fakeman

喺Windows嗰邊GPU時脈同使用率去唔盡另一個原因解釋可以係Driver根本冇完全發揮到張卡。
「同平時玩超頻差 ...
Okt04175 發表於 2022-3-29 15:15

    我諗起之前 CyberPunk.....都好似係咁，俾人插話搞到用頂級卡都慢....

Okt04175

我諗起之前 CyberPunk.....都好似係咁，俾人插話搞到用頂級卡都慢....
fakeman 發表於 2022-3-29 17:17

而家啲新畢業出嚟寫Game程式碼嘅人係設計遊戲玩法/遊戲系統方面係幾有創意，可惜做最佳化嘅功力好唔掂，用RTX3060/RX6600XT行1080P開超高畫質都會Frame Drop。
由2014開始啲PC版Game最佳化已經做得差咗，點知2019打後再差啲，當5年又一代人咁2024之後嘅PC版Game應該剩返少數係有認真做過最佳化先出街，之後到PS6時期應該會變成啲新人唔想做最佳化只會叫人Run唔順就準備錢升級硬體。

雖然新一代啲電腦硬體運算效能高咗同埋儲存容量大咗，但係咁樣都唔代表唔使做PC最佳化，而家啲家用遊戲機都同PC一樣係AMD64(X86_64)架構，唔識做最佳化係會搞到PC同家用遊戲機都Run唔好隻Game。
「日廠唔做最佳化嘅歪風喺成嗰業界蔓延」

最簡單交隻PS2 Game畀啲新畢業出嚟嘅人夾Team去執做UHD修復版先唔好叫佢哋整重製住，大概可以預期大多數人整出嚟嗰成品係Texture冇做好壓縮搞到Size勁大有排Download又食儲存空間、又要唔識嵌入影片解碼器去確保喺任何電腦環境都可以正常播過場動畫 再加上 唔識做近代架構GPU最佳化搞到用頂級卡降低畫質咁行都有Frame Drop問題 至於 CPU架構最佳化就算啦冇期望就冇失望。

今後真係越嚟越需要Wine/Proton/Crossover嗰幾條Team幫手執手尾，以後喺Windows玩邊啲Game一有經常Frame Drop問題都一律用A卡喺Linux度Run。

---

遊戲編寫門檻低咗之後人人都可以嘗試整3D Game就越嚟越多一啲PC最(劣)化嘅Game出現喺市場上。
不過電話Game嗰邊都係差唔多，越嚟越多啲長期Frame Drop而且畫質又唔好嘅垃圾課金Game出現。

Okt04175

呢個唔關發唔發揮張卡事，係為了減少硬件故障而對效能作出了控制，始終壞野有保養多數要硬件商食， ...
l0001 發表於 2022-3-29 22:07

保養問題根本唔係問題你睇有啲廠連RAM開XMP都可以拒保。

都係嗰句要有Steam Deck嗰認證一係就Proton做好最佳化出遊戲更新一係出原生Linux版本，Steam Deck係Steam自己旗下產品咪有號召力吸引人買機同埋叫Game廠做嘢。「Proton就係Wine改版」

Elden Ring呢啲寫得衰嘅DX12 Game嗰「經常跌FPS」問題咪就係Proton條人執咗手尾，Proton同Crossover啲Patch會不定期合併上去上遊(即係Wine)。之前條片已經Show咗Windows度好明顯咁跌FPS。「Proton條人已經快到頭幾日至半個月內就出到Patch，人哋有Valve公司做金主」「冇話一定要用Wine/Proton玩Game，不過用Wine/Proton玩劣製DX12 Game起碼會舒服啲唔使忍受啲Game自身嘅低級錯誤/技術失誤先。」


製作精緻最佳化做得好嘅Game延期都會有人捧場，劣製趕工嘅Game再快上架都唔會吸引到太多人畀錢幫襯，我再強調而家係有直播嘅年代，趕工趕到隻Game有幾Bug一有人開Live就會傳到大半個地球都知，而且DF數毛社喺呢方面向來係有乜問題就直接講唔會畀臉班製作人。

