diy-apprentice

十多年前買的就係，而家就真係唔敢講！早兩三年我買左兩把P牌，一把K牌，結果P牌其中一把用得幾個月個摩打就『那住』行得好慢，送去代理維修換了一個新摩打回來，但發覺新摩打明顯係慢過另一部正常無壞的P牌。至於K牌的前面旋轉風車就仲搞笑，逆時針轉就好正常，順時針轉就格格聲兼跳格，相比十多年前我買的兩部N牌(P牌的前身名字)，用足十多年才送去堆填區！鴻運扇出左接近30年，技術上無乜特別，但P牌和K牌的價格貴人成倍有多，和最平的比較，分分鐘一部等於人家3-4部，但質素而家變成咁，仲值唔值得繼續去買？我就過唔到自己的心理關口了，所以最近開始改買其他較平的品牌來試。

910

杯士蝕左,掉得

gary1231233

回覆 31# diy-apprentice


同意, 現有2把分別用左16年同3年, 每年都清洗上油, 16年果把從末有問題, 3年果把弟2年已經要換前面旋轉風車個摩打, E+重成日格格聲兼跳格........., 谷鬼氣, 今年買左把一舊水大陸扇....

PowerShot

買風扇最好買 TDK, PANASONIC 平背摩打個類新設計
真係個摩打贏大陸個啲9條街
日本牌子一把用十幾年
大陸牌 ...
goodman85 發表於 2015-7-3 20:38

    我用緊, 慳位又涼又寧靜~ 用左4年幾都仲甘有力~

diy-apprentice

我早幾個月就曾在日X城買過一把佢自家品牌的鴻運扇，價錢超平，只係165蚊(假如去淘，可以更低)，P記一把可以買4把！不過試左兩日唔岩心求就去換貨，所以如何衡量是否物有所值或合心意，就要靠自己去睇和試。

diy-apprentice

這把扇的問題，包括：(1)風扇背後無得拆開清塵，這是我最唔滿意的地方。(2)風扇底無膠腳，開得勁佢會自己移位。(3)風扇的重量和P記比，輕左接近一半，相信風葉的平衡度和重量，是導致移位的原因。假如你可以接受這幾個問題，其實這風扇也算是不過不失的。

diy-apprentice

至於講到是否夠風大和靜，P記和K記係好夠風，但其實也算較嘈，尤其是開到最大，在夜闌人靜或睡覺時，就特別明顯。而最近我就發覺有兩隻風扇多了一檔(一般風扇風速有三檔，佢就有四檔)最低速的一檔，風力明顯較弱，但就非常靜和慳電，用來睡覺時用再加埋少量冷氣就非常合適，耗電量僅僅是20W(以12吋鴻運扇計算，一般最低速也要30W，最高速40-45W)。

diy-apprentice

這兩隻品牌，都在日X城可以見到，一個係醫馬，一個係隔力，醫馬就兩年保養，但就貴隔力約50蚊，我就捉左隻馬回家試用，睇下過多兩年是否需要死馬當活馬咁醫。(有人話這隻馬好易壞，剛過兩年就壞喎，但價錢只係P記的一半，一把P記可以買兩隻馬，算唔算抵買，目前無法判別，所以最佳驗證方法就係買隻回家試用，睇下結果係點。)