vagrantno13

以中可化提供600V 輸出, 電車同樣支援600V 或以上, 無法全程以600V 叉電,電動車充電握手協議（Charging Handshake）是車輛（BMS）與充電樁在正式充電前，透過CAN總線進行的「識別與安全確認」程序。它能防止過充、過流，確保兼容性，並動態調整功率（如80%後降速），是實現安全快充的關鍵步驟，通常包含識別、參數配置、充電及結束四個階段。 而且要留意用什麼物料的電池, 鏻酸鋰鐵或三元鋰電快速充電適性不同.

chpyeung

另外嗰二千幾支快充就不能充New i3？
充電一定係0%先去充？
點解你會覺得二千六支快充唔夠使用，實際用家經常充唔到電？
billyyau 發表於 2026-3-27 12:45

咁那 2600 支就唔係你話10分鐘就充完啦.  你喜歚的可以加埋啲 13A 去充電添.

chpyeung

咪話咗今日技術已非昨日。
仲講續航充電能力，第一頁就講咗新i3有900公里續航，你搵到同性能嘅汽油車有900公里續航能力先講。
billyyau 發表於 2026-3-27 12:48

900 公里續航有幾多水份呢? 另汽油車根本唔使 900 公里續航, 中間入油只不過5分鐘的事, 就可以充滿油缸.

講開續航, 我想起睇某一隻"臥底旅行團", 阿正個回鄉證過咗期, 要攞即日證, 出發時間跟唔到個團去湛江那邊, 要午後叫車去追行程. 中途要停兩次休息站"叉電", 加埋叉咗個幾鐘, 到追到妹姐時已經日落了.

今日的技術係同昨日的唔同, 不過今日的技術要等到幾時先普及呢?

billyyau

咁那 2600 支就唔係你話10分鐘就充完啦.  你喜歚的可以加埋啲 13A 去充電添. ...
chpyeung 發表於 2026-3-27 15:00

由頭到尾講緊係新一代技術已出現，車及充電機都已經ready，比兩三年前有大大進步，呢個先係重點。
你覺得唔夠就唔夠，你覺得超過10分鐘充電係死罪就死罪，唔需要拗嘅。

chpyeung

香港2025 有領牌電動私家車14萬架, 即係每九架車得一支充電樁, 但係, 唔係架架車要日日充電, 用得多可能兩三日充一次, 用得少分分鐘一至兩星期先一次... 咁計, 應該啲充電位好得閒....
我呢期成日路過工業區既充電鋪, 七個位只見過一次滿, 平時晚上放工時間都係得3-4架車係度, 總會有位剩, 放工時間已經係充電最多車時間... 平時日間無乜車充電....星期六日就一時時...
ckkong97 發表於 2026-3-27 12:07

純計平均可能有人會話夠, 但分佈未必能切合用家使用模式呢. 有啲地方少人用, 但有啲地方長期要排隊. 停車場的仲會阻住其他車.

billyyau

900 公里續航有幾多水份呢? 另汽油車根本唔使 900 公里續航, 中間入油只不過5分鐘的事, 就可以充滿油缸.  ...
chpyeung 發表於 2026-3-27 15:16

水份咪就係同汽油車個廠方油耗數字一樣囉。
講續航低嗰個係你，而家又話900公里唔需要。
點解會覺得不能普及，BMW同Benz打後新電動車都會採用相同技術，除非香港人以後唔再買BMW同Benz新車囉。

chpyeung

由頭到尾講緊係新一代技術已出現，車及充電機都已經ready，比兩三年前有大大進步，呢個先係重點。
你覺得唔夠就唔夠，你覺得超過10分鐘充電係死罪就死罪，唔需要拗嘅。
billyyau 發表於 2026-3-27 15:21

買車只有架車係你的, 出面街外的充電設施唔係你的. 你買架 i3 出得街冇你那隻超充機都係要等幾十分鐘; 即係等同你部電話 support 最快的充電標準. 但出到街冇電你要叉電就受制於出面奶媽/ 朋友個 charger 的規格, 佢得 5V USB 你都係有排叉囉.  你部機的電量可以好大, 一天不需要叉電, 但難保你唔會出咗街唔返屋企一晚或者早一晚冇叉到電...

ckkong97

純計平均可能有人會話夠, 但分佈未必能切合用家使用模式呢. 有啲地方少人用, 但有啲地方長期要排隊. 停車 ...
chpyeung 發表於 2026-3-27 15:22

我本來唔用電車既原因係屋企停車場無充電位，架車九成時間係自己停車場，亦都唔會係可見將來有得充電，附近有大型商場但無理由俾泊車錢入去充電，但最近見到同油站差唔多距離既工業大廈，地鋪有快充電位唔洗俾泊車錢，亦都見到啲人開入去充電同時係車上涼冷氣加睇片，睇嚟呢個模式應該可行，我一年行得唔夠一萬，即係一個月行八百左右，兩至三星期到珠海入油一次，如果以現今充電方法，的確可以每一至兩星期去充電一次，所以下一部車係油係電，到時再諗，唔會完全否定電車，因為充電真係方便咗

via HKEPC Reader for Android

chpyeung

水份咪就係同汽油車個廠方油耗數字一樣囉。
講續航低嗰個係你，而家又話900公里唔需要。
點解會覺得不能普及，BMW同Benz打後新電動車都會採用相同技術，除非香港人以後唔再買BMW同Benz新車囉。
billyyau 發表於 2026-3-27 15:26

啱呀, 所以實際上汽油車一缸油都係行三百幾, 但就隨時可以加油續航, 都係花5分鐘的事.

要普及咪就要等街外的充電樁大多數都換晒 support 你講的新技術囉. 到出面的充電樁換得七七八八, D電車可能又有新的充電技術, 繼續等普及囉.

chpyeung

我本來唔用電車既原因係屋企停車場無充電位，架車九成時間係自己停車場，亦都唔會係可見將來有得充電，附近有大型商場但無理由俾泊車錢入去充電，但最近見到同油站差唔多距離既工業大廈，地鋪有快充電位唔洗俾泊車錢，亦都見到啲人開入去充電同時係車上涼冷氣加睇片，睇嚟呢個模式應該可行，我一年行得唔夠一萬，即係一個月行八百左右，兩至三星期到珠海入油一次，如果以現今充電方法，的確可以每一至兩星期去充電一次，所以下一部車係油係電，到時再諗，唔會完全否定電車，因為充電真係方便咗
ckkong97 發表於 2026-3-27 15:34

咁係油係電定油電混合都係睇返每個用家需要啫.