而家已經唔係玩獨佔嘅年代喇，一大堆曾經只會出大量PlayStation平台獨佔Game嘅Game廠已經放晒Game上Steam/Epic轉型做多平台Game啦，連Sony自己都放埋旗下Game上Steam/Epic喇，連Sony自己嘅God of War都上埋PC喇再早啲之前已經有幾隻Game上咗PC。

而家已經唔似以前有咁多人為獨佔Game衝去一個平台，PC呢個平台本身更加唔係行獨佔路線嘅平台，PC上面可以揀嘅系統同遊戲發售分發平台本來就係百花齊放。

仲有PlayStation主機從來都唔係Linux嚟，PS4/5系統係用FreeBSD改造出嚟。「PS4開始轉用AMD64架構即係佔緊PC便宜同埋向第三方廠讓步，PS3嗰Cell架構畀Game界媽媽聲媽咗好耐，從來PlayStation上面最佳化做得好嘅Game都係第一方野。」

Okt04175

首先廠方要有能力證明你有開過XMP~~根本就口同鼻拗
   
     Proton又好，Wine又好，操作都係離不 ...
l0001 發表於 2022-3-29 22:58

代理同廠商嘅萬能Key係佢話你係人為損壞就係人為損壞，出絕招就係無件幫你整，唔肯保都咬佢唔到，保養呢家野根本係既存在又唔存在嘅玩意。奸商最鍾意賣後不理。保養因素只不過係Driver寫唔好嘅籍口。
A卡同N卡喺Windows同Linux上面嘅表現放埋一齊比較嘅話，考慮保養因素而發揮唔盡根本講唔通。

---

如果一開始寫程式啲人唔係貪方面寫單一系統版本就唔會誕生出Wine，繼而Game廠唔係貪方便出單一系統版本就唔會衍生出Proton，有人想用錢買服務咪Wine再衍生出Crossover，有因至有果。

Linux要發展埋打機方向首先就係要有人用Linux系統去打機，最快成事就緊係用Wine改良出Proton畀人玩得返一大堆Windows版Game，Wine嘅做嘢方法唔係要跟足Windows嗰套做法而係要用自己一套做法達到同樣嘅目的，Wine就係咁先可以既唔侵犯M$嘅版權又做到喺Linux慳資源前提下善用資源更高效咁Run程式/Game。

原生野唔會突然從天而降，人哋唔出原生Linux版程式/Game就用更高效嘅方法Run返Windows版程式/Game呢個係IT界用身體行動揀出嚟嘅果兼且係Linux去同Windows競爭所行緊嘅路線。

那怕高咗1FPS都係贏咗，就算Windows度有57FPS而Linux有60FPS就係Linux贏，何況Linux贏親啲Game多數都可以拉開大約10FPS嘅距離。如果平時啲人套觀念認為Windows去Run Windows版Game一定係更高效嘅話，咁Windows同Linux一樣係57FPS嘅時候照道理應該話Windows高唔過Linux 1FPS都當輸先啱。

---

FreeBSD係BSD演變出嚟佢本身係同BSD一樣既係核心同時亦係系統，唔同Linux只係核心再配搭唔同組件配出唔同嘅系統，Linux同BSD唯一嘅關係就只係大家都係從Unix演變出嚟。

Okt04175

你應該諗下點解Android同IOS可以瓜分整個mobileOS既市場，IOS會唔會 port 去 android行，調番轉又會 ...
l0001 發表於 2022-3-29 23:54

Android通知中心功能早過iOS有，iOS初時冇後來都跟住整埋，你可以話抄功能但係只要唔用一樣嘅執行方式冇踩到版權界線根本唔係問題，Android上面都唔少App一睇都知係iOS版移植出嚟。
「將石頭拎住行上1樓又得直接掟上1樓又得，當棒球打上1樓都仲得，只要結果係石頭上咗1樓又唔係同對手用完全一樣嘅做法就得，做法唔一樣就唔會畀人告。」

放喺Windows同Wine之間都係咁樣，Windows係閉源就話Wine開發Team冇得借鏡再改寫更加唔使諗照抄，相反Wine係開源有得畀Windows開發Team借鏡再改寫但係都唔可以照抄。抄功能最緊要實際執行方法唔係完全相同就唔會有問題。

