本帖最後由 mo9394 於 2022-11-9 09:52 編輯
搞清楚，只係代表你本人嘅事實。
大把人屋企附近冇泊車位，就話買車冇用，呢個又係咪代表你嘅現實？ ...
billyyau 發表於 2022-11-8 19:24 
其實你呢個例子正好解釋左
點解有人覺得有車係方便, 有人覺得有車都未必方便
點解有人覺得電動車慳到錢最緊要, 有人覺得油車比較方便配合自己, 差少少油錢唔緊要
屋企附近有車位, 行幾座就拿到車, 去到好遠地方都係幾支燈位, 比較搭車轉轉咁方便好多, 特別一家有大有細, 小朋友多雜物.
屋企附近無車位, 要租兩三個地鐵站外的停車場, 或者要搭VAN 仔十分鐘左右/行十幾廿分鐘去爛地停車場拎車 (都算common, 例如杏花村嗰D 唔夠車位要去巴士總站爛地之類, 聽朋友講過住德福要租麗晶車位之類). 每次拎車要預早半個鐘去拎車番黎再載屋企人咁, 咁就唔方便.
代入為充電設施
屋企附近/日常番工放工有隨時可以叉電的位, 電車好用呀, 反正差唔差電都係一條友在街蕩黎蕩去, 或者部份工作需要成日在商場等客之類, 慳D 油錢仲好.
屋企附近無叉電位, 要耐不耐安排一個鐘去 SC 差電 (當然差電期間可以行下街, 食個早餐之類, 但係要來回移車, 不能盡量享受同朋友/屋企人一齊食野行街的樂趣/自由)
星期六日晚飯時間個個入餐廳真係唔駛排充電? 入車場都未必夠位, 有耐排喇. 太古城幾百個車位, 得十四格, 部份仲要係中叉only
唔想排隊就等D 下午茶/半夜時間, 唔係個個想
租到車位, 買到車位, 咁養車都叫方便
搵唔到車位, 每日怕俾人抄, 或者要早出晚歸去泊街, 每日花時間周圍搵位偷泊, 就一D 都唔方便.
幾十萬架車, 幾千個叉電位, 要成為主流, 搞到油站要執? em...
https://hk.news.yahoo.com/%E6%B2 ... 8%90-024522906.html
今年首季新登記私家車中，電動私家車佔比高達 46%
翻查運輸署新登記私家車資料，2020年電動私家車只佔12.4%，2021年已經翻倍至24.4%，2022年第一季佔比高達46%。
"政府雖在2020年10月推出「EV屋苑充電易資助計劃」，計劃至今批准270個申請，但申請者在取得業主共識和部門審批都遇上困難。據了解，至今仍未有一個屋苑真正落成充電設施。"
唔好下下講到九成咁, 起碼年頭仲係少過油車.
2021 一年先多左 9000 架, 要取代六十萬架, 我就唔係咁怕油站咁快執晒喇 |
簡體版
訂閱頻道
訂閱電子報
發表於 2022-11-8 19:16
| 
