kammoo

吸錫帶 我買左...但好似唔多吸d鍚....仲好容易散開....加上用烙鐵按住的話仲會發熱...可能係傳導關係...

...
chi333 發表於 2011-3-16 15:06

其實吸錫帶唔多好用! 吸錫量小而且消耗大, 論經濟效益唔好.
我除非要清BGA焊盤以外, 一般係唔需要用吸錫帶, 對一般人,一支吸錫泵完全够用.
既然你都買下了, 就講你聽點樣用.
1. 要把銅網線拉長一D,除非你鐘意練鐵沙指, 或者有被虐傾向., 唔係一定會熱到飛起.
2. 把銅網線放在打算除鍚的中的一半位置, 不需要完全蓋著, 留返一半空間放烙鉄.
3. 把烙鉄輕輕壓上, 烙鉄头另一半就直接放在焊盤上.
4. 烙鉄頭把鍚溶化時, 旁邊的銅網線起微細管作用,自然會帶起溶錫,溶錫就從焊盤轉移到銅網線上.
5. 當看到前端銅網線吸鍚開始飽和,而還有餘錫未清, 這時保持烙鐵位置不動, 只要稍為把銅網線推前就可搞定, 直至吸乾淨為止.
6. 吸有鍚的銅網線, 就把那段已上錫的剪去, 我習慣不去清, 留一点点錫,可以幫助下一次容易吸錫.
7. 至於拖平BGA焊盤, 手法就有点不同,暫且不說了.
所謂工欲善其事,必先利其器, 很多新手都好介意用多一点錢去買工具, 揀最平宜的去開始, 反而帶來更多麻煩事, 事倍而功半, 甚至沒法達到如期的目的.
以吸錫線以言, 可以說很多平的貨,都不能用,稍為好的就耍GOOT,HAKKO, 都一定要十幾元, 而且假貨很多, 不同之處,就是它表面已吸上專有的肋悍物料, 與假貨的完全兩回事, 再好一點的吸惕帶就要買美國貨.
純個人意見, 新手買工具, 可以選擇一些好一点的貨色去用, 當你練得一身好本領後, 到時拿著甚麼爛工具都考不到你(100W烙鉄焊SMD 都唔係間題!)

kammoo

係要靠熱力，令到吸錫帶都夠温度去熔錫，才可以吸去熔了的錫的．
一段吸滿了就要ｃｕｔ斷佢用新的一段再吸 ...
dino_lo 發表於 2011-3-16 16:59

單面板反而唔好用吸錫泵，有連ｐａｄ　都吸起的可能
完全唔認同!!! 强烈反對!
那有這道理, 連PAD起, 原因是超温, 完全是手工焊接,控制功夫不到家.

chi333

小妹買左以下用具！
1. 烙鐵  winstar 25w...可能唔夠熱....有邊度有長身又可以調教溫度的烙鐵賣..小妹係深水埗行左1-2間鋪，只係睇到有一支，但要$9x元...有d有2種溫度的就係槍型..但槍型的話我放烙鐵個盒唔適合用...它太寬了放唔入盒內！有冇推介？
2. 吸鍚線...其實諗住唔死買支鬼咁大支的吸鍚器黎用所以先買呢種
3. 松香膏
4. 60/40鍚線...係唔係買無铅個種好d

kammoo

新手起步-幾樣東西建議:
1. winstar 雞得個平字,起温慢,但不停的升温,唔得!最起碼買支goot 30-40w, 2段power也唔錯! 當然有能力上恆温內熱式或日本焊臺就最好,平嘅可以考慮大陸黃花或平價焊臺,都係一佰幾拾,都比沒恆温的好用得多.
2.鍚綫盡量買好一D, 但唔好買含鉛!
你呢隻散装好似唔多掂! 小筒散我真係好少買,多數用ALPHA 63/37 半KG. 內含FLUX 2.2%, 又平又好駛,絕對唔需要加松香.
3.吸錫泵 -又係唔好貪平,建議 單手用就HAKKO 18G 或 GOOT GS108, 愛廸生US140 也是平價的選擇. 要吸多層板就用 HAKKO 20G; GOOT GS104.
4. 松香膏 -- 唔洗買!!錫線裏面有, (唔識用雞的人才要用),亦都係壞習慣.
5. 最後的,也是最重要的! –一塊烙鐵高温海棉, 好多人,少買呢件野!
它不是單一為了清潔保養用,每次上錫前把舊老化錫擦走,也是焊到好焊點的重要關鍵。

