edgeyim

其實真係想買個部德國佬，2800W 德國 schott 面板， 三環火。個爐比起其他電陶爐貴咁多，應該幾耐用卦。
...
caihk 發表於 2017-3-12 20:56

平o野無好，好o野無平，但無話貴o野一定好。
自行參透吧。

ken_nx

我家原本係一個雙頭電磁爐(但好迫)max 3700w, 單頭max3000w, 再加一個單頭氣體爐

因為氣體爐一來煤氣貴, 二來一開就成個廚房熱好多, 我係永遠唔會用
煲湯另有個電煲, 炒嘢電磁爐都滿意.

實在嫌個氣體爐阻定, 三尖八角放唔到嘢, 就拆走咗上面擺煲的鐵架, 上淘寶買咗個2500W電淘爐放上去用.


同原本個電磁爐比, 電磁爐開最高火力, 煮麵份量水份係10秒內見泡, 而電陶爐係要等成分幾鐘先有同樣效果.
電磁爐升溫快, 降溫亦快. 比如說見就黎滾瀉嘢, 電磁爐扭細output就救得到, 泡泡立刻消失. 而電淘爐餘溫要等好耐先消散, 就黎滾瀉係要將成個煲拎走先得. 但你諗下果下滾水六腳, 又要搵嘢墊, 攪得黎通常已經一枱都係. 煎嘢發現火候夠亦同樣要立即起鑊, 唔可以好似電磁爐咁擰細火由佢繼續慶住. 煮嘢好多時要先大火後轉細, 電陶爐響呢方面輸幾條街.
電陶爐亦會令廚房氣溫上升, 只係比煤氣好子多, 而電磁爐完全唔會.
電陶爐唯一優勝係佢乜質地都受, 食到一半放涼咗都可以成隻瓦碟銻碟放上去reheat



咁啱識咗位印度鄰居佢同我掉轉, 佢用氣體爐唔用電磁爐, 咁就同佢掉轉

煤氣師傅幫我cut氣拆爐, 又幫佢開個分支同裝新爐<< 呢度收幾舊水

而我家就要響電箱重新穿多一組線, 條20mm膠喉已穿咗3條4mm^2線, 幾經辛苦穿多一對LN, 電箱加個新fuse, 個牆身過路制改雙20A曲架制

ken_nx

係咪講緊呢部，好似幾好，特別係佢塊玻璃係靚野，不過呢個爐成千蚊 。。。

...
caihk 發表於 9/3/2017 17:45

    寧願買淘寶, 勿買德國寶

ken_nx

我家電陶爐都係淘寶貨, 好似200-230人仔, 分3環火, 可以自行改: 三環開哂又得, 只開最內又得, 只開最外亦得, 最外加最內都得, 淨外面兩圈都得, 總之點都得

至於電磁爐係miele, 跟樓送, 自行detect煲具直徑, 真係用得好爽

caihk

我家電陶爐都係淘寶貨, 好似200-230人仔, 分3環火, 可以自行改: 三環開哂又得, 只開最內又得, 只開最外亦得 ...
ken_nx 發表於 2017-3-13 14:16

你個爐係咩型號 ？ 其實三環火最主要既好處係咪可以用到唔同size既廚具 ？

caihk

寧願買淘寶, 勿買德國寶
ken_nx 發表於 2017-3-13 14:11

點解呢 ？ 德國寶係香港名牌黎架喎。

caihk

3環係指？
1）内
2）外
3）內+外

via HKEPC Ionic Reader v1.6.0 - iPhone
xwwvvx 發表於 2017-3-12 21:20

德國佬個部係內中內3個環，有7種火力選擇

內，中，外，內中，內外，中外，全開

edgeyim

...電磁爐係miele, 跟樓送, 自行detect煲具直徑, 真係用得好爽
ken_nx 發表於 2017-3-13 14:16

個價錢都爽死

caihk

之前斷貨 到3月先收貨 爐係3月制 用左唔係好耐 整體感覺幾好 $400內連運費 金屬底殼 德國佬款式 完 ...
xwwvvx 發表於 2017-3-12 21:18

用電陶爐煮個面要幾耐時間 ？ 係咪一定要開到最大火 ？ 如果只開中火既話，溫度一到會唔會停/斷電 （過熱保護），咁樣個面咪有排都煮唔熟 ？ 電磁爐雖然係間揭性加熱，但係會一路比電，除非個爐超熱，否則係唔會停。

ken_nx

德國寶係垃圾牌子，乜嘢香港名牌，買3部同款空氣清新機，3部都先後同一壞法，上佢紅磡大酒店旁俾機佢整同攞機前後去咗6次，次次都有人拎其他電器上去而又偏偏一樣死法，電陶爐上淘寶買揀高銷量款只兩舊水人仔但質素肯定比德國寶上千蚊好