mo9394

一開始已講咗係諗法
唔好成個幼稚園學生咁啦好唔好（之前用小學生都發覺高估咗） ...
billyyau 發表於 2024-11-21 12:20

唔記得你讀寫障礙, sorry



"達到完全零碰撞", 講到咁勁又做乜要縮沙

減少撞的機會就係減少

達到,完全,零  
強調左三次咁"絕對"的用字, 轉頭就話, 諗住咋, 你以為真架?


"零"都唔夠, 要"完全零"喎

mo9394

另外, 新車, 安全設施多是否同意外數字相關
如果信數字, 可能考慮係避開部份牌子.


美國調查：最易發生事故率汽車品牌 Tesla 與 Subaru 高居前三名

雖然開車仍然是取決於駕駛本人，但有些品牌的事故率就是相對較高

事故率最高的品牌是美國 RAM，1000 名駕駛會發生 32.9 起駕駛事故，Tesla 則以 31.13 起事故排名第二，Subaru 則以 30.09 起事故排名第三

有 322 起正面碰撞和其他碰撞事故是因為 Autopilot 脫離引起的，駕駛很容易讓特斯拉的自動駕駛儀自行運行並完全放棄控制所致。
https://autos.yahoo.com.tw/news/ ... baru-085500003.html


科技未"達到完全零"意外時, 訓練好自己心態同技術.  "加左乜乜乜就可以避免乜乜乜", 呢個心態要不得


其實有左基本後CAM 已經足夠大部份人練到泊車唔會撞到其他野.   淨有倒車雷達年代就比較多問題, 因為雷射比較線性, 多誤判 (特別係原車無雷達要非原廠自己後加嗰D. 其實原廠有跟的話, 嗰D 都好夠用), 有時係唔係都響, 響到有時ignore 左.

但有後CAM 都泊唔到, 就真係自己技術不足, 而更需要努力練習.

目標係"達到完全零"意外, 呢個想法係好, 但要做的不是買架乜野車.  而係每次渣車都保持清醒同小心的心態.  
望鏡, 擰頭, 較一較鏡之類, 伸頭望晒四邊, 覺得都唔夠放心, 再望CAM, 如有360 CAM 再望 360 CAM, 呢個最後使用360 CAM 做法係更好.
但, 一買車就覺得有左360 CAM 就唔會撞, 個心態就唔同了, 好易就變左, "我淨望 360 就夠, 我反正都唔識睇鏡, 唔識擰頭睇後輪位置, 慢慢就完全唔望鏡/唔擰頭" .

好D 的心態係, 唔會有"唔識", 只係"未學識", 只要努力學就可以了.

mo9394

新手渣車小心翼翼, 通常唔係咁多意外. 車好慢, 唔敢扭, 以為唔夠位多.
其他人見你手車唔掂, 都避之則吉, 同你保持距離.

好多時, 明明夠位泊, 但唔敢泊.
明明兩三手用少少時間都泊到, 但後車有少少迫黎有壓力, 就放棄讓個位俾人.

通常意外係幾時發生, 就係渣左一兩年之後, 以為自己好叻喇, 唔望清, 太有信心, 嗰下先出意外.


好多人講法係, 新手, 買架細車, 好睇位.  但唔少人, 到真係細車上左手, 一轉七人車, 以為自己熟左用細車等於大車都得, 意外就出黎了, 無預車身長度, 後輪轉向的反應無前輪咁快之類, 就會上膊, 就會撞柱之類.
有部份預位的感覺習慣左細車大細, 用大車直覺上預錯左位.

其實一開始買架中大型的車練習, 感受下後輪的位置反應, 轉急灣要留位俾後輪, 泊車, 先調動後輪去啱位先泊, 比起用太多輔助, 或者淨練細車重要.     你feel 到後輪的擺動, 再大的車都係同一原理.


車價唔係重點, 平平貴貴都唔應該撞.

