回覆 shingzhk
初時我盲摸得好橙，第一個seafood齋催你做。 錯左鬧又唔係有心教！
第二個真係好嚴格實 ...
crossfire0083 發表於 2024-8-29 00:20 
橙?  少天真了
你識揀沙駕已經嬴在起跑線
呢度分享下我學車經歷, 當係安慰下你路試肥佬啦
我最初學車, 貪平報A1, 即係注定要去公共場同眾多街師傅學生share, 抽中既係忠義街
扣除必有既死車違泊之後, 果度接近全程單線, 加上係貨van私家車混合場既關係, 大量學自動波既妹妹仔去果度起手學車, 路上必會出現一堆10km/h唔夠既車係度阻頭阻勢, 好多時我1波慢溜都會追到前車
基本上完全冇任何駕駛空間, 只係全程塞車慢駛....罷了
泊位調頭係一條約長100米既堀頭路做, 果段路大約塞到20~30架車, 成條車龍排隊去到盡頭就調頭
等半個鐘是基本, 有D教車佬為左呃鐘, 冇搵地方教就去考場實戰, 排到隊頭先搵pointer指地面講位置, 超級浪費時間
最誇張果次我2節課(1.5h), 只係果後路乾等一架一架駛向前, 未排到我已經夠鐘落堂, 等同直接丟錢落水溝
都算!
最頂唔順既係A1既教車佬, 架車永遠有煙臭我都忍了, 學車90%時間係塞車, 佢會打開車窗煲煙我都算了, 起碼唔係噴係車內
條XX根本唔係教車, 我渣車時8成操作佢一睇唔順眼, 就會伸手過來扭軚, 轉彎抽頭過車全部係佢扭唔係我扭
然後我為左get扭幾多等於轉幾多, 作出嘗試時就會被屌, 然後再比佢捉住軚盤由佢扭哂, 感我學條毛?
根據我上面講, 因為條路100%係塞車, 溜車都快過前車既關係, 轉彎出小路基本上唔洗比油
佢既教法係, "前碌去到呢個渠蓋, 就右扭1.5圈", "那隻彎行到XX位, 左扭3/4圈", "X! 成條線得十幾隻彎, 感都背唔到食C啦你"
關乎基本疑難, 我問既問題全數都換來粗口招待, 最後仲要答非所問先頂癮
考慮到係我犯賤貪平, 揀最平既A1, 原罪在於自己, 我忍!
最後我考試時, 被一部停正路中心既違泊車輛影響, 我抽去對面線爬頭, 因為冇概念扭幾多出幾多
考官話我出哂去對面線出得太多, 不正確超越物體而fail
不過老實講, 當其時就算比我好彩pass, 我都唔覺得自己識渣車
成個學車時間係忠義街, 完全係浪費時間金錢人生感情, 得著就係塞車時學到既停車起步再停車起步
吸收上述教訓, 之後先比D錢去沙駕學車, 相比之下完全係天上人間
即使偶爾撞中較為臭朵既教車佬, 因為受教院規範, 相比A1果條XX都總算是個人, 大不了無視佢但都起碼未試過比人搶軚
路線, 等待時間更加唔洗講, 專用路線加上院內複數乙部空間, 除返開時間/支出, 完全抵過出面學車
我開始覺得駕駛有少少樂趣, 係由沙駕開始. 之前既忠義街+A1, 帶比我既駕駛體驗完全係心理陰影
所以話, 你起手揀沙駕已經嬴在起跑線, 比得起錢揀佢再差都唔會差得過出面
雖然補鐘真係好貴, 但比起我上面講既經驗, 試過丟錢落水渠之後, 貴少少起碼對得住質素我完全接受
而家我對朋友介紹學車, 都係清一式推駕院, 公共場(忠義街)真係唔係人去的, 好彩撞到個合格返來都冇意義
果件事, 都起碼5~6年前了, 然而截至我今日為止既人生種種, 你問我最痛恨既係咩人
我仍然可以答到你, 係A1教棍Van果條XX含OO, 果一段學車經歷帶比我既影響就係如此巨大 |
簡體版
訂閱頻道
訂閱電子報
發表於 2024-8-28 23:28
| 
