alanwong912

TB仲有大把類似款式都係一百幾十, 求其seach都搵到唔少


個人經驗, 用呢類無水洗車液, 要配合下圖個類麂 ...
jimking332 發表於 2024-10-30 15:48

專業 咁睇落都幾簡單
啲布係用完即丟 定可以再洗？

jimking332

專業 咁睇落都幾簡單
啲布係用完即丟 定可以再洗？
alanwong912 發表於 2024-10-30 18:50

咁更係可以洗重用啦, 我買左大約10條夠晒用. 不過要補充一下, 我只係假日司機, 一年渣3-4K長泊室內, 架車本身就唔會太污糟, 一個月用一次呢D冇水洗先至掂. 如果日日渣泊室外, 就要起碼一兩星期自己洗一次, 同間中都要出去洗下車先掂.

ckkong97

咁更係可以洗重用啦, 我買左大約10條夠晒用. 不過要補充一下, 我只係假日司機, 一年渣3-4K長泊室內, 架車 ...
jimking332 發表於 2024-10-31 09:31

我一向有用開外國牌子免水洗，買一支濃縮用幾年都未用晒，間中會出去水洗（幾個月一次）,平時間唔中污糟就抹，一架車用兩三條毛巾，我日日用車少於10km但泊地庫，本來就好少塵，最近地庫裝修就架車好污糟啦，仲有，我架車係白色就好易污糟
下次都試大陸牌子免水先
另外，而家玩拼多多啲汽車用品堅平，已經買過皮清潔/護理，靜電貼貼禁區紙，尾箱彈簧（本來架車開尾箱唔會彈開，只升高一吋度，裝完彈簧開尾箱彈到全開），另外買緊車尾箱墊未送到，仲想加定速巡航不過要穿線入番引擎室唔識攪未買住

via HKEPC Reader for Android

stevechau

專業 咁睇落都幾簡單
啲布係用完即丟 定可以再洗？
alanwong912 發表於 2024-10-30 18:50

通常唔想浪費會買多支洗呢種化學野既藥水去洗布用返
後來我嫌洗布又煩, 擺返D野落車又"牙"位, 直接淘D抽紙咁既車用抹布用完即棄就算

kj1708

回復 Miipp

中產的確走左不少，但剩翻都唔少，剩睇下中高價新車一出就成街都係便知一二

via HKEPC Reader ...
JLO 發表於 2024-10-19 17:46

    宜家中高價新車都係鐵飯碗、央企、北水關照，同以前既中產不同

nganshiu

專業 咁睇落都幾簡單
啲布係用完即丟 定可以再洗？
alanwong912 發表於 2024-10-30 18:50

用完即丟 方便.
洗 就無咁浪費.  要用洗潔精過幾次, 重點是無沙塵.

stevechau

其實D布要洗都唔係易, 始終塊布抹過化學劑, 我諗唔係一般坊間洗衣液搞得掂既事黎~
更唔講用自己洗衣機洗呢D布, 洗完部機真係唔使要
(曾經有諗過半夜3更落樓搵D自助洗衣店特登洗呢D布, 但去踩線果陣見貼晒WARNING唔比洗車&寵物野, 即係應該都唔少鋪頭中過招, 洗完部機真係好污糟)
所以後來我有買到專洗呢D汽車化學野既清潔劑黎洗, 出唔到街洗就唯有係屋企廁所開兩桶水溝埋支野浸洗......

睇到都覺得煩呢......所以點解後來慢慢轉左去搵D即棄布就係咁解......
好D既布留黎偶爾自用, 同埋有時淘寶買車既野都會送布, 有期真係去到D布多得滯~

jimking332

其實D布要洗都唔係易, 始終塊布抹過化學劑, 我諗唔係一般坊間洗衣液搞得掂既事黎~
更唔講用自己洗衣機洗呢 ...
stevechau 發表於 2024-11-26 13:38

唔想煩咪用完即掉囉, 返正幾條都係幾十蚊. 不過我叫姐姐人手洗, 洗完都好乾淨又冇氣味留低, 其實所有清潔劑包括玻璃水, 碧麗珠(我要黎抺車廂內), 清潔消毒液(地顫), 以至我地平時用既沖涼液洗頭水什至有機會食落肚既洗潔精全部都係化學劑黎架啦, 只要清洗得宜就冇問題, 唔洗將化學劑妖魔化既

antonyhk

哈哈，我就一了百了，係上面貼咗磨沙PPF, 工及料6K人仔左右，之後日常打理就勁方便，我都係叫姐姐每個禮拜五用水抹一下就乾淨哂！

至於換車胎，細尺寸既中港價錢差異唔大，但18吋或以上就差好遠！上個月襯雙11特價係途虎揾到條Falken FK520L 235/55/R19, 只係600幾蚊人仔，我換咗前面2條，個價仲要包人工！   過程中師傅仲會幫你檢查全車有無咩大問題需要處理，唉香港車房真係無得鬥

stevechau

哈哈，我就一了百了，係上面貼咗磨沙PPF, 工及料6K人仔左右，之後日常打理就勁方便，我都係叫姐姐每個禮拜 ...
antonyhk 發表於 2024-11-26 14:20

好平......呢期想幫架車換晒4條19吋呔, 問完個價真心赤
其實未搞到港車北上, 淘呔落黎有無得諗......