我唔太肯定你地要用咩軟件做HOSTING CONNECT 部豬(我太耐冇睇你地講閃記野..好多都忘記了)
我記得O ...
benng1hk 發表於 2014-8-19 16:57 
ching, 好多謝你既意見.
首先, 希望你可以認真睇多次我講左乜, 我只係講左一種以往用開比較方便既功能, 根本唔係比較成套野, 亦無意話佢少左呢樣野就唔得, 唔知點解你就已經話我放唔低.
如果話一定要學哂至可以比較, 我真係唔可以認同了.
當你學一樣類似既新軟件既, 舊有軟件既知識有助推動你去搵下新軟件既功能, 根本唔需要忘記佢.
有既話會上手快 D, 就算無亦唔會影響你學新野. 本身識既野, 又點會話忘記就忘記.
再者, 將 slic3r 當成係取代 replicatorG / makerware 既新軟件, 本身就無必要, 亦唔合當.
slic3r 係一個主力切片既工具, 而 replicatorG / makerware 係配合切片工具去打印特定 3D 檔既 UI, 簡單講 slic3r 只係 replicatorG 既其中一件輔助工具. 如果 replicatorG 唔係停左工兩年, 可能佢都已經升級左支援新版 slic3r 了.
再者, 請恕小弟無 ching 既學習能力咁強, 無乜邊隻軟件係學得哂既, 一向都係夠用就可以了.
對於某 D 功能提出意見, 絕對唔係話果隻野唔好, 只係作為一個用家, 希望某D地方可以做得方便一點.
又或者可能佢本身已經有咁既 feature, 只係我唔識, 我提出黎如果大家知既亦可以教到我. 又或者 ching 如果知點做既, 希望可以指點一下小弟.
我話你太武斷, 可能表達得唔好, 我係想講當大家討論緊既時間, 明明只係講緊個軟件.
你唔回應講人地提出問題既錯誤, 無端端走左去講我點學野, 我係指你對別人既 comment 上的武斷.
當然, 我都認同感覺係主觀既, 所以我希望可以講實際例子, 有指就直接指出邊度錯, 而唔係講個人點諗.
至於點解講閃豬, 咁我地果部真係閃豬, 就算佢係抄 MakerBot, 我地講番自己果部又有乜問題, 而且閃豬都係基於 makerbot 既 firmware 的.
我唔知你點睇到 makerbot 可以用 gcode 了, 佢講既支援 gcode, 相信係由軟件同佢轉番比部機再出.
我地手上亦無 makerbot, 講緊閃豬點解要變左講 makerbot, 大家都無法證明.
而且, 就算 makerbot 支援又如何? 我地手上果部係閃豬, 佢唔支援都係無用.
如果要講部機支援乜野格式, 應該係睇單獨用部機時, 可以用乜野, 而唔係配合埋軟件.
否則, 第日 solidworks 可以直出 3d printer 的話, 就會被講成 makerbot 支援 solidworks file format 了.
舉多個簡單易明既例子, 用大家都應該熟識既普通 printer, 佢既 spec 會講佢支援 PCL5, PCL6 之類既格式, 但係如果你開住個 Words 去印, doc, docx, txt 都印到, 開個 Excel 就印埋 xls....., 但係, 我諗 ching 你都唔會同人講, 話你部 printer 支援 doc, docs, xls 之類既 file 掛. 呢樣就係軟件支持同硬件支援既分別.
好多人都將軟件做既野同硬件既 support 混淆左, 所以想提醒一下 ching. 當然, 由於 makerware 係佢跟埋既軟件, 你要將軟件支援既當埋部機支援都唔奇, 不過, 就好似我講咁, 佢係唔可以單獨用部機印, 要搵隻 software 幫佢轉番比部機印（就好似 Words 經 printer driver 將本身既 doc 轉左 PCL 比部 printer 印一樣). 當你轉左軟件, 就可能唔再支援了. 就好似開 Word 印到 doc, 開 autoCAD 就都唔到了. 咁仲應唔應該話部 printer 支援 doc file 呢? 同樣既道理, 亦可以 apply 番去 3d printer 上面.
最後, 如果我講錯乜野, 希望 ching 多多包涵. 對事不對人, 或者大家直接指出錯誤既地方, 唔好講對方了.
在此我收番之前有關 ching 武斷既講法, 並向 ching 道歉, 希望大家可以開開心心討論番部機同埋隻軟件. |
簡體版
訂閱頻道
訂閱電子報
發表於 2014-8-19 20:15
| 
發表於 2014-8-19 21:16
| 
