liyee

如簡單安裝的話，或有未知之數，如出問題可大可小，人命關天。


有專家噉解答
專家指做法不理想：大雨打風或鬆脫

針對上述情況，香港空調製冷業職工總會會務主任許錫強接受《晴報》訪問時指出，類似做法於行內相當常見，師傅一般會用玻璃膠配合螺絲將門腳膠固定於冷氣及窗台上，方便之餘亦可用門腳膠吸走冷氣運作時的震盪，藉以減低噪音。不過他指圖中做法並不完全正確：

「尤其如果好似圖中情況，門腳膠並非完全垂直，喺打風或者落大雨時就有可能移位，甚至鬆脫。」

許錫強指如類似情況下出現門腳膠鬆脫，冷氣機身後半就可能隨之掉落，如無足夠支撐可能令整部冷氣墮樓，又或者導致室門玻璃破裂損毀。住戶如有擔心，許錫強建議可另外安裝「U型鋁架」解決問題

https://skypost.hk/article/32715 ... 3%E9%A2%A8%E9%9A%AA

teddybearhk

仲有就係大水盤，點解部分人強調一定要裝，話唔裝會好快漏水...

3K

如簡單安裝的話，或有未知之數，如出問題可大可小，人命關天。


有專家噉解答
專家指做法不理想：大雨打風 ...
liyee 發表於 2024-4-12 22:27

對自私嘅人講咩都無用!
半桶水技工只會諗用最少功夫搵錢 , 而唔係最安全角度.

sands

仲有就係大水盤，點解部分人強調一定要裝，話唔裝會好快漏水...
teddybearhk 發表於 2024-4-12 22:27

大水盤基本安裝唔包，屋企裝個幾部冷氣，個個師傅都sell你裝大水盤*加錢*，次次都沒裝，本身冷氣都有跟個水盤仔去水啦，用左好多年都未有事，𠝹你個窗塊玻璃收口，有D都要加錢，試過返工唔得閒睇住，老人家在家等裝，收左玻璃錢，仲成個鋁窗框連玻璃收埋走 自始之後再裝，都叫家人同師傅講明唔加錢，加錢就唔裝，叫佢抬返走我預先拆定拆剩個窗框，準備定鋁板，玻璃，膠板係度比佢用，咩事都沒

Kin_2012

如簡單安裝的話，或有未知之數，如出問題可大可小，人命關天。


有專家噉解答
專家指做法不理想：大雨打風 ...
liyee 發表於 2024-4-12 22:27

“並不完全正確”   如果真有問題， 政府一早禁左咁裝， 事實係打左幾次,咩千年一遇，百年一遇的勁風球，10號都試過， d 冷氣都無鬆脫，無飛落街。。。

如果真係咁危險，佢會強列建議求市民安裝，什至要求政府立法監管， 佢都無，只係話 “住戶如有擔心”， 先建議可以裝「U型鋁架」。。

門腳膠並非完全垂直  <-- 其實條膠頂鋸番少少斜面，貼番有斜水的機架，門腳膠已經可以好直，佢都係盡量搵野講。

Kin_2012

仲有就係大水盤，點解部分人強調一定要裝，話唔裝會好快漏水...
teddybearhk 發表於 2024-4-12 22:27

因為好耐以前冷氣出水位係機尾， 的確易養水生鏽再滴水。

後來改左機底出水已經好唔少，但用原裝盤因為細， 如果斜水唔夠易積水就會塞，所以叫安大水盤。

其實斜水夠， 去水順唔積水，唔亂噴野洗冷氣，原裝水盤無問題。

Kin_2012

對自私嘅人講咩都無用!
半桶水技工只會諗用最少功夫搵錢 , 而唔係最安全角度. ...
3K 發表於 2024-4-12 22:36

關自私咩事? 相信呢道無人收錢幫人做冷氣安裝，而且出面都定晒點裝要幾錢，要幾安全都有， 係消費者自己選擇，又唔係收足錢唔交足貨，錢亦係商家搵，我唔覺大部人唔加錢安架係因為自私。

講番正題， 而家討論個點係安鋁架有咩好處。想多 d 人裝， 都一比番個理由大家。

唔安全?  但事實証明， 基本安裝香港人用左咁耐， 都無一單話因為咁鬆脫飛落街。

Kin_2012

大水盤基本安裝唔包，屋企裝個幾部冷氣，個個師傅都sell你裝大水盤*加錢*，次次都沒裝，本身冷氣都有跟個 ...
sands 發表於 2024-4-12 22:43

比人裝係好煩， 上面比唔夠錢， 咁下面一有機會就想賺多 d .... 總之點都想你加錢

我都怕左呢班裝機佬

teddybearhk

點解要自己裝？要請假等上門，試過被放飛機自己裝可以自己安排時間

Kin_2012

點解要自己裝？要請假等上門，試過被放飛機自己裝可以自己安排時間
teddybearhk 發表於 2024-4-12 23:29

除非勁有錢搵專業服務團隊，否則當然係自己裝好。

時間自己定
點樣裝自己定
用咩料自己定
事前清潔窗台修補上防水油
自己裝手工一定好過裝機佬