dino_lo

唔好吓吓當新手,一換幾粒CAP, 就會成為換CAP高手.
按步就班.都買咗吸錫帶,就用吸錫帶,下次要換MB的CAP 才買吸錫泵都未遲.
引咗佢地玩DIY, 佢地就唔會成日心思思,只要唔好話比佢地知,可以有幾難,話比佢地知,好簡單就得,咁佢地就會覺得"我都會得".又唔花費..下一次.佢地就一定會動手再玩.

kammoo

唔好吓吓當新手,一換幾粒CAP, 就會成為換CAP高手.
按步就班.都買咗吸錫帶,就用吸錫帶,下次要換MB的CAP 才買 ...
dino_lo 發表於 2011-3-17 00:42

係嘅 !係嘅 !
最怕就係為咗慳,第一次就俾D到喉唔到肺工具玩死咗!
無下次呢!
講真,我都係想講, 既然踏出第一步,點解唔教D正統方法過佢地去學呢?
要慳的話,呢塊單面板換幾粒電容, 相信難唔到你同我, 唔駛買吸錫泵;吸錫線都樫番,
你用你的双雞神功,我用我的堆錫法.
對不對!

dino_lo

可行的方法和正統...都係睇吓有什麼工具和技能水平,
買咗返來的工具,起碼用到,進一步,用得巧.的地步自然就有了信心,
對新技巧的吸收和理解就會快手了.
有些工程,操作都係要有合用的工具才會得心應手的.
都係平有平玩,玩得專業,玩得精,就預多少少$了.

人中之龍

一般要買:

1. 40W/60W辣雞，最好買Hakko或者Goot，約$6X-$7X，個D Winstar/Takumi就唔好啦，有D版友反映，用幾次就壞，使用成本比Hakko/Goot更高

2. 有鉛錫線，不要買無鉛錫線，因為溶點較高，對焊接器材要求更高，平價鍚線有版友話可以用Ancon鍚筆，約$10樓下，當然，用Alpha Metals就更好，但因為比較大卷，最少又要$19X-$2XX一卷，唔係成日DIY，就唔係咁化算啦

3. 助焊劑/松香膏(flux)，焊Connector先要用到，一般焊PCB/電容，如果錫線已有flux，可以唔需要買，Goot或者Burnley，約$1X

4. 吸錫泵，Goot/Hakko/Edsyn會好D，大支少少吸力會好D，約$3X-$7X

5. 吸錫線，Goot，約$1X

6. 辣雞架，已包高温海綿，有平有貴，無乜所謂，我就用Goot的，約$2X-$9X

鴨記較多選擇鋪頭有:
華輝(桂林街同北河街之間，鴨記公廁果邊，鴨記最大間既電子器材零件鋪)
和興(鴨記公廁向桂林街對面，近腸粉鋪隔離，星期日休息)
栢力(桂林街同北河街之間，地鐵站果邊，表面上係一間電話鋪，但裏面有好多焊接器材及耗材賣)

旺角女人街近登打士街既鴻光商場，麥氏同和興，亦有好多焊接器材及耗材賣

chi333

一般要買:

1. 40W/60W辣雞，最好買Hakko或者Goot，約$6X-$7X，個D Winstar/Takumi就唔好啦，有D版友反映， ...
人中之龍 發表於 2011-3-17 09:55

想問下現在小妹新換電容個塊電子板....用唔用得呢？因為我整到塊板有d濃濃地？

人中之龍

想問下現在小妹新換電容個塊電子板....用唔用得呢？因為我整到塊板有d濃濃地？ ...
chi333 發表於 2011-3-17 12:59 PM

好難講了
你試下執下焊點先
起碼要無假焊/虛焊
再用Contact Cleaner或者Flux Cleaner洗下PCB
再影兩張相(PCB面同底，最好有焊點close up)上來看看