billyyau

你泊開邊個領展場, 又share 一下呀唔該. 有乜特色鋪頭我地可以去見識下
mo9394 發表於 2022-11-8 17:35

自己得益唔到，唔係代表所有人得益唔到。
多咗三千個充電位，即係同時間可以多三千架車同時充電。，愈多充電位，就愈多人買電動車，愈多人揸電動車，就愈安裝更多充電位，相反，愈少油車，油價就愈貴，油站就愈少

呢個就係我所見到嘅嘢，我從冇講過唔應該買油車，只係講要諗呢一點(只係個個衝出嚟話廿萬唔駛諗)

mo9394

自己得益唔到，唔係代表所有人得益唔到。
多咗三千個充電位，即係同時間可以多三千架車同時充電。，愈多 ...
billyyau 發表於 2022-11-8 17:43

咁你講下去開邊個場先

"正如我話領展加3000個充電站，你都話充電唔方便一樣"  
咁真心係唔方便到我喎, 如果屋企未裝到, 我依舊係去 SC 俾錢充電為主, 唔會渣車入領展商場.

而去SC 充電, 我自己計筲箕灣最大機會係去鰂魚涌K11 atelier 充, 車程時間計佢叉半個鐘, 我要花一個鐘時間.  唔想星期六日拖住全屋人去充的話, 就係要平日半夜渣車出去

半夜三更走去領展商場泊低幫到手嗎?  我去7-11 食叮叮點心?

billyyau

咁你講下去開邊個場先
mo9394 發表於 2022-11-8 17:49

算啦，你倒不如專心幫幫樓主，教佢book試車。
隔音呢啲接受程度上網問冇用㗎。

kypywk

事乜實呀, 開頭又話油站做唔到掂, 唔續租轉電站, 我講完 D 約廿年廿年咁租, 就去講商場加充電樁咁, 飄黎 ...
mo9394 發表於 2022-11-8 17:19

師兄你手寫我心! 係嫁，一年都唔知用唔用到八十次出車。有時真想唔養，叫太座什麼也打的就算(我仲舒服，不用車出車入)，我甚至用慳錢的角度同太座講唔養(假日車)的好處，一個月又慳到五/七千，但太座一句KO我:做少幾次美容都響樹啦姑寒鬼。咁唯有繼續養吧。

一句或可完post,明就明，唔明就唔明，夏蟲豈能語冰 XD

mo9394

算啦，你倒不如專心幫幫樓主，教佢book試車。
隔音呢啲接受程度上網問冇用㗎。 ...
billyyau 發表於 2022-11-8 17:56

做乜係唔答我有邊個領展場會方便到我


我唔會話睇低領展場, 但係大部份領展場係民生為主, 對住附近的人有用, 但對區外人係無乜吸引力, 全部都係大連鎖超市, 萬寧, 759 咁. 我唔會渣車去佢的商場行街而覺得享受.  我屋企行去759 百佳仲近過去停車場拿車. 仲要去區外的領展商場泊車行街?


領展場裝的係中叉定快叉定supercharge, 駛唔駛join 會員收緊每個月幾錢, 充電時收唔收泊車錢等等.   咁快就comment 到"外人泊架車入去叉電都好方便"?
當大部份商場都係全車位可以充電, 我泊低就充得, 充滿唔駛讓位俾人, 我就覺得啱我用了. 十年後都未知得唔得. 太古城星輝台我估都未得

呢一刻, 我見太古大場都仲係得 1+1+12 個充電位
https://www.carparkhero.com/car- ... 3-cityplaza-taikoo/

康怡就分晒派別咁每樣兩格, total 8 格
https://www.kilowatt.hk/car-park ... C%E8%BB%8A%E5%A0%B4

食食下飯要落去移車, 我叫我老婆自己睇住個仔, 食住先咁, 點搞.

康怡上落一轉停車場, 等lift 等兩個字. 太古就好睇邊個位, 商場大停車場大, 四個ZONE 一頭行到一尾咁行都唔少野. 移一移車又唔見 20min, 本身D 場都full, 移走左都唔知仲有乜位泊.

我附近仲有杏花村. 杏花村車場係另一座, 同商場係天橋駁, 大部份餐廳酒樓係商場的另一邊. 兩邊wing 行晒再過天橋, 由頭行到尾十分鐘有多. 一來一回又係 20min.

kypywk

邊個買新車唔識去book試車要人教?!(好似得佢識買車)。我自己習慣(對上兩次買新車都係)，選了三兩款咁上下價格级數的，儘可能看看有無朋友有同款同期的，先坐一坐心中有個底，再自已選淨最後果款先去book試車，其實上兩次都喺咁，試都係象徵式，以sales術語就是"即捉"，即试即落訂不囉唆XD。所以咪先問吓網友隔音是否很差，係就無謂身痕 XD

得得地

提示: 作者被禁止或刪除 內容自動屏蔽

mo9394

3000個位，真係笑咗，我笑領展...
香港六十幾萬部私家車(如果無記錯)
得得地 發表於 2022-11-8 18:41

我記得上年紀錄係, 全港公眾可以用到的充電位只係 3000-4000 個, 好大突破喇
   
https://www.hk01.com/%E6%95%B8%E ... 2%E5%B9%B4%E7%89%88
相對地充電配套於一年間亦有不少增長，由2020年的三千多個，增長至去年中4千3百多個，而且還持續增加中

香港登記私家車
https://www.legco.gov.hk/researc ... kong-20220210-c.pdf
過 去 20多年 ， 本 港 的 領 牌私 家 車 數 目 由340 568輛 急 增 至579 202輛

得得地

提示: 作者被禁止或刪除 內容自動屏蔽

ne7

回覆 108# mo9394
破五千個喇, 只要黎緊少d 人買電車, 應該好快可以唔使等位

下載 (73.68 KB)

2022-11-8 18:48