ronan

銀行只可以借6成,其他你要問MC借,
你做九成就要去銀行問清楚你過唔過到壓力測試,唔好自己估.
唔好同一時 ...
燕子盜 發表於 2020-2-17 10:22

之前問過兩間銀行，可以通過壓力測試，而按保一個月要比多大多$600 供款
病夫銀行以我新公司和舊公司人工平均去計，只可以借$450 萬，分30 年還，每個月還$177xx ，但就話依家政府做野好慢，叫我request 三個月成交期，而動物銀行只計我新公司人工去計，可以借$460，仲話因為我係出糧戶口，所以3-4 星期就可以批，分30 年還，每月還$181xx

1) 其實三個月成交期係咪真係夠? 又好似無乜人會request 四個月成交期

2) 我只係買$510-$520 的一房單位，只係276 尺左右，假設$4/ft  管理費，一個月都係$1104，再加埋水電煤，所以供樓的支出大約$20k 一個月應該無乜問題

3) 簽左臨時買賣合約之後，十四天內要簽正式買賣合約，即係話起十四日內，要去銀行申請按揭，咁即係今日申請動物銀行，後日用病年銀行，再後日申請金錢銀行? 而唔好一日內申請多過一間銀行?

ronan

當你借足六球供三十年，E加咁低息都要24000(月供)，壓力测試要有月入57000

一加親息，大件事 ...
kypywk 發表於 2020-2-17 18:32

其實我上面的post ，應該無講過話月入$60k ，想買800k 的樓

不過有時睇報紙，成日見d 公務員撻訂

ronan

Agent 要張票黎做乜先?

睇唔啱, 張票又點算?

將心比己, 如果你係業主, Agent 日日打來話可否減, 有個客 ...
it_jobs 發表於 2020-2-17 19:52

我就係唔知呀，最奇怪係每次搵agent  睇樓，佢地電話時就會話有我心水的盤可以睇，但去到睇盤果日，佢地就會用千千萬萬個理由話我個心水盤無得睇，例如有租客住緊，話業主覺得好多準買家都唔係真係想買，所以要求出示支票+簽臨時買埋合約，agