chpyeung

綜合日本媒體13日報導，豐田汽車在靜岡縣研究據點舉行的技術說明會上表示，已發現新技術、能克服全固態電池壽命過短的問題，今後將著手進行量產技術的研發、以解決成本問題，目標在2027-2028年將全固態電池實用化、應用於EV上。

豐田研發中的全固態電池僅需充電約10分鐘就可行駛約1,200km

大陸廠就話吹水，唔知豐田又係唔係齋吹呢。
billyyau 發表於 2025-5-12 13:49

    話明係"研發", "目標", 都可以幾肯定一定唔會如期有啦. 一日未有正式量產產品出現, 無論那個地方都是吹.

chpyeung

  1）13A屋企/停車場叉電 方便過去油站入油
2）寒流嗰陣美國成日有人車內取暖一氧化碳毒死
3）唔係100%保證唔會結冰，你見大陸一堆片，要call車用火槍去救
madebyp90 發表於 2025-5-12 15:28

1. 除非你住錦繡架車就泊係出面, 唔係點用屋企個13A呀? 停車場有幾多13A? 你話用就用? 分分鐘俾人告偷電呀!
2. 根本開車取暖就係 on9 方法. 有燒火水的暖爐, 外個大屋有火爐唔用!
3. 真係咁凍的話現在啲電車連門都開唔到. 有得揀的話, 冰天雪地一定揀用油車而唔會揀電車囉.

chpyeung

一個二個成日話入油幾分鐘。
但現實係點？在座有幾多個人係可以唔理價錢唔理優惠唔理邊間油公司咁嘅狀態下去入油？

個個現實中咪又係左計右計，計啱日子同油量先去入，何來方便何來自由？
billyyau 發表於 2025-5-12 16:47

自由就係可以選擇!  你講的左計右計只係香港的問題, 唔係油車的問題. 我油缸仲有半缸油可以揀等多兩日先入, 油燈著不計價錢去最近的入油就得, 起碼唔會怕去到油站冇油入, 甚至要排隊都不多見. 你唔見去日本自駕的ching話平香港咁多根本唔使比較價錢嗎?

但叉電慢過入油就係電車相對油車的缺點.  你那些"研發""目標"到真正有得用快得過入油先講啦.

jacktsui

公司同屋企都冇咁可以點?
garylor 發表於 2025-5-13 09:22

好簡單, 啲野唔係方便你既, 就唔好買

chpyeung

使用習慣問題，同幫電話充電咁樣，唔係完全無電先充，幫電車充電，公司同屋企停車地方都可以充電，其實就OK ...
latali 發表於 2025-5-13 00:30

呢個限制好大下喎. 揸油車揾油站入油點計都易好多.

chpyeung

好簡單, 啲野唔係方便你既, 就唔好買
jacktsui 發表於 2025-5-13 10:54

係呀, 道理其實好簡單, 但係事實上有一大班儍佬明明屋企和公司都冇充電車位, 但貪平(或其他原因)走去買電車, 買完中伏, 叉唔到電日日係 facebook 之類玩批鬥.

billyyau

自由就係可以選擇!  你講的左計右計只係香港的問題, 唔係油車的問題. 我油缸仲有半缸油可以揀等多兩日先 ...
chpyeung 發表於 2025-5-13 10:50

咁事實上係點吖？事實上香港揸油車嘅人就係要左計右計吖嘛。

所以唔好再不停吹捧入油幾咁方便啦，有幾多人真係可以做到乜都唔理「盲入」？入個油都要攞計數機出嚟計住計住，何來方便自由
一個二個根本喺度自己呃自己，入油幾分鐘，但冇講實際上plan何時何地去入油往往用多好多時間呢。

billyyau

係呀, 道理其實好簡單, 但係事實上有一大班儍佬明明屋企和公司都冇充電車位, 但貪平(或其他原因)走去買電 ...
chpyeung 發表於 2025-5-13 11:04

香港十幾萬架電動車，你日日facebook睇到十幾萬個post玩批鬥？
我夠日日facebook睇到汽油車苦主哭訴架車漏油壞呢樣壞嗰樣要入廠維修嘅post啦，即係代表啲乜？

做人用下腦分析吧。

garylor

咁事實上係點吖？事實上香港揸油車嘅人就係要左計右計吖嘛。

所以唔好再不停吹捧入油幾咁方便啦，有幾 ...
billyyau 發表於 13/5/2025 11:14

大把人咪又係計住tesla 非繁忙時間去叉電(身邊起碼有2個朋友係咁), 同埋“入個油都要攞計數機出嚟計住計住”點都好過要就住就住一叉到滿就要走唔係比人罰錢呀?

https://ezone.hk/article/1749534 ... E7%B8%AE%E6%B0%B4/1

要割你點都有辦法割既，除非香港個個有私家車位既都裝到叉電椿/人人住村屋啦。

garylor

好簡單, 啲野唔係方便你既, 就唔好買
jacktsui 發表於 13/5/2025 10:54

完全同意，所以真係唔明點解有人係都要吹到電車天上有地下無咁。 有時啲野唔啱自己就係唔啱架啦。