indigo

你睇咗我之前最後嗰兩句未呀？
botsang 發表於 2014-11-27 18:44

   

另外，你認為會個個都會走去台灣買嗎？
台灣賣得仲貴過香港，而且又要抬過嚟香港；100個香港用家當中，都未必有1個會喺台灣買

咁又點呢?? 成個市場唔係睇你一個買家, 係睇全個世界.
好似你咁講, 歐美基本上唔會有呢隻 mon 賣, 因為佢地一定貴過台灣香港. 作為一個大公司會唔會咁蠢.

botsang

咁又點呢?? 成個市場唔係睇你一個買家, 係睇全個世界.
好似你咁講, 歐美基本上唔會有呢隻 mon 賣, ...
indigo 發表於 2014-11-27 18:54

所以我都話，呢個 case 只係香港與台灣
你講歐美市場的話，得！咁你等歐美用家作出與我相同要求時，你向佢地講啦～

根本唔同情況下，有唔同既方法可以達到共贏；死都要全世界嚟拉埋一齊講，根本無謂

indigo

所以我都話，呢個 case 只係香港與台灣
你講歐美市場的話，得！咁你等歐美用家作出與我相同要求時，你向 ...
botsang 發表於 2014-11-27 19:33

    我都講過, 用你嗰個概念, 只會共輸唔會共贏.
假設全世界真係好似你咁講, 都係水貨只收人工運費唔收零件, 個模式就會好似 Apple 咁唔會有代理自己做番晒, 但係間公司要好大先得, 結果細嘅公司死晒, 剩低嘅因為供應少左, 價格就會上升.
又或者好似 EIZO 咁, 全球保用, 但係要做到呢樣野係要錢, 所以個價錢會賣到好貴好貴.
結果都係消費者受害.

你嗰個所謂共贏方案, 其實只係短時間嘅你得到好處, 因為你唔使搬部機過去台灣.
你以為香港代理賺左你維修費, 其實變相佢存倉嘅零件賣少左, 你以為維修費最好搵?? 最多未收你嗰幾百蚊, 收得貴你都唔整啦, 佢 D 又要運費又要倉租又要人管理, 結果人地蝕嘅仲多過你以為賺嘅.
你又以為台灣公司慳左人工, 其實人地本身都要請維修人員, 整多一部機唔會用多左公司資源, 反而用你個方案仲要額外人手處理你呢 D 零件運送, 你自己話賺定蝕啦!
你唔係仲以為自己嗰個方案真係咁好呀??

botsang

我都講過, 用你嗰個概念, 只會共輸唔會共贏.
假設全世界真係好似你咁講, 都係水貨只收人工運費唔收 ...
indigo 發表於 2014-11-27 20:20

你仲係要將「全世界」拎埋一齊講
宜家呢個方法，唔係俾「全世界」用架，你真唔明定扮唔明？

仲有一樣本來唔想講既，宜家都講埋出嚟：
乜原來你認為，一間公司造咗一件本身有問題既貨品出嚟，俾機會分公司賣零件，係一個天經地義既賺錢方法？你講到彷彿賺唔到呢種無良錢，就係一種損失

咁好吖~ 如果要客戶每事依正廠方政策嚟做的話，FINE!
唔該借問聲，廠方又是否應該依正做生意既操守嚟經營？
從廠方賣出有問題既產品嗰一刻開始，已經唔符合做生意既應有操守！
自己無做好應做既事，卻要求對方樣樣做足，你唔係仲以為咁樣真係合理呀？呃鬼食豆腐咩？

indigo

你仲係要將「全世界」拎埋一齊講
宜家呢個方法，唔係俾「全世界」用架，你真唔明定扮唔明？

仲有一樣本 ...
botsang 發表於 2014-11-27 20:42

我下面嗰度已經只講台灣同香港, 你要選擇性咁睇我都無辦法.

仲有你要分清楚 Asus HK 同 Asus TW 喺原則上係兩間公司, 喺法律上兩間係獨立無關係嘅. 更何況香港代理應該係(看 4), 更加只係合約上嘅伙伴關係, 唔存在總公司分司嘅關係.
人地保用條款就係保障你所講嘅問題, 保障一段合理時間內有問題產品嘅責任, 只係你超出左人地負責嘅範圍, 但係你就要人地去做超出佢地責任嘅問題. 你話嗰 D 係無良錢, 你要人地蝕錢幫你做野, 等於你老闆叫你假期返工不過無補水, 甚至乎係你工作範圍以外嘅野, 你會唔會覺得呢樣合理先?

Lethant

其實如果真係下下都好似你咁 買咗水貨可以叫行貨代理出師傅整 零件分開叫水貨所屬國家既代理免費出返 就算你出運費， 都係消費者着數晒。某程度上 地區性價格係當地既税項，貨倉既租 同 保養既budget。 每個地方既零件價格同維修員人工都唔同。你買件貨 比咗錢台灣華碩， 當中就一部份係比售後服務，即係保養。香港代理一毫子都冇， 你依家要整梗係每見零件同你計啦， 所有嘢都係成set買抵啲，你依家散開買佢個保養服務一定貴啲，佢都冇謂方便你 正常人會肯成部寄過去又要寄返嚟咩？郵費又唔平，又有機會再有問題。你所謂3嬴局面邊係咁呢？ 台灣代理唔理你唔洗出零件可以慳啲，香港收晒3500，一定多過你淨係俾維修費

botsang

我下面嗰度已經只講台灣同香港, 你要選擇性咁睇我都無辦法.

