GD830

11W G23 筷子管應該仲有得買，但鴨寮街應該得返白光
淘寶都仲有得買普通光管版本，白光米光暖光都有，不過落單之前要叫舖頭加強包裝，如果唔係落到嚟就會變咗一堆玻璃碎

C_Law

11W G23 筷子管應該仲有得買，但鴨寮街應該得返白光
淘寶都仲有得買普通光管版本，白光米光暖光都有，不過 ...
GD830 發表於 2024/6/14 22:34

3 月中時逃過枝另一款的檯燈光管，當時都無特別叫間舖加強包裝。


好在，間舖都真係包得好穩陣，本身枝管有紙盒，盒內有一層薄瓦通紙包住枝管。盒外再圍一層泡泡膠，再係外面包一層厚紙皮先至入速遞袋。

今次買 LED 管，本身係膠殼，應該無事掛！

alanchan2010

Del post

alanchan2010

SSP 鴨街重有無這種光管賣？
(我係想要暖白/黃光，4500K/2700K，不是圖中的 6500K 白光，幅圖係求其係逃佬  ...
C_Law 發表於 2024-6-13 09:22

    Pm 我

我仲有兩支 g23 Philips

C_Law

Pm 我

我仲有兩支 g23 Philips
alanchan2010 發表於 2024/6/16 15:59

唔該師兄先！

不過我已經逃了 LED 款，運送途中。

TH30

留個紀錄供有需要的C兄參考
  
前兩日行過鴨記燈鋪
11W G23 已經冇放出來賣，唔知有冇收埋倉
13W G24 就有，冷白淺黃深黃都齊
  


   
G23 11W 827 深黃 及 11W 840 淺黃
部分網店及維基魔仍有售
似乎飛記廠仍有生產，但都應該時日無多

C_Law

剛剛收到逃佬來的 LED 管。

正面(同舊式光管比較)：
外殼印住「双色温」, 但實際有三隻色：白、暖白、黃。


背面(同舊式光管比較)：
有三粒螺絲，似乎將來用到壞可以拆開來玩。


駁線：
枝舊光管仍然用得，諗住用到壞先至換。為免改盞燈(要拆走火牛)，所以用條有開關掣的電源線經簪玉駁 220V ac 去枝 LED 管兩枝針做測試。


一開電掣係白光：


熄掣後即刻再開變暖白光：


再熄掣後即刻再開變黃光：


再熄掣又再即刻開就變返做白光。

C_Law

實在受不住螺絲的誘惑 ，一於拆：











via HKEPC IR 5.1.14 - Android(5.1.2F)

C_Law

今日有時間就拆散盞燈換枝 LED 管, 事關枝舊光管連接玻璃管同插頭的膠水已老化失效, 驚直接拉會扯爛, 所以拆燈殼去搞。

雖然逃佬店的說明話要拆走個「電子鎮流器」(電子牛), 但我盞燈係古董到未興用電子牛的年代產品, 插蘇頭後先走落地下一大件線圈火牛然後先至上去盞燈。



我記得以前將屋企廚房天花的舊式光管換做 LED 管時, LED 管的包裝說明話燈座用電子牛就要拆走隻牛, 用線圈牛就只需拆走 Starter。

雖然今次這枝 LED 管無提到用舊式線圈火牛的使用方法, 但膽粗粗試下不拆走隻線圈牛就插枝 LED 管上去, 結果又開得著 , 即管用住先。 但話時話, 有無不良後果？


夠膽試係因為有逃緊其他貨去集運, 有剩餘重量, 大吉利是燒了枝新 LED 管就逃過枝, 起碼不用額外支付落香港的運費。

暫時連續開著了個零鐘，燈管正常的小暖，屬於可長時間摸上去的溫度。比起舊光管凍好多，舊光管長開後係熱到不能長時間摸上去玻璃管。再摸下地下個火牛亦無發熱跡像，連微暖都無。

via HKEPC IR 5.1.14 - Android(5.1.2F)

C_Law

下午諗住趁有陽光，方便拆開燈殼去拆舊光管。

但因為太猛陽光，背景光太猛，無得試下比較舊式光管同這枝新 LED 管的光度。所以剛才又再搞一次。

將枝燈大約校到水平，同檯面距離大約 15.5"(幅相見把拉尺係 13.5"，加埋把尺個殼就係 15.5")，之後用部舊手機紅米 Note4X 裝個測光 App 去試。


(幅相係開白光時影，費事 Upload 太多相上來，其他測試無放相)
LED - 　白光：1780 Lux
LED - 暖白光：1834 Lux
LED - 　黃光：1556 Lux

至於原本的舊式光管，相同測試環境只係度到 1333Lux。

新的 LED 光管比舊式光管光好多！

不過，都公平的講，枝 LED 管係新買，而枝舊式光管已用了好耐(本來有用 Marker 筆寫低新裝上去日期，但可能用太耐了，寫上去的字已甩色，斷估 2 年幾 3 年甚至更耐)。所以新管比舊管光都係正常。

不過，再裝返枝 LED 管上盞燈，再駁埋個 Watt 錶上去睇，原本在上面 17# 直接駁 220V ac 去測試時，三隻色都係 5.0W，但係裝上盞燈但無拆走個線圈牛，個 Watt 錶度到只有 4.1W！

係因為駁住個線圈牛(ie. inductor coil)所以改變了 Power factor？定一話真係用小了電！？