man.pong

之前係深圳見到都幾多人揸avatr 11 & 12
真心幾型
yoyo7 發表於 2025-5-8 12:33

國產車嚟講，avatr 價位係高既, 大陸都賣緊30幾萬, 但佢個spec拍得住ix, cp值黎計又算高喎

kanduki

講換車唔講新車咁應該講咩車，講劏車就真係汽油車贏喇。

北上入油唔係唔得，重點係點解唔喺香港入啊？ ...
billyyau 發表於 2025-5-8 20:26

邏輯就係
當有北上一程隨時係100km甚至要200km起的話
揸架電池車將會係極度困身嘅事
因為旅程大部分都被車輛佔據著

antonyhk

講換車唔講新車咁應該講咩車，講劏車就真係汽油車贏喇。

北上入油唔係唔得，重點係點解唔喺香港入啊？ ...
billyyau 發表於 2025-5-8 08:26 PM

以舊年為例，全年出新電車有4萬幾架，但油車都有1萬幾架。可預期係無咗平牌費，及無得免費乞電既情況下，嚟緊既電車比油車新車比例會再跌。點解仲有1萬幾架新油車出？咪係D人咪數唔多/覺得充電麻煩/可申請港車北上入平油囉！

另外，你問得點解唔係香港入油，同問人點解唔係香港消費，要北上或去日本消費，道理一樣，咪就係人係精明既，有平替選擇，除非係死硬派，唔係都會選擇質素差唔多/更好，而價錢更平既嘢。咁既道理，中學生都識喎！

你問人邏輯之前，先諗好呢D基本知識先啦！

antonyhk

國產車嚟講，avatr 價位係高既, 大陸都賣緊30幾萬, 但佢個spec拍得住ix, cp值黎計又算高喎 ...
man.pong 發表於 2025-5-9 03:43 AM

咁得意既？呢到連出3個posts唱好，但昨日Unwire係YT出咗第一條片講呢部車，車價都唔敢講出嚟，只係最後係畫面右下角顯示咗，最平版本都要HK$50萬，仲要係RWD單摩打，網民留言一面倒話貴，唔睇好銷情喎！

billyyau

以舊年為例，全年出新電車有4萬幾架，但油車都有1萬幾架。可預期係無咗平牌費，及無得免費乞電既情況下， ...
antonyhk 發表於 2025-5-9 07:32

你自己咪證實咗喺香港入油非明智囉
然後又叫人喺香港揀汽油車
呢啲咪叫自相矛盾囉

揸架汽油車，要北上入油先合理嘅話，何來優勢啊？
基本邏輯都未搞清楚就學人拗

ckkong97

以舊年為例，全年出新電車有4萬幾架，但油車都有1萬幾架。可預期係無咗平牌費，及無得免費乞電既情況下， ...
antonyhk 發表於 2025-5-9 07:32

大陸電費平過香港, 仲週街(我指停車場)都係充電樁, 不過電車個充電頭香港行歐規, 大陸行國規, 電車港車北上要個快充轉換頭, 仲要唔平用得落下既都要五千左右.... 慢充就百幾蚊就得不過你等唔等到係另一件事(大陸仲比較少慢充位....)
如果係香港每月入三千蚊油, 以我四蚊一公里計, 一個月只係行750km, 一年都係九千....如果架車1.5/km, 咁一個月行2000km 咁就用電有著數....
如果750km 一個月平均兩星期北上一次入油, 又的確可以頂到完全唔入香港油....我都係三星期左右開上去一次, 食買玩....
仲有, 香港咁細同成個廣東省比真係無得比, 尤其是開車, 大陸而家係有北美洲生活果種感覺, 尤其是交通唔方便既地方, 珠海, 中山, 江門都無地鐵, 去邊度都係開車好...

chpyeung

唔需要勞氣，那位人兄一直都係咁，見怪不怪。

如果電車真係咁好咁著數，咁適合香港每個人，仲唔一窩蜂換哂咩？洗鬼而家間間Youtube車channels都推電車但一個月都係賣得嗰3幾千部

P.S. 我係油車北上入油黨，Audi SUV一缸油行700-800km，平均HK$0.7/km
antonyhk 發表於 2025-5-8 19:14

You are right. 難得佢夠膽話人"盲反".  佢自己就"盲". "盲撑" 就啱.

chpyeung

傻的嗎
有邊個回應係pro，一個二個冇道理的盲反就有
反唔緊要，都要有根有據，而唔係求其噏幾句廢話就算

有邊個反對嘅有問過樓主需要啲咩？冇吖嘛。
樓主係唔係想慳油錢？係唔係嫌汽油車冇力份效能？係唔係嫌汽油車嘈？全部都唔知就求其廢噏要排隊充電，有里程焦慮，你肯定樓主介意去充電？肯定樓主充電不方便？肯定樓主有里程焦慮？
乜背景資料都唔知就一律廢噏，毫無意思去幫忙，剩係掛住為反而反，散播虛假資料，有冇覺得羞愧？
billyyau 發表於 2025-5-8 19:49

盲那位是你先啱. "肓撑" 呀! 或者咁講, 你絕對似一個電車 Sales 轉氹人落坑囉!

電車一定好力? 一定唔嘈? 我昨日先睇過條片試駕十萬元的電車. 你那兩方面係欠奉的. 不過要排隊充電, 里程焦慮就一定啦. 就算你今日有充電私家車位, 都只係可以屋企充啫, 你港車北上難道可以帶埋屋企個車位北上? 難保你有日要搬屋, 新地方冇咗私人充電車位, 咁你要唔要排隊叉電? 香港咁細有3-400km 續航距離都仲好啲, 但如果北上要唔要計著那裏有得叉電? 隻叉頭啱唔啱?  電油車就從來唔會有呢啲問題. 你幾時聽過買電油車的會諗架車一缸油行到幾遠? 幾時擔心過冇油入? 支油槍會唔啱插?

咩叫冇意思幫忙? 講出電車的問題就唔係幫忙? 絕對係幫忙樓主免做出令人後悔的錯誤決定就真!

chpyeung

講換車唔講新車咁應該講咩車，講劏車就真係汽油車贏喇。

北上入油唔係唔得，重點係點解唔喺香港入啊？連你自己都覺得喺香港入油係一個錯誤嘅選擇，仲好意思叫人揀汽油車，何來有説服力啊。

自己諗清楚啲邏輯先講啦。
billyyau 發表於 2025-5-8 20:26

香港入油冠絕全球係一個事實, 但呢個只是一個香港揸電油車的缺點, 而唔係電油車本身的缺點.

chpyeung

你自己咪證實咗喺香港入油非明智囉
然後又叫人喺香港揀汽油車
呢啲咪叫自相矛盾囉

揸架汽油車，要北上入油先合理嘅話，何來優勢啊？
基本邏輯都未搞清楚就學人拗
billyyau 發表於 2025-5-9 07:49

你的優勢只講價錢? 如果係的話根本不用討論, 電油車已經不存在係呢個世界上.  但事實唔係. 電車有太多缺點, 所以到今時今日大部份係街行緊的車都係行電油/油渣的.