peter_chan

要睇樓主學黎做咩，將來大勢都係電能車同氫能車，揸棍車既機會越黎越少

via HKEPC Reader for Android ...
m92fshing 發表於 2023-11-20 14:47

    棍波車越來越少﹐這個係事實。

但現時情況﹐棍波及自動波都係一半半(客貨車)﹐5.5t 以上都係棍波為主。

新能源車(包括電﹑氫.....)﹐在搵食車市場上﹐都仲要3-5年後才開始成熟普及。
要普及之後﹐才會慢慢增加自動波。
未成熟普及之前﹐棍波都係走唔甩。


所以﹐現時考牌為搵食﹐仲係棍波著數。

但係你考車牌為玩樂 (包括用私家車搵食﹑的士﹑專利巴士公司搵食)﹐自動波啦。

mooninman

你學左AT之後一樣可以考商用MT

Miipp

棍啦, 一樣錢識多樣野無壞

peter_chan

你學左AT之後一樣可以考商用MT
mooninman 發表於 2023-11-20 14:56

    4個字 : 浪費時間﹑浪費金錢

kcso1

其實都無乜技巧﹐一個口決就OK。

起步 : 全踏極力子 > 入1波/R波 > 輕腳油 + 半腳極力子 > 鬆手制 ...
peter_chan 發表於 2023-11-20 14:24

師兄講晒重點

via HKEPC Reader for Android

kwliu

如果唔係搵食揸大車，9成9都係揸自動波車，你估揸棍行紅隧好玩咩！

via HKEPC Reader for Android ...
m92fshing 發表於 2023-11-20 14:17

塞紅隧無乜難度, 係浸會塞上獅隧就惡梗啲.

mo9394

車的操控大約佔考試的內容的三分之一, 而單單講棍波又只佔操控的不足三分之一.
計埋計埋, 考試上就係十份之一左右係棍波同自動波的分別.

如果你手腳不協調, 真係搞唔掂, 可以先學棍唔掂先轉考自動.
無乜特別, 就由零開始學棍, 其實只係花多幾個鐘時間.

學車三四十堂(45min 一堂咁計)都好多人需要. 你花多三四個鐘學棍, 只係total 時間的十分之一.   未渣過自動波, 無比較下, 你唔會覺得棍好麻煩, 你會當係"正常", 唔識咪練, 幾個鐘開開停停, 習慣左就可以.  轉個彎都要練路線, 唔係想轉就即扭咁簡單.

學唔係難學, 不過日日咁渣棍, 當然無自動波咁輕鬆.


肥, 通常係肥危險動作多過死火/轉波CHOK, 自動波你唔諗轉波要慢慢做, 太過輕鬆咁扭下扭下, 肥的機會唔見得細左.

Hippo

要睇樓主學黎做咩，將來大勢都係電能車同氫能車，揸棍車既機會越黎越少

via HKEPC Reader for Android ...
m92fshing 發表於 2023-11-20 14:47

大車有排都未普及轉新能源

mo9394

唔係用黎搵食的話, 最易學好似係自動VAN, 因為無車頭, D 三手調頭睇大鏡其實易做好多. 不過有無咁多CF 教就難講喇.

好多人係搵人介紹CF, 咁市面上一定係私家車自動, 或者棍VAN 為主. 你搵自動VAN CF, 可能只有駕駛學院比較合適

peter_chan

車的操控大約佔考試的內容的三分之一, 而單單講棍波又只佔操控的不足三分之一.
計埋計埋, 考試上就係十份 ...
mo9394 發表於 2023-11-20 16:30

    考棍波車﹐有幾個項目一定被剔的。
(我當年係 剔 & S 作為不當的評分)

當中包括 : 極力子使用不當。

總之唔係 S (嚴重)﹐幾多 剔(輕微) 不當都無問題的。


左手左腳唔協調﹐只要唔好chok到鞠躬﹐同埋唔好攪到部車死火﹑溜前溜後 或 空波滑行﹐就唔會有事。

講真﹐正常學車去到考牌﹐你都應該訓練到左手左腳有晒反射動作﹐只要無突發事﹐你就唔會打亂節奏﹐就唔會因為棍波而肥佬。