diy-apprentice

呢位小朋友真係勤力，趁住我煲劇和更新網誌，又來研究火牛。

diy-apprentice

其實所有電子產品的使用壽命問題，根本就好簡單，永遠都係睇錢做人，同埋認識自己真正的需要來買野。假如你要耐用，當然係要俾貴D，買靚野。但問題係有好多人只係盲目追求，未清楚自己要乜，或實際係需要D乜，就去亂咁買，結果可能只係浪費金錢，或花費在不必要的地方。

^.^

CoolerMaster CMP-350 Elite 400W (跟機牛) 用左5年

diy-apprentice

舉一個例子，我而家豪花幾萬，去整一部EPC文書機，來做我而家的工作，只係上網，更新網誌，做下交易買賣，得唔得？肯定得，錢係我的，我要咁花你吹得我脹咩！不過識貨的人背後笑我on8+1姐！

diy-apprentice

同樣道理，我部機負載100W以內，我去買隻1000W的牛來用又得唔得？當然係得啦，再來一次on8+1姐！錢係要花，但如何花得其所，花得恰到好處，這就是有效的資源運用和管理了！

diy-apprentice

呢度最多人見的，就係有理無理，都叫人去買某些牌子的勁牛，假如你部機係高負載的，非常重要，不能停的，就算俾貴一倍也無所謂的，當然係可以去馬啦。不過，假如你預算有限，又或者部機根本只係普通文書機，負載量像我一樣，100W以內的，是否值得跟其他人咁樣豪花多50%錢，甚至係100%的錢在隻牛身上呢？不同的人有不同的考慮，我一直強調的，就係俾消費者自己根據自己的實際情況來考慮。買平價牛又好，買貴價牛又好，都係個人的決定，又無人用支槍指住，一定要你買平牛或貴牛。不過呢位小朋友就唔知點解，講左咁多次都仲係唔明，成日死纏爛打咁講平價牛唔襟用，平價牛會火燭咁。

diy-apprentice

幾靚的牛，幾貴的牛，都有壽終正寢的一日，有邊隻牛可以保你終身不壞的？所以火牛壞，要回廠，呢D都係正常的情況，重點其實係，你花費了幾多錢，買回來的是否值回票價！

diy-apprentice

像先前的例子，你俾平價牛價錢，買隻平價牛回來用，佢保你三年，你用左5年至壞，廠家有無呃你？貨真價實，經濟實惠，抵用！相反，你俾貴價牛價錢，但用左一年就壞左，要回廠，尚可以接受，但假如換完之後隔幾過月又再壞，咁又點睇？可能做左水魚了！俾咁貴價錢，買D咁樣質素的產品！

diy-apprentice

講豪講花錢，我早兩日都提過啦，以前我玩兩萬蚊一座的CD-writer(成部Amp咁靚的)，一個人買十幾部Notebook回家自己玩，買部Notebook俾個女當玩具，90年代有幾多個夠我咁癲，要玩我玩唔起咩？但而家我係講緊，如何恰到好處，善用手上資源！如何考慮去買自己合適的產品，就應該好好去學習一下啦。將不必要浪費的錢儲起來，留待將來用好過啦。(仲有6000蚊一部Laser printer，5000幾蚊一部SCSi的scanner，4000幾蚊一部MO drive.....人家玩緊16MB ram的年代，我就玩緊128MB ram了，那個年代ram係天價！)真係講玩電腦，我的花費絕對係嚇人的，就算退休前幾年，我做ERP project manager時，曾經諗過買部AS400回家放在自己工作室玩添，成30多萬一部入門級呀！

antonyhk

其實所有電子產品的使用壽命問題，根本就好簡單，永遠都睇錢做人，同埋認識自己真正的需要來買野。假如你要 ...
diy-apprentice 發表於 2016-3-1 00:56

呢位ching有point啊！所以我燒左隻GTR牛後，真係去check過自己套系統要幾多watt先去買而家隻550W牛。

比個網址大家去計下watt數啦：

http://outervision.com/power-supply-calculator