khokk2005

總之你持有暫淮駕駛執照去揸車既話，就係掛P

upatchow

你問得第三個問題, CHING補多幾個鐘先揸車會好D

另外第二個問題, 朋友借車, 留意番本身車主有無買到"不記名駕駛者" 如果借比你果個車主剩係落自己名同無買" 不記名駕駛者"  (有機會唔買, 因為保費平D), 佢又借左架車比你, 你又咁唔好彩撞人車, 保險公司有權不賠償而去追你朋友 (留意番保險公司係追你朋友唔係你)

好多案例因為咁樣無左個朋友, P牌保費貴好多, 唔係自己有需要開車最好雪個牌一車, 拎左正式牌先開始

ronan

你問得第三個問題, CHING補多幾個鐘先揸車會好D

另外第二個問題, 朋友借車, 留意番本身車主有無買到"不記 ...
upatchow 發表於 2020-6-23 14:43

駕院果度比左$1500, 上三小時渣私家車，由沙田渣去大尾篤，到時阿sir 應該會教下我點控制自動波

呢三個鐘仲會學下泊L 位，同埋由沙田渣去大尾篤要2 小時15mins

即係我申請左暫準駕駛執照之後一年內，就算渣唔渣車都好，都可以甩個P 牌?

ronan

詳細d

2仔 最多可揸到5.5 即係你街見到藍色個隻（多數藍色）


一換暫準駕駛執照 係p仔 可以等一年先揸車  ...
jazz2014 發表於 2020-6-23 07:51

2仔 最多可揸到5.5 即係你街見到藍色個隻（多數藍色）
原來即係hktvmall 50鈴果d 貨車，咁呢個棍van 牌都值得考呀

ronan

我覺得香港地，冇月入7 萬以上，最好都唔好揸，個人意見，因為周邊洗費太多。 ...
七彩小生 發表於 2020-6-23 05:30

其實我考個牌只係旁身用多

我剛剛上左車，一個月扣除供樓, 地租, 差向, 水電, 管理費，父母家用，自己的生活費，只得返10k-15k 左右，所以真係無能力養得起架車

但當然各有各喜愛，我有個朋友住公屋，都可以養得起架七人車(住公屋資產唔可以多過170 萬，入息都有上限，所以住公屋的人入息和資產係唔會多，每個人價值觀唔同，又或者工作需要，無得好講)

ronan

我睇返駕院比我申請暫準駕駛執照的指引，要交份駕駛考試表格(td533)，但起運輸署個網搵唔到呢張form ，請問是否要親身去拎?

mo9394

駕院果度比左$1500, 上三小時渣私家車，由沙田渣去大尾篤，到時阿sir 應該會教下我點控制自動波

呢三個 ...
ronan 發表於 2020-6-23 20:35

無朋友幫到手就俾錢人教

普通租車都唔平, 而有意外賠好多, 無CF 掣, 朋友陪你都阻止唔到意外.  駕院車CF 會睇住同有CF 腳掣, 應該你唔會有機會賠錢

泊車以前資訊唔流通就要人教, 現時上網睇下背下就得. 邊d 位大約預一個車身, 或者 1.5米, 1米之類. 每部車有少少唔同, 長車短車又唔同, 到你買車先買幾個雪糕筒練.  L 位問題唔係路闊時入唔到, 而係窄位時要幾手軚. 在開揚的地方練, 意義不大, 而車頭長短, 車頭擺幾多都影響到你, 窄位先睇到燈影, 先知會唔會擺頭時掃到對面車頭.

L 位, 好多時唔駛L 咁入, 自己車熟左,  你打斜入仲快. 每個場唔同, 預佢頭擺睇燈影, 睇後輪踩到隻角未之類, 扭多幾手軚練.

而你渣VAN 同私家車, 頭擺的幅度相對好遠, 學VAN 學得熟, 去玩私家車要小心.

upatchow

駕院果度比左$1500, 上三小時渣私家車，由沙田渣去大尾篤，到時阿sir 應該會教下我點控制自動波

呢三個 ...
ronan 發表於 2020-6-23 20:35

即係我申請左暫準駕駛執照之後一年內，就算渣唔渣車都好，都可以甩個P 牌?

係, 行內叫依D做雪藏牌

不過唔知有無改例要考多次先正式甩個P 牌, 你最好問下你個考車師父

SORRY我個牌都成20年, 當年未有P牌制度

如果我係你, 反正PASS左又唔急揸車, 申請狙個P牌由佢放一年, 換左正式牌先再跟師父補鐘再揸返出街

CDman

P牌即係暫准牌
去運吉處網站download再入箱/寄去
之後會寄掛號俾你

拎p唔揸1年後都會甩p

我自己5月拎p, 棍van
都搵咗出面cfu揸吓自動波 私家車
補咗兩堂
真係ok喇，先再買咗架車操車

jazz2014

即係我申請左暫準駕駛執照之後一年內，就算渣唔渣車都好，都可以甩個P 牌?

係, 行內叫依D做雪藏牌

不過 ...
upatchow 發表於 2020-6-24 10:47

    即係我申請左暫準駕駛執照之後一年內，就算渣唔渣車都好，都可以甩個P 牌

正確

P唔一定好(中2野就丁) 冇經驗衝左燈又丁