意料之外ASUS體驗會

sky_wimdu

意料之外ASUS體驗會，本人我自己好少數參加類似產品體驗會，而我既第一次就比左ASUS體驗會，講到明話係產品體驗會，心諗實係有大部份時間都係sales自己產品有幾好有幾實用同好過其他牌子及比較有咩分別。不過原來唔係咁簡單，有差唔多有7成既時間不斷講解N記9系maxwell 架構，仲講得幾詳細，有理論當然仲有實踐，煲機煲到到hand機既環節當然唔少得，以為應該會用埋其他牌子來做測試啦，點知全場凈係用左960公版同非公版來做測試，其實咁樣都幾好，一來唔會比人感到太hard sales，二來自己對960公版同非公版分別認識左多左，但今次最正既技術分享就係N記既DSR （Dynamic Super Resolution )
正正就係呢個技術令到用緊A記卡既我都心旭旭想換Q左張270=_=！！總體上今次活動內容十分豐富，時間安排有兩個時段，1係12點，2係點3點，懶訓既我當然揀3點，雖然delay左成半粒鐘先開波。另外場地選址好方便同好搞笑，前者一出地鐵站行幾分鐘就到，後者係因為果到係K房，時不時都聽到隔離房唱歌，好彩聽唔到「兒夜姨野以夜儀野」，到活動後半段仲有小小既茶點食下，等一班讀者無咁肚餓，雖然唔足夠，但呢個安排都幾細心，之後一路食一路聽更多ASUS Strix gaming series 既產品介紹耳機，滑鼠，機械鍵盤樣樣齊，完全適合曬鍾意打機既我！所以今次既活動都幾令到我幾impressive，好正仲學到野，希望仲有機會參加類似既活動。

John Lam

DSR係一個好聰明的設計，如果係R270，其實960係個好選擇