---

Elden Ring嗰Case根本唔使比較影片搵野Show出嚟證明經常跌FPS嗰畫面係Windows嘅畫面都知係Windows嘅畫面，Elden Ring本身嘅經常跌FPS問題早就畀玩家論壇同埋Game傳媒剷到上天花板，所以冇經常跌FPS嗰畫面一睇就知唔係Windows嘅畫面。
日廠冇DX12經驗勉強整嘅純DX12遊戲最佳化差到成Pat屎咁都係業界內常見問題，全行都知冇經驗嘅日廠試親水溫嘅野都係做到有幾差。
「過咗咁多年Windows都從Linux同Wine啲Source Code度攞咗唔少<改寫靈感>啦，Wine呢家野存在即合理，Wine可以由0.1版發展到7.5版就證明佢有存在價值生存到今日。最大間遊戲銷售分發平台Steam嘅母公司Valve出資改良版Wine<Proton>咪證明咗Wine有實際商業價值，又同時為Linux玩家增加咗Game選擇。」

我就係因為唔想畀跌FPS問題困擾先用Linux系統打機，高1FPS當然唔吸引，但係唔會成日跌到低過55FPS就好吸引，我鍾意用電腦打機就係因為電腦唔似遊戲機成日鎖30FPS可以追求60/120FPS。

---

FreeBSD同Linux就只係親戚唔係家人，Ubuntu/Fedora同Android先係家人，BSD/FreeBSD核心執到再好Ubuntu/Fedora同Android都冇得益。你表哥屋企發達變咗有錢人唔等如你都變咗有錢人，親戚就只係同一個祖先生出嚟咁大把其餘野係各還各，親戚之間都冇共產可言。

Wine就係自己獨立一舊野唔屬於任何一個系統嘅專有資源。
FreeBSD係好早就可以用Wine，理論上有人破解到PS4/5嘅Bootloader就可以Run嗰加裝埋Wine嘅改版PlayStation系統直接同時玩到PS4/5同埋PC版Game都仲得，經Wine玩就係直接用粒SoC(即係CPU同GPU)。

Okt04175

抄功能唔緊要，最緊要唔係將人地OS既code轉化成自已產品

     昨晚玩了一陣Wine，開office outlook ...
l0001 發表於 2022-3-30 01:12

睇呢度已經明Wine冇抄人哋嘅Code，實際上M$寫啲Code喺Windows以外根本冇用。
https://wiki.winehq.org/FAQ

Windows大改API會搞到自己陣營盟友，當年M$仲係對Linux抱有惡意嗰陣出Vista咪大改過API同系統核心構造，跟住一大堆野要寫過去就Vista，結果咪搞到寫Windows版程式/Game啲人甚至成個IT界媽叉咗M$媽咗幾年。
由Windows Phone/Win8時開始M$就係知衰所以唔會再大改Win32另外整過壇UWP嚟舞，佢精人哋都唔蠢，全世界知M$會成日改UWP所以咪至今都係絕大多數第三方Windows版程式/Game係Base on Win32去寫只有少數會嘗試下Base on UWP去寫，亦都係因為時至今日Win32近乎定晒型所以Wine針對住Win32啲功能去重寫Code就食到晒大多數第三方Windows版嘅野。

唔係隻隻Game自身都事必會跌FPS，但係嗰Base on PS4/PS5去開發先再移植返上Windows嘅Game好易移有跌FPS問題(特別係技術人員功力屎嘅日廠整嘅Game)。

Wine嗰Team人唔係整系統只係整相容層，包袱都相對更少可以就近啲Game整Patch畀Wine改變Run個別Game執行方式避免中Bug或者不必要嘅Lag。
http://en.wikipedia.org/wiki/Compatibility_layer

Wine雖然係開源但係只係開放免費非商用，大把野商用係要另外商討授權安排(通常要收錢)，Wine啲Code本身係用LGPL授權模式按照原樣只嵌入Code使用唔加以修改咁理論上嗰成品閉源商用都OK，一但修改過啲Code咁樣嗰成品就需要開源。
Sony要喺PlayStation系統用Wine技術肯定要修改Code先，但係PlayStation系統一開源就唔使做，Sony係因為LGPL授權問題唔用得Wine技術。