本帖最後由 shingzhk 於 2023-3-4 05:43 編輯
另外今次第一次嘗試使用磁石, 雖然有失敗亦不完美, 但感覺唔錯
事源係學習各種模型技巧之中, 偶然見到條片用磁石代替手腳接口做可動關節, 從而得知模型磁石既存在
↑呢條片
然後靈機一觸, 覺得呢樣野可以解決我多年來砌模型既一個難題: 備用武器既放置
一般MS都會有劍, 光槍, 火箭筒三件武器, 除左本少數UC機體身上有預留掛架可以裝備, 大部份就只能手拎一件其餘放低收埋
RX78之類既原始機設都問題不大, 本身就係返艦換件既設定, 但放到Wing Zero一類就好核突了, 機體完全冇光槍既收納位置
↑ 用劍時支槍完全消失, 動畫設定本來已經好大問題
放到模型上面除左少一個亮點, 仲要另外keep起光槍, 最後就變成永世拎槍, 其他武器永無見光之日
我個人一直都好討厭呢件事, 而多年來苦無對策...直到見到模型磁石
雖然對膠件作不可逆破壞有D抵觸, 但亦開始作嘗試
首先係各個預定好既部份鑽孔, 封入磁石↓
↓再用流縫膠水+廢膠製成既高粘度膠水封口, 放置一日
噴畢地再打磨回復平整再噴油↓
但去到此Step發現有敗筆, 磁石封入時我係按壓係平面上, 企圖用枱面將磁石同膠件保持水平再封膠水
可能係膠水乾燥收縮或我手工差既原因, 最後得出結果並非完全水平,
如果內陷都還好, 但仲有外突/傾突既情況
三番四次噴上畢地(1000號), 再重覆打磨(800->1500號), 無論點都得唔到我希望得到既光滑平面
關於畢地使用+打磨, 我自問仍然尚欠知識技術, 今次學習過程接觸既都唔多, 感覺好少有人提及, 結果都係隨便用隨便磨
↑最後經過一番苦戰, 去到可以接受水平就停手了, 畢竟缺乏技術之下都係亂試
部份細件鑽孔後已經冇位淨, 加上反覆抹油打磨, 為免爛件愈整愈衰, 點到為止好了
紅圈部位係鑽孔後內附磁石部份, 圖睇還好, 實際上有些微突出頗為核突, 作為首次嘗試算係合格
下次會將磁石內嵌留有凹坑, 再用畢地填平, 感覺會比較易處理
(但Parts本身唔夠厚亦係問題, 今次用融膠膠水係內側補強, 但過厚亦令內例件未能貼合, 睇情況啦...)
重新裝上後, 武器(槍&劍)可以吸附於裝甲相應預留空間, 可以簡單拿出手持, 亦可隨意調整吸附角度
整體有種可以將"FA-"加在前命名既感覺 ,
雖不完美, 但對今次嘗試結果感到滿意
仲有盾牌, 一對拳刃未處理, 總之想將所有裝備掛哂係身上
因為並無平面可用, 可能會用廢骨整個方形扣, 再用流縫膠水融合到裝甲, 將盾既手挽位勾上去吧 遲D再諗
Anyway, 感覺此技巧我未來將會大量應用, 總之搵位將各裝備掛哂上身
一來可以免卻收藏又要搵出來既麻煩, 二來FA化又可增添作品本身既豪華感
有興趣既朋友可以試下
↓作為合理性既範例, 大型武器掛肩, 小型武器/彈閘掛腰, 我鐘意呢種充滿合理性既配置
如果唔係部WingZero已經送出, 我想試下改為單肩掛兩支光炮 應該會頗有喜感
至於光劍既劍柄細, 劍身透明+長, 暫時仍然無解 |
簡體版
訂閱頻道
訂閱電子報
發表於 2022-12-27 21:44
| 
有冇人知點解
很爽
