billyyau

回復 billyyau

你又無錯喎！電車既缺點係充電慢，點比都係比入油慢
antonyhk 發表於 2025-5-9 11:55

慢唔慢就睇自己實際情況啦
而家電動車，二十分鐘已由10%充到80%，今時今日搵充電站近過搵油站，所以實際情況係唔係真係100%係電動車充電慢過入油呢，值得商榷。

billyyau

咁就要睇下有幾多揸電車的人有充電位啦.  當大部份人都冇私家充電位, 補充電源唔方便就係電動車的缺點啦. ...
chpyeung 發表於 2025-5-9 12:09

睇返舊年新聞

截至今年7月底，在獲批資助的申請中，有106個屋苑停車場已完成安裝工程，約16,800個停車位有充電設施。另外有75個屋苑停車場，約16,200個停車位，已展開安裝工程，今年年底會有約共3.3萬個停車位具備充電基礎設施。



原文網址：逾百個獲資助屋苑已裝電車充電器　車電池處理廠料2026年底運作 | on.cc東網 | 中港台 https://hk.on.cc/hk/bkn/cnt/news ... 0901_00822_001.html

香港而家有起碼33000個私人充電位，仲未計新落成屋苑嗰啲。
繼續落去只會愈來愈多充電位，同時公共充電位需求亦會相應減少，你係都要目光短淺嘅請隨便。

billyyau

你要活係自己世界，無人會理你。但就唔好將你覺得唔擔心既事，講到唔會發生一樣。

Youtube上大把片已舉 ...
antonyhk 發表於 2025-5-9 12:11

呢個世界乜都會發生，搵到一兩個例子代表什麼？
香港汽油車每隔一排就有著火燒嘅新聞添，代表到啲咩？代表汽油車一定會著火？

antonyhk

回復 61 #billyyau

你講緊呢隻充電速度係最快既400V/800V, 但呢類充電樁係香港有幾普及？

大把商場及停車場都仲係用緊慢充或中充，慢充真係大把位，不過你會唔會泊低部車10幾個鐘充電？又點同入油5分鐘就搞掂比？仲有喎，入油閒閒哋都行600-800km, 電車呢？煲冷氣及行高速，分分鐘300km就收皮要充電，入油2-3個禮拜去入一次，電車就要1個禮拜或多D去餵飽佢，你唔覺煩我諗都煩   仲要舊電充得多會衰退，過多幾年行得250km....再幾年得200km....真係貼錢買難受

chpyeung

睇返舊年新聞

截至今年7月底，在獲批資助的申請中，有106個屋苑停車場已完成安裝工程，約16,800個停車位有充電設施。另外有75個屋苑停車場，約16,200個停車位，已展開安裝工程，今年年底會有約共3.3萬個停車位具備充電基礎設施。



原文網址：逾百個獲資助屋苑已裝電車充電器　車電池處理廠料2026年底運作 | on.cc東網 | 中港台 https://hk.on.cc/hk/bkn/cnt/news ... 0901_00822_001.html

香港而家有起碼33000個私人充電位，仲未計新落成屋苑嗰啲。
繼續落去只會愈來愈多充電位，同時公共充電位需求亦會相應減少，你係都要目光短淺嘅請隨便。
billyyau 發表於 2025-5-9 12:24

咁加減數你識計掛? 得33000個私人(唔等於車主自己的私人架!)充電位, 即係有幾多人要出去充電呢? 未來愈來愈多, 咁今日要唔要排隊叉電? 遠水不能夠近火呢啲係常識吧! 泊車都未夠位啦!

chpyeung

慢唔慢就睇自己實際情況啦
而家電動車，二十分鐘已由10%充到80%，今時今日搵充電站近過搵油站，所以實際情況係唔係真係100%係電動車充電慢過入油呢，值得商榷。
billyyau 發表於 2025-5-9 12:13

電油車唔使5分鐘已經油着燈 refuel 到彈槍啦. 20分鐘唔叫慢? 仲未計你揸入停車場去到個叉電位啦, 都唔計排隊時間啦. 又未計你那個是 tesla turbo charger 啦.

唔知你呢啲算唔算係"散佈假消息"?

Kan.Ho

我揸舊款tesla
屋企有叉電, 電車 煩惱仲少過油車

屋企無叉電就:
假日車, 可以轉電車, 但要confirm 架車閒置耗電情況, 舊款車一日可以跌3%以上
日日用, 唔好諗, 煩死

billyyau

電油車唔使5分鐘已經油着燈 refuel 到彈槍啦. 20分鐘唔叫慢? 仲未計你揸入停車場去到個叉電位啦, 都唔計 ...
chpyeung 發表於 2025-5-9 13:00

問題係個個人都近油站？屋企一出就係？
一區可以有十零個充電站，但一區會有幾多個油站？


你唔明，係因為你從未實際了解過香港有幾多充電位。
排隊？未出發已經開apps睇到有冇位啦，你估仲係油站咁落後要去到先知咩。

billyyau

咁加減數你識計掛? 得33000個私人(唔等於車主自己的私人架!)充電位, 即係有幾多人要出去充電呢? 未來愈來 ...
chpyeung 發表於 2025-5-9 12:56

排隊充電？收費充電站要排隊嘅機率有幾多，你知唔知？
又係靠想像得出嚟，有冇事實根據？

所以咪話啲人可恥係有原因，唔知唔識又亂噏。

kwliu

大陸電費平過香港, 仲週街(我指停車場)都係充電樁, 不過電車個充電頭香港行歐規, 大陸行國規, 電車港車北 ...
ckkong97 發表於 2025-5-9 09:09

歐規國規個AC介面一樣喎.