為左考車, 用細車練無問題. 但自己練車, 絕對建議用架有尾車/七人車去練, 比較實際. 第一架車, 最好買D 中大型長身的車練.

mo9394

https://www.dcfever.com/news/readnews.php?id=38305

IIHS 進行了一項針對輔助駕駛系統的研究，觀察了 29 名使用 Volvo S90 Pilot Assist 的駕駛者，以及 14 名使用 Tesla Model 3 Autopilot 的駕駛者。研究持續了一個月，旨在記錄駕駛者在使用輔助駕駛系統時的分心情況。

結果顯示，使用 Volvo S90 Pilot Assist 的駕駛者更容易在開車時進行與駕駛無關的活動，如查看手機或吃東西等。至於 Tesla Model 3 的駕駛者，當他們熟悉 Autopilot 的注意力警示後，會逐漸放鬆警惕，將視線從路面移開，甚至進行其他分散注意力的活動。隨著使用時間的增加，駕駛者雙手離開軚盤的頻率也逐漸上升。

這項研究顯示，駕駛者會根據系統的運作來調整自己的行為，並進行分心的活動。IIHS 總裁 David Harkey 表示，這反映了人類學習如何適應技術的模式，也強調了為什麼輔助駕駛系統需要更強的安全措施，以避免系統被濫用。




老手, 有左一定技術, 識得幾時利用輔助駕駛的心態下, 以及出事前俾反應, 都同樣有影響進行分心的活動.
用太多輔助去幫新手練車,  我個人意見就係, 好易學壞手勢同心態

Quiorra

明白各位師兄提醒，唔好意思小弟講得差，本身意思唔係話唔驚撞人架車 係驚有時去啲室內停車場又窄位，自己唔識就位轉灣/ 出入時撞花自己架車

kanduki

(10萬樓下? 驚太貴一出車泊車整花都肉痛)

治標唔治本嘅諗法，點解唔係諗買一架有齊安全設備嘅車，達到 ...
billyyau 發表於 2024-11-21 08:29

你又唻料！？

360度鏡頭唔係大哂
尤其車外障礙物比你堆鏡頭高果陣
好可能隊到入骨你都仲未知舔咗乜嘢

kanduki

另外, 新車, 安全設施多是否同意外數字相關
如果信數字, 可能考慮係避開部份牌子.


美國調查：最易發生事 ...
mo9394 發表於 2024-11-21 14:32

估唔到掃把佬都係炒車高危款色

聽聞向冰雪路面
四驅嘅煞車距離要比兩驅嘅更長
因為重量更多
但司機往往因為四驅加速性能比兩驅更好而以為收果下都可以咁急

kanduki

明白各位師兄提醒，唔好意思小弟講得差，本身意思唔係話唔驚撞人架車  係驚有時去啲室內停車場又窄位， ...
Quiorra 發表於 2024-11-21 15:54

驚瑕花就盡量唔好揀太闊身嘅車
向馬路跟住啲闊佬闊太後面行車
向快線或轉彎佢哋就騎埋隔離條線行
真係見到都覺得麻煩

mo9394

明白各位師兄提醒，唔好意思小弟講得差，本身意思唔係話唔驚撞人架車  係驚有時去啲室內停車場又窄位， ...
Quiorra 發表於 2024-11-21 15:54

日本中七人車一般唔會太闊.  反而電動車越出越闊.
(另一個角度睇, 十年十年D 車都不停咁加闊, 加大. 電唔電動都係咁加, 係日本受制於環境先KEEP 不同用途的細車. 其他地方的車, 越出越大似係主流)

方便老人家上落, 要有電敞之類, 電動車可能得MIFA 9 嗰D, 太大部.   即使唔一定電敞, model 3 就不適合後座長期載人, 要model y 就太大部了.

日本七人車無乜電動車之類. 比較接近係 hybrid


依家出油車/hybrid/電車練車, 或者過幾年你用油車/hybrid/電車長用, 你可能都有自己想法. 不過現時車款上有分別. 日本, 非電動, 多D 窄身車款咁.

平平地用住先, 過幾年睇下電車都合理.  咁平平地, 練車, 唔係真係長用好多年, 我就建議買架大少少練習.  大車的確有時未必泊到某D 位, 或者泊到都上落唔方便, 用細車會方便D. 但唔長用, 練車, 就捱幾年中型七人車之類, 練好手車先.

長度/軸距係主要練重點.

stevechau

驚瑕花就盡量唔好揀太闊身嘅車
向馬路跟住啲闊佬闊太後面行車
向快線或轉彎佢哋就騎埋隔離條線行
真係見 ...
kanduki 發表於 2024-11-21 16:25

好難GA, 唔揀咁闊身, 基本架車就實買得比較細, 一係就比較舊   
對於有D一起手就有家庭需要既車主黎講, 呢D選項唔易共存, 總係要犧牲一點再頂硬上~
闊車行車果陣還好, 習慣下多數慢慢搞得掂, 係泊車辛苦D啫