴墨比鐳射更易打理。
我以前都鍾意用鐳射，尤其以前起香港印都係黑白文件倨多。

但而家比較返噴墨同鐳射。如果係印彩色的的話，維護同成本，似乎噴黑若非機件造功差，應該係噴黑更易攪。
- 墨盒式噴墨問題係易塞，每ml墨水好貴，唔能夠成日噴墨去減少塞頭情況，清一次相對成本高，又要好快換一盒墨。
- 供墨式噴墨問題係墨水倒流。我都唔知係因為地心引力倒流還是虹吸所致，總之就係每過一段時間就會墨水管有一段真空。解決方法係用深層清潔去令佢泵返墨水上去個打印頭。部壞Canon每遇呢種情況都要花唔少墨水。做得呢種深層清洗大概五六次左右，我估都用差不多每隻色去緊一支墨水嘅份量。但問題係可以解決嘅。不過又有另一個問題，吸廢墨嘅棉會好快吸滿，而且我部壞Canon似乎廢墨好多都唔係俾棉吸咗，係去咗其他位漏出來。估計呢個都有可能係令我部機嘅零件故障嘅原因。
- 鐳射打印有分有高溫同低溫，又有分支toner係跟碳粉盒還是跟機身。跟toner就變咗每支toner好貴。我以前部Samsung好似係toner跟碳粉盒，買支新toner都唔係印得好多張，但都要五百幾蚊一支墨白toner。部機好似都無咁貴。副廠toner好多時都係用回收toner去入碳份，又成日唔加夠載體，印兩嘢就無色。而toner跟機身嘅，就用到咁上下唔知點解即使只用原裝粉盒，都係會出現印耐咗會唔夠載體，色變淡嘅問題。
如果無碳粉缺載體問題嘅，印得就會因為支fuser老化而加熱唔到而印唔上色。不過唔知低溫鐳射會唔會無咗呢個問題。


捲紙嘅機件就大家都係同一個問題㗎喇，睇邊間廠造功良心問題嘅啫。


如果我每星期印，供墨機基本上應該唔會塞。我準備聽其他版友嘅方法，用高質打印。用來清墨頭嘅墨水都唔少，不如用多少少墨水去印高品質，可能到頭來重慳。

至於鐳射打印唔平均或者無色個問題，可能係我自己地方溫度問題啦。還是當時部機嘅問題。

至於耐用問題，同埋幾耐先叫耐嘅問題。似乎大家心目中個準則好似非常唔同。好似閣下講嘅一年半載，真係咁大部嘢年年換，都幾大問題，亦都好戇居。其實呢類器材，我覺得好似墨盒轉墨水缸呢類大進步，真係十年廿年先有一次。基本上個頭嘅打印質素同進步，同廿年前似乎都無乜大分別。我相信用返同樣嘅紙，呢個技術係無乜進步空間。可能進步嘅大概只能係換種「墨水」。相信唔用其他上色嘅物料（唔一定係液體），相信都無乜可能會有乜大改變。成日要換，對小弟來講真係浪費、麻煩、兼無聊。

我自己期望部機可以俾我用夠五年以上。用到八年的話，我都認為可以叫某程度上耐用。

mickey1234

回覆 43# ntony


    我用double a ，唔覺濕，雙面都無問題

其實inkjet仲可以print下相，手機影完即print，超方便，成本又低，部機都快兩年，仲有一半ink，我已經print過好多相，資料，同呀女工作紙，真係抵用

tkt1307

epson l4260 我長期用高質素打印冇塞過墨頭
如果用正常,一兩個月個墨頭就會塞一次

所以呢家部機set ...
mickey1234 發表於 29/12/2024 23:28

當時唔知佢咁鬼衰，連佢送多一套墨都未用過就扔咗部機
出面賣 printer 俾我個人講 Epson 係咁
佢話 brother 會定期自動清一清個墨頭，所以冇 epson 咁衰

tongziv

當時唔知佢咁鬼衰，連佢送多一套墨都未用過就扔咗部機
出面賣 printer 俾我個人講 Epson 係咁
佢話 broth ...
tkt1307 發表於 2024-12-31 12:03

espon eco tank,基本上每印到第四,五張都會清一次墨頭
你長期駁電既話佢久唔久都會噴墨清墨頭
and 我用左5年未試過倒流
都係唔好聽方間講,聽用家講吧!

tongziv

回覆  tongziv

Thank you!

我而家嘗試用十年低用量嘅方法去計邊個啱自己用。

如果以供墨機咁平 ...
ntony 發表於 2024-12-30 22:51

噴墨另一樣可取是印相紙比LASER 平
LASER要專用相紙,打印機係高階MODEL先靚
噴墨是旦CHEAP 相紙,垃圾級幾百蚊既機所出來都可以接受