s84292

本身買咗個hyper Drive adapter打算幫電腦延伸出更加多嘅接口，點知嗰個產品有問題將100w電直接打咗入我塊z ...
lingzidi 發表於 2025-7-17 23:39

你呢個CASE 應該係去搵hyper Drive adapter的廠商
anyway 你有冇同佢講個原因係重點
但電死原廠一落表睇熱成像會即時查得出

有冇自己睇下保養條款先呀，以ASUS為例：

• 華碩產品之保固，以經銷商開立之發票所載日期起算。消費者應妥善保存購買發票（或購買證明）以維權益。
  
• 各類產品之保固期限辨識，請參考產品序號辨別頁面說明。如您自經銷商購買產品延伸保固期(非原廠保固)，則延長保固期間，請與您的經銷商聯絡。
  
• 無華碩特約經銷商之銷售發票（或購買證明）時，概依產品之序號認定保固期限。
  
• 保固期限依各國區域而有所不同，請與您的購買處詢問查詢。
  
• 如果產品由於不當的使用、拆解而造成的損毀/故障，不在保固範圍內。
  
• 產品如由使用者或是非華碩認可之工程師自行拆解，則不予保固。
  
• 客戶自行撕換原廠保固序號貼紙，或序號貼紙與產品型號規格不符，以及人為塗改與磨損序號貼紙導致序號貼紙難以辨識，或無華碩序號標籤貼紙之產品。上述之狀況，華碩皆將取消保固權益且不予提供維修服務。
  

你自己使用的不合格產品電死塊板，人地點解要包比你
我都用過不下十個有100W 供電HUB，插錯過落電腦都冇電死過一個PORT，
正宗DP協議邊有咁易死，頭十秒未協議連2W都冇

yuet_wah

我又贊成代理交比MSI.
如果代理自己同樓主講人成唔保, 咁呢位師兄就會出post 話代理拒保.

不過代理收左, 有無真係比MSI, 就咁睇Felton 個message 真係唔知.
黑心陰謀論: Felton 只係放左在佢公司6-8個星期.... 然後再講唔保.

以下是我得出的分析和結論:
1. 樓主買錯野, 在這件事, 佢買水貨同行貨都無水別. 「上淘寶買好過」呢個結論, 並沒有因果關係.
2. 樓主是個誠實的人, 如果佢唔講楚係自己個hyper Drive adapter 出問題, 呢個post 很可能「被帶風向」.
3. 樓主比起買行貨, 本來就有心認為「淘寶仲好過行貨」, 然後再經歷今一次, 令樓主更加確信他的觀點.  所以才會有上述結論.

依我意見, 佢下次應該係「先去淘寶買」, 如果在往後的日子, 淘寶令他有個好的體驗, 咁就一天光曬. 直到有一天「淘寶神話」被打破.

但如果樓主下次「又去買行貨」, 萬一「又出事」, 樓主就會怪自己「人類總要犯相同的錯誤」.

soccerism

維修人員一拎塊板上機check邊到短/斷路, 再用放大鏡/顯微鏡睇相關位置, 一定有燒焦痕跡, 咁即刻可以判斷到係人為.
以上方法係參考Youtuber/B站 維修廝吳彥祖

雲一0一

HUB有事唔話隻HUB反而走上黎話底板
而家原廠拒保你，邊到買有咩分別? 定係淘寶當冇保?
唔通插隻USB Killer落去整壞塊板又要同你保

ckyuen2

樓主話拎去保養/維修
無寫話要「免費」維修
所以搵代理我又覺得好正常
代理/原廠整或唔整亦都正常
只係hold咁耐呢樣真係衰咁啫

而樓主咁唔小心
唔止應該去淘仔買
仲要記得係去淘入門板
甚至去咸魚買都得
總之要total loss都唔心痛

lingzidi

因為我以往未試過壞主板，對保養冇乜經驗，諗住我又唔係人為咁樣破壞佢，所以先打算去拎去保養睇下，我就喺度諗如果拎去嗰陣時佢同我話唔保，咁我都冇嘢好講，因為的確唔係佢哋主板有問題，而係adapter short咗，但係始終拎咗我塊主板咁耐以為廠方會去整，最後冇整到覺得落差好大有啲失望

至於嗰個adapter因為係英國嗰邊買嘅所以都唔知要點搞，我諗應該都好難去投訴佢

覺得去淘寶買好過，最主要都係因為淘寶會平啲，同埋佢哋話都有全國聯保，我諗除咗要過關拎過去保養麻煩啲之外，服務上應該同香港都大差不差（因為都係寄返廠去維修)

我而家就開始諗緊mag z790 tomahawk wifi max d5香港買就2380hkd （系HKprice上高睇） 淘寶買就1269cny 有發票有保養 我梗係想支持返香港嘢，但無奈爭成一千蚊

nelsonlee130

反而想知Z790仲有乜IO唔夠要加adapter?

rfdingo

因為我以往未試過壞主板，對保養冇乜經驗，諗住我又唔係人為咁樣破壞佢，所以先打算去拎去保養睇下，我就喺 ...
lingzidi 發表於 2025-7-18 14:14

人為問野其他師兄解釋左就唔多講

你以為大陸買一定保？
msi 係大陸既外號係，拒保星

lingzidi

11樓師兄講到
如果產品由於不當的使用、拆解而造成的損毀/故障，不在保固範圍內。
我諗我又冇插錯，算唔算係不當使用呢，要點樣界定呢

跟住13樓師兄講到只要check到燒咗或者短路就即係人為
咁我就完全明白曬
返到大陸都應該唔會有得保㗎喇，除非識得人啦
不過買嘅原因唔係因為保養會好過香港，主要原因係勝在價錢夠平


（原來msi仲有啲咁嘅稱號）
不過聽完上面兩位師兄講完，我諗其他牌子都係同一標準，燒咗或者short circuit都唔會有得保養
但係有啲唔好嘅地方就係保養時間有啲耐得滯，等咗個零月廠方先覆返
唔知師兄有冇一啲牌子售後會快一啲
同埋都想知道可唔可以畀錢佢哋維修呢

lingzidi

回覆 17# nelsonlee130


果塊主板系msi pro z790-p wifi
平時都要用得幾多port位，因為我又有個繪圖螢幕，Tourbox，Mouse，Logitech receiver，mic，cam，有時又要插遊戲手製，usb手指，外接hard disk，或者玩下sbc都會用到啲port
加上而家好多都要用c2c線嚟連接，部電腦本身又只有一個type-c port，都有啲唔夠用，有個adapter擺喺檯面嘅話，都會更加方便，唔使下下搵個窿