chpyeung

終於有機會試 e-toll. 係行獅子山隧道.
1. 我有貼車輛貼(用吸盤吸係檔風玻璃頂藍色檔太陽部份, 中間偏乘客位冇黑點位置), 有開 etoll account 但冇設定自動轉賬的.
2. 過完隧道, 個電話乜顯示都冇(一路都冇), 由於過隧道時是晚上, 返到屋企都唔得閒check
3. 第二朝得閒開 etoll app, login 後見到要收$8, 撳入去俾錢, 有13種付款方式. 我最後揀咗信用卡, 因為張信用卡話網上消費有6%回贈. (果D八達通, 支付寶都有話有10%回贈, 但要一次過增值幾百, 又有 quota, 我唔太清楚手續, 費是入完錢先發覺冇回贈), 好快攪掂. 根據 APP 版面, 應該係可以一次過選擇繳付多項隧道費的, 可以儲埋十次八次先一次過找數(當然唔好過咗限期俾佢收附加費啦)   
4. 俾完錢睇返 app 設定, 我係有開所有通知的, 包括SMS, Email 和 app notification, 發現只見到 email, 唔見有 SMS 和 app notification.  個人認為 SMS 係最好的, 但佢個系統應該有問題出唔到.
5. 試用完證明咗根本毋須 setup 自動找數, 免卻被盜用的損失; 用完找數好方便.

joejoe

搞