yun

唔系咁岩啊嘛...
2日前開始壞，就系天氣突然好潮濕...咁都影響到部機？

yun

最新報告：
成功開機+入到windows (但全程一直黑（冇）畫面)...
入到windows 新因為我聽到聲，然後我盲宗宗亂襟制，襟到桌面MP3, 聽到音樂...
宜家睇嚟，有可能顯卡壞！？
因為我都查過資料：一長兩短‘必’聲 係 顯示卡問題
另外：http://www.hkepc.com/forum/viewthread.php?tid=1587580

yun

又再試多一重測試：
完全拔除顯示卡 / 插上顯示卡，但拔除顯示卡電源
以上2 個情況都出現開機一直黑（冇）畫面症狀，而‘必’聲嘅規律、特徵同我一直遇到嘅情況係一樣的（即係：一長兩短‘必’聲）
我宜家懷疑係顯示卡問題.....
啱啱用擦膠擦過下顯示卡，宜家插返2 條RAM 竟然開得翻機..... 唔知係唔係會再死（呢幾日開到機都30 分鐘死一次）希望唔好再死.....

絕對好奇

回復 23# yun

我初頭都以為係顯卡問題,但我查過你塊板應該係AMI BIOS,
加埋你14樓個回覆,beep到亂哂龍,故障表都揾唔到,
所以覺得係底板懷,但依家咁睇有機會係潮濕或接觸不良,
我建議你掹哂顯卡同ram,用風筒嘅暖風吹下部機同啲配件,
如果有contact cleaner就噴下ram槽同顯卡插槽及金手指,
如果正常開倒機,加番啲防潮包係機箱入面,以防再度受潮,
good luck!

leeyanyuet

May be hard disk problem. Reinstall the windows.

yun

回復  yun

我初頭都以為係顯卡問題,但我查過你塊板應該係AMI BIOS,
加埋你14樓個回覆,beep到亂哂龍,故障 ...
絕對好奇 發表於 2013-4-21 17:38

開機beep 聲係，1長2短
我星期六擦過顯卡後，又一直冇事，冇死過，直達今日.....
都係用用下死機，再開就1長2短beep 聲..... 然後就開唔機......
我試拔顯卡再插，又開到機，但用一陣又死機..... 再拔再插顯卡，又開到機一陣，然後又死.... 不聽loop.....
宜家唔知係唔係真係死顯卡，因為死機前，畫面會變成一個畫面（全綠或全藍格子咁，但冇字）一兩秒
用風筒暖氣吹有效嗎？我試下，風筒冷風呢？

絕對好奇

回復 26# yun

1長2短睇故障表係 Failure in video system,即係張顯卡有問題,
亦符合你所形容嘅症狀(全綠或全藍格子咁，但冇字）,

但你嘅情況比較複雜,我覺得係因為之前底板受潮,啲插腳嘅銅片,
產生鏽蝕現象,導致接觸不良,當然亦都唔排除顯卡有問題呢個可能,

為免多洗冤枉錢,我建議你去鴨寮街,買枝油性contact cleaner,大約三十幾蚊一枝,
先關咗火牛大掣,將底板用風筒暖風吹15分鐘及掃塵,再用contact cleaner,
將pcie同ram插槽位,徹底噴透,由於contact cleaner係唔會導電,
所以噴多啲都無所謂,多咗出嚟嘅可用乾淨油掃,掃落底板表面,等佢有層保護膜,
唔會咁容易再受潮生鏽,啲顯卡及ram條嘅兩邊金手指亦都需要噴下,
跟住將顯卡及ram條,先抽插幾下插槽以磨去表面鏽漬,之後先至正式插實佢同安裝,
再開機,開咗底板鑑控程式用OCCT燒機30分鐘,留意電壓有無波動,一次過check哂部機,
睇下結果如何再作判斷.

叫你用風筒暖氣吹嘅作用,主要係吹走機箱內嘅濕氣,以免底板表面太潮濕形成水珠,
令到底板短路,攪到好似之前咁,亂beep一通,或者開唔倒機(註:我個親戚部機亦都中蕉)
至於點解要用暖風唔用熱風或冷風,係因為冷風去濕力低,
用熱風又會令到底板及電子零件過熱,一樣開唔倒機架, 阿黃你明未?

ps:由於我知道師兄係新手,所以今次寫得特別長同仔細,希望你唔會睇倒眼花,
   如果睇唔明一定要問,等我再解釋清楚啲都無問題.

powerwhy222

一長兩短係顯示出問題:←係顯卡,一係顯卡槽.你根據好奇兄做法試吓.你绝不可少看潮濕天氣,當零件用耐咗積咗塵喺度,有時加上動物毛髮,冇濕氣冇事.但一大潮濕就會導電.所以short就係咁產生.你留意吓一大潮濕特別多死機/死板事件.

yun

多謝好奇兄詳盡解答，我今晚先試風筒，周末再去買contact cleaner 試試。
其實尋晚擦多左顯卡，我發現衣家死機連beep 聲都沒有，隻系純變黑畫面。。。。。。
另外，其實宜家有時開機，不論係正常入到windows, 定係入唔到，冇聲（正常beep 聲都冇咗）.....
其實我仲有多條顯卡槽，如果搞唔好，就再試另一條空置既顯卡槽
另外，咩系OCCT？

絕對好奇

回復 29# yun

機箱受潮就會有呢啲古怪問題,我個親戚部機都係純變黑畫面開唔倒機,
我叫佢用風筒吹咗之後,都可正常開機,不過隔咗一日又開唔倒,我依家叫佢用風筒吹完後,
要放隻吸濕大笨象落去,以防再受潮,師兄最好都放番隻,如果機箱放唔落,
就放幾包乾燥劑,捱過咗呢啲潮濕嘅日子先,我親戚部機用咗幾年,係今年先出事,
今年真係潮濕得好緊要!

另OCCT係燒機程式,可用Google尋找及下載.

ps:未用風筒吹乾之前,最好不要強行開機,以免有電子零件損壞.