Mace Windu

原帖由 008325 於 2008-12-22 16:36 發表
其實第一句已經顯示你理解錯
我地應為係 model 係副業，所以係突發又無何奈何之下，model 作出一個以正業為重的決定
係絕對正常。

並唔係你所講既攝影只係一份工餘 / 課餘活動所以我地支持個 model

我相信將心俾己，如果你都有番工，你都係突然俾人叫 ot
自己問下自己會唔會因為你所講既攝影活動而同老闆抗行，甚至唔做呢?

無人話佢突然黎唔到係有問題，只係要負責任的問題。當事人起接呢份兼職的時候已經知道當日係要番工，咁即係亦都知道有機會會 OT。我相信突然黎唔到佢都唔會開心，但當日係佢自己願意接受呢份工作的，黎唔到在情理上有責任要負。當然唔可以 expect 佢會得罪老板走去同人影相，但也不致於說那樣的話吧？

我覺得這是一條非常好的應徵問題，因為這確切反映了回答者的處事方針和態度。這不是正職是否比兼職重要的問題，而是對人對事負責的問題。今日你可以覺得兩小時前給我通知已經是格外開恩，明天你也大可以同樣道理的對待自己的正職 。

「我阿媽/老婆/阿妹/隻狗有事，我今日番唔到工，我而家打電話比你已經算仁至義盡勒，我大可以人間蒸發架。你比幾千蚊人工我之嘛，我唔鐘意番工咪唔番囉！我阿媽/老婆/阿妹/隻狗點都比你份工重要咪呀！」

byleung

根本係果model 有問題
1) 唔理收幾多錢, 有無落訂, contract 等等, 應承左出現唔出現就係唔o岩
2) 黎唔到, 提前話比對方知, 係應該要做o既最最最基本野
3) 後面o既對話, 果model 係唔係態度唔好, 我無聽到唔評價
4) part time job 都係job, 有無人會諗下點樣做好份工, 正職有事, 做唔掂份part time, 好明顯係果model 自己time managment 有問題.
5) 如果果model 唔再撈呢行, 我無野講, 但只要佢重係做part time model, 我相信佢都會有呢個情況出現

T-49

原帖由 botsang 於 2008-12-22 12:35 發表


反而我諗到點解.........
可能因為多數人覺得, 影會攝影只係一份工餘 / 課餘活動, 應該以 "唔影響工作" 為前提, 所以覺得影會攝影係唔重要既......

不過, 影會而家所辦既, 其實都係商業性質既生意, 與客戶 (會員) ...

唔係話幫邊個唔幫邊個, 因為我兩邊都唔熟, 亦都從未/唔會參加呢種活動, 但係試過係呢D活動幫下手
不過正如CHING所言, 而家所辦既, 已經係變左一盤生意.
咁係咪亦都要提升下D 計劃質素, 準備多一兩個後補計劃
與其係個個MODEL身上糾纏, 不如諗下有冇其他方法好過
又例如CHING話唔係個個參加者都留低電話, 呢個又係問題
影會有咩事又搵佢唔到, 佢遲到影會又搵佢唔到都係煩
呢方面又係唔係要改改?
又好似呢件事咁, 會唔會約個MODEL 係活動個日係如無意外(真係意外個D)一定出現到既會比搵個放工黎既好呢

T-49

原帖由 Mace Windu 於 2008-12-22 17:10 發表


無人話佢突然黎唔到係有問題，只係要負責任的問題。當事人起接呢份兼職的時候已經知道當日係要番工，咁即係亦都知道有機會會 OT。我相信突然黎唔到佢都唔會開心，但當日係佢自己願意接受呢份工作的，黎唔到在情理上有責任 ...

所以我想知攪手當初點解會約呢個MODEL

Mace Windu

原帖由 T-49 於 2008-12-22 17:26 發表


所以我想知攪手當初點解會約呢個MODEL

Model 未必會話比人知佢果日要番工，好多時只會答你果段時間得唔得閒。

T-49

原帖由 Mace Windu 於 2008-12-22 17:33 發表


Model 未必會話比人知佢果日要番工，好多時只會答你果段時間得唔得閒。

咁咪係問題, 如果問個個淨係問人得唔得閒, 答個個又係咁答
變左大家都係靠估, 咁就
可能樓主下次要問得再詳細D先決定

Knight

請問樓主, 你說你做呢D影會活動已經係一盤生意 ,
咁即係你從中會有利潤 ? 如果係既請繼續睇. 唔係就請當我冇講野.