仲有你要分清楚 Asus HK 同 Asus TW 喺原則 ...
indigo 發表於 2014-11-27 21:06

(如果你本來要貼近返個 CASE, 就唔駛用 "全世界" 嚟嘩眾取寵啦~
你一開始就強調 "全世界", 想營造先入為主既效果, 然後就逐少逐少地轉返香港台灣~
你唔係以為真係無人知你玩梗乜方法呀?)

講返正題先~ 我逐樣嚟回你~~

佢 D 又要運費又要倉租又要人管理
依我個方法, 零件係台灣即時寄過嚟既, 唔係香港華碩既存貨; 香港華碩自己既零件, 只係俾香港行貨修理用, 根本與我無任何關連, 何解要算在我頭上?
我既方法, 根本就係等同於付費聘請香港華碩為我提供一項 "技術服務"; 我根本唔會動用佢既 "硬件", 唔該唔好借啲意將 "硬件" 既成本入埋我數
你去搵人整電腦, 唔通對方會話 "你買我服務, 唔買我硬件, 我蝕俾你"?

其實人地本身都要請維修人員, 整多一部機唔會用多左公司資源
反而用你個方案仲要額外人手處理你呢 D 零件運送, 你自己話賺定蝕啦!
你都幾飄忽喎!
一時又唔當整機既 MAN HOUR 係資源消耗, 嚟強調我個方法慳唔到對方資源
一時又話寄野既 MAN HOUR 係資源消耗, 嚟強調我個方法浪費對方資源
你搬龍門都唔該唔好咁明顯啦! 好嘛?

更何況香港代理應該係(看 4), 更加只係合約上嘅伙伴關係, 唔存在總公司分司嘅關係
唔該你自己睇: http://www.asus.com/tw/Pages/Investor/
華碩既財政報告當中, 整個中國連同香港都納入財務報表入面~~
唔存在總公司分司嘅關係??? 老作都唔該唔好咁離譜吖
(另外, 請問一下, 就算無關係又點?? 我宜家係想付費聘請香港華碩提供 "技術服務", 又唔係要佢為台灣華碩負責, 有乜問題?)

你話嗰 D 係無良錢, 你要人地蝕錢幫你做野, 等於你老闆叫你假期返工不過無補水, 甚至乎係你工作範圍以外嘅野
第一, 你所講既 "蝕錢", 上面已經講過, 你一時又當 MAN HOUR 唔係資源, 一時又當 MAN HOUR 係資源~ 証明你呢個 "蝕錢論" 根本係搬龍門玩出嚟既
第二, 我已經講過 N 次, 香港華碩要收我人工的話, 我絕願意俾! 你唔好屈我話我唔俾錢 (無補水), 亦請你搞清楚, 華碩係可以將行政費計入人工之內 (呢個亦係好多公司一向收費時既計算方法)

botsang

其實如果真係下下都好似你咁 買咗水貨可以叫行貨代理出師傅整 零件分開叫水貨所屬國家既代理免費出返 就算 ...
Lethant 發表於 2014-11-27 21:33

我係俾錢香港代理既師傅整, 唔係叫行貨代理免費出師傅整
你知唔知當中既分別?

Lethant

我係俾錢香港代理既師傅整, 唔係叫行貨代理免費出師傅整
你知唔知當中既分別? ...
botsang 發表於 2014-11-27 22:00

你有冇睇我最後嗰句呀 香港收晒3500、一定多過你淨係畀維修費

你買個水貨電話壞咗，可唔可以淘寶啲零件 拎上香港代理話唔洗你啲零件，我淨係要你個師傅維修得喇。
售後服務係保養維修，你唔可以就咁同台灣代理話我個mon壞咗 要lee幾樣零件因爲仲有保養，唔該你寄過嚟我自己去搵人整。最多我俾返郵費。台灣驗都冇得驗你話你要咩零件佢就比你啊？點都要check係咪人爲啩。如過係咁、我得閒去香港代理攞返啲零件返嚟啦，唔洗錢呀ma。 香港同台灣代理根本就冇關係，你咁樣都得搵鬼投代理權返嚟

botsang

你有冇睇我最後嗰句呀 香港收晒3500、一定多過你淨係畀維修費

你買個水貨電話壞咗，可唔可以淘寶啲零件  ...
Lethant 發表於 2014-11-27 22:17

你最後嗰句我當然有睇啦~
我可以話你知: 你錯咗
因為喺我拎咗部機嚟台灣之後第二日, 香港華碩已經打電話俾我, 話接受我既提議, 而且郵費及人工加埋, 遠遠不及 3500

另外, 台灣華碩唔係無得驗, 而係根本唔駛驗
點解? 因為我晨早已經俾咗港幣300香港華碩代佢驗, 有晒紀錄!
如果你認為香港華碩驗過, 都唔夠可信的話, 咁你不如唔好當香港華碩係 OFFICIAL DISTRIBUTOR 好了

另外我想講多樣野:
來自淘寶既零件, 廠方可以唔受理; 原因係來歷不明, 如果係假野, 有乜意外, 廠方就要負責
你認為由台灣華碩直接寄俾香港華碩既零件, 會有呢個問題嗎?