billyyau

其實香港根本無充電站
應該話。政府根本無心做好配套
如果佢要做。
只要每個房署停車場都加充電站
無需同私 ...
hkmand001 發表於 2023-4-9 13:37

政府只係一個帶頭作用，充電設施始終係一門生意嚟，就好似油站咁，應該交俾私人市場去發展。
充電設施門檻比油站低好多，有足夠市場就會有不同公司投資充電生意。

NX

政府只係一個帶頭作用，充電設施始終係一門生意嚟，就好似油站咁，應該交俾私人市場去發展。
充電設施門 ...
billyyau 發表於 2023-4-10 09:52

唔同入油，充電需時! 所以始於係自家長期停泊車埸或車位充電實用性較高。咁關鍵又去返屋苑車埸或車位業主嘅安裝意慾! 以現時嘅充電技術，油站式嘅充電站並不可行。

billyyau

唔同入油，充電需時! 所以始於係自家長期停泊車埸或車位充電實用性較高。咁關鍵又去返屋苑車埸或車位業主 ...
NX 發表於 2023-4-10 13:36

現時大部分電動車快充不需要一小時，就能把車充到八成滿，安裝喺一般公衆停車場其實好適合。

lalawoo

混能

Healing

delete to post

shingzhk

渣車係用錢買時間, 電車係用時間買錢 (慳油錢?)
如果自己地頭去開既場冇充電位長駐可用, 根本唔會諗

vagrantno13

回覆 35# billyyau

想法容易, 但落實有很多難處, 相信免費包安裝無人拒絕, 但香港你要自己車位加裝充電設備(國內比亞迪買車包安裝充電盒, 6千人仔完全由政府補貼), 除非獨立屋/村屋能掛充電盒外, 大多數舊式的私人樓的電壓設備申請改裝, 改動需要立案法團通過. 你認為什麼價錢消費者會接受? 香港的私人屋園成本沒可能5位數以下, 月費形式未計電費成本.

mo9394

如果有兩部車, 一部腳車, 一部家庭車, 一般黎講, 家庭車的使用頻率好低, 兩個星期未必有兩日出到車咁. 平日多數用細腳車, 方便.

你要成日湊住假日車, 要平日專登抽時間去叉電 (唔好諗住你星期六日成家人出街的時間, 你會搵到商場有地方俾你叉電, 有得要排隊/移車, 勁煩), D 電多數係自然流失多過用, 浪費自己平日的時間.

mo9394

回覆  billyyau

想法容易, 但落實有很多難處, 相信免費包安裝無人拒絕, 但香港你要自己車位加裝充電設備( ...
vagrantno13 發表於 2023-4-11 12:09

政府資助做左基建後, 如果行月費PLAN, 可能除開一千至二千幾月費, 對好多假日車主, 月費PLAN 唔吸引.

如果一筆過俾錢, 唔月租, 可能要戶戶同一時間夾五萬十萬之類去拉好線到每個車位, 日後仲有維修.
日日用車位業主 / 假日車位業主 / 放租俾人的業主 / 炒家打算幾年內放售, 個個唔同睇法, 好難 100% 肯夾.

大部份屋苑, 以上的投票, 好少會有共識. 想有 50% 以上同一個option 都好少達到共識. 多數屋苑都係大比數反對提出的方案 (因為要夾錢, 但唔啱自己用法), 但又沒有更好的方案咁.

一年慳到四五千, 依家夾幾萬出黎, 唔通十年廿年都唔搬走嗎?  好多業主未換電車, 當然係拖得就拖

本身買左電車, 好多都仲係計緊外面商場"免費電"條數, 都未必個個想夾錢喇.

billyyau

回覆  billyyau

想法容易, 但落實有很多難處, 相信免費包安裝無人拒絕, 但香港你要自己車位加裝充電設備( ...
vagrantno13 發表於 2023-4-11 12:09

舊樓私人位加充電當然難，但新建的全部已ready，亦即係話一步一步會多，去到2035年有幾多新樓就有幾多私人充電位。
第二，除咗私人充電位，仲有公衆充電位，唔同公司已經不停於各公衆停車場加裝收費快充機，基本上呢一刻如果肯俾錢，一定搵到快充。