你同這個模特兒合作了幾多次, 第一次 ?
點解唔找 d 行內有名聲有責任的模特兒 ?
係因為呢個女仔平就搵返來定係成團人指定要佢 ?
你約日子既時間你冇考慮佢要"放工"後先來得 ?
既然係一盤生意點解會冇其他後備 plan.

我睇你的 post, 只見你文中一直只將責任推落個女仔佢身上,
字中對自己既責任一點都冇提過.
或者個女仔係時間管理,責任心,態度係有問題.
但也不見得你可以將今次事件整個責任推落佢身上.
你係負責人,令個活動正常舉行以至完成是最基本的責任,
所以一開始整個責任已經係你身上,你不想負責就請不要賺錢.

如果我係當天參加了的會員, 我只會覺得閣下及影會所辦既活動服務差
以及你們當天所提供的模特兒的責任感都非常之差.

睇完你呢幾個 post, 我只會覺得閣下只會將責任推向他人身上, 不會知自己錯既人.

botsang

原帖由 Knight 於 2008-12-22 18:10 發表
請問樓主, 你說你做呢D影會活動已經係一盤生意 ,
咁即係你從中會有利潤 ? 如果係既請繼續睇. 唔係就請當我冇講野.

你同這個模特兒合作了幾多次, 第一次 ?
點解唔找 d 行內有名聲有責任的模特兒 ?
係因為呢個女仔 ...

小弟係義務性質幫影會手
影會有利潤, 但小弟唔會有一分一毫落袋; 因為所賺取既利潤, 影會係將會用作辦免費活動, 或者買道具 (例如晚裝)

唔找知名 model 合作, 係因為其收費高昂
小弟影會希望, 我地活動既對象, 唔應該只限於能夠付出高昂費用既影友 ; 經濟能力較低既影友, 我地亦希望可以為他們提供活動

後備 model, 我地的確有 ; 問題係, 當只剩低兩個小時既時限, 後備 model 雖然可以勉強令活動如期進行, 但用之根本無益, 反而大有機會招致更多不滿 (小弟於先前曾經講述過呢一方面, 師兄如希望了解, 請看看並指教)

至於會員唔留電話, 呢一點的確有需要改進, 多謝師兄既提點 ; 小弟會建議影會負責人, 以後凡報名者, 一定要留電話, 否則不接受其報名

而至於師兄認為, 不論如何, 我地唔能夠 "交貨" 俾會員, 影會有責任. 對於呢一點, 小弟絕對認同!!
正因為如此, 小弟才對今次事件如此看重
亦正如小弟於之前提及, 影會亦認同應為事件負上責任,  所以我們除了立即退款給會員之外, 還立即承諾為會員提供一次免費攝影活動 (成本當然由影會付出), 作為補償會員的損失

如果師兄有其他更好提議, 敬請提出. 小弟而家亦正頭痛地思考, 目前所做既補償是否足夠.............

[ 本帖最後由 botsang 於 2008-12-22 18:37 編輯 ]

licgfg

原帖由 botsang 於 2008-12-22 12:35 發表
另外, 有師兄問為何唔準備後備 model
其實我地係有呢個打算既. 老實講, 我地亦有相熟 model 可以頂替

不過, 由於三個原因, 我地唔能夠咁做 :
1) 以前某一個影會都同相同經驗, 結果反而俾會員鬧 : 掛羊頭, 賣狗肉; 搵個靚女做招牌, 但貨不對辦
2) 由於距離開始活動只有兩小時, 好多參加者已經帶備沉重器材在身, 甚至可能已經出發前往現場途中; 呢個時換 model, 反而有瓜田李下之嫌. 會員更加會以為, 我地影會係刻意咁樣安排, 焗佢地接受不對辦既 model (以為影會迫佢地 : 一係接受, 一係就唔影 - 浪費時間, 及舟車勞頓之苦)
3) 想先問問參加者既意願, 都唔得......... 因為有部份人無留聯絡電話. 人地亦可能外出工作, 睇唔到 網站

既然有後備model,點解唔用呢?
我覺得活動可以如常舉行,但就優惠價俾會員,亦可以選擇退錢
總好過掃興吧

botsang

原帖由 licgfg 於 2008-12-22 18:37 發表

既然有後備model,點解唔用呢?
我覺得活動可以如常舉行,但就優惠價俾會員,亦可以選擇退錢
總好過掃興吧

當時選擇不用後備的原因, 剛才已經講解了 ; 由於前車可鑑, 我們不敢貿然冒險

不過, 立即將今次活動減價, 優惠給會員, 的確是好的提議!!!
我們當時想不到有這個方法
多謝師兄指教

[ 本帖最後由 botsang 於 2008-12-22 18:50 編輯 ]