Kawai.jolly

老老實實浪癈時間調平, 去淘寶買塊調平感應, 調平先套上個噴頭到, 平時收起備用, 快靚正, 又準,推介

之前都係調平方面搞左一大輪, 浪廢時間,早搞定,印下野好過


淘寶SEARCH "壓力傳感器"

ustkl

回覆 9# g2david

要很水高平的 XYZ機才能做到Delta 的每層優秀重複性。

Delta機調平調幾何，好的機器不難做的。

g2david

末必，CR 10 一千多，簡簡單單，已能夠印嘢。delta機 cal 到機先可以，但 cal,機之路都很漫長

ustkl

回覆 13# g2david

CR10 要成4000, CR7 先係千幾, 新手用係唔錯, 冇乜要求係夠用的。CR係列国產野來說尚算企理, Ｐ仔台灣代理之前用CR7教學的。(現在漸漸被P仔取代了)

MM 任何立方呢類平價淘宝Delta 當然會Tune 死你。

ustkl

回覆 1# Epsido

答返樓主問題, 首先Zprobe 準唔準要睇下effector 有冇虛位。試一下Home All 之後搖一下effector , 向上推 一下check check. 之後用LCD 的 move axis 把effector 移去不同位置看看分別。如果魚眼質數不好有虛位, probe 時向上有移動空間就永遠都唔會準。加條彈弓or 象根把每對桿拉住可略為改善。要解决這個才有可能probe 得準。

luxhk

我早幾日羅友痕，又係整左部anycubic的kossel來玩玩，線軌版。。。好差，國產軌就預左知道好一般，但估唔到跟機係國產最差的貨色，另外膠件好差，要人工智能慢慢整先可以校正個機架。

ustkl講的無錯，要檢查effector虛位。
呢部機調幾唔平除左tune firmware外，你要留意魚眼螺絲的虛位，呢部機問題係頂魚眼的銅雞眼，魚眼虛位非常大，要雞眼釘頂實魚眼螺絲要剛剛好壓實，如果用手碰各雞眼銅釘會走位就係太鬆，個level會變。我手動調平後一切ok，個人覺得autolevel反而多個香爐。另外請check清楚底台橫鋁level有無問題。三條同步帶張力要一樣，將三架滑車推到中間，用手指慢慢感覺一下三條同步帶張力是否一樣。呢部機問題多多，要搞好要花好多心機。

btw，我是多舊魚身痕，我覺得最可靠依然係xyz系。

ps：上面三個皮帶惰輪，本來是靠一個普通絲帽做定位，但虛位好大，建議用砂紙磨一下件角件裡面螺絲孔的位置，磨薄0.5mm左右，然後就夠位換防滑絲帽，絲帽要反裝，圓邊對住個同步輪，然後就解決同步輪虛位大帶飛皮帶的問題。

g2david

Kossel 唯一一部我覺得無伏就是Atom.  價錢唔平, 真機我在台北見過, 都好大部下. 全部用靚料. 而且個頭又輕.

如果你能夠解決所有Delta 問題, 你應該己增長了很多知識. 有心研究的人delta 應該很好.  如果你只想買部機print野, 就真係會放棄

ustkl

回覆 17# g2david

拿Atom 和淘宝kossel 雙提並論，痛粉們會不高興的

XYZ 機有Ｄ野都係要Tune, 當然 tune 起來比較直接。

至於Delta 是否tune死人，看拿唔拿到3角一致的關鍵。以大部份平價淘宝機為例，不知甚麽源因那９條短鋁和６枝聯臂總是長短不一。加上魚眼大虛位，咁點Tune 都係....

買乜機都係個人選擇，如果有人幫你撞晒Ｄ板，交晒學費俾一套work 嘅solution 你去玩Delta, 當然唔駛俾平價淘宝Delta 玩殘

ustkl

回覆 17# g2david

Atom 都唔係冇伏，之前的有一部份T 形絲母質數差劣，放唔入型材。Hotend 果塊陶磁發熱好易整爆。LCD panel 經過幾代也冇改進，都係好難塞入。印頭自調平彈弓過硬要用家弄鬆或移除。EX2.5 果個2入一出可算是大伏。我相信只有小部份power user 用得到下並要付出很大代價。

bam1a

我早幾日羅友痕，又係整左部anycubic的kossel來玩玩，線軌版。。。好差，國產軌就預左知道好一般，但估唔到 ...
luxhk 發表於 7/5/2017 05:35

不能同意更多,我個隻仲要係滑輪版
本來諗住開印就即刻印D新件，但發覺佢真係好難控制...
個slide我稍爲扭一下就彎，而且夾得唔實，佢令我的生活變得好煩...
家陣諗緊之後放假嗰陣去3dhub搵返小小新打印件整走個slide先
假如有人幫手試試就好，我部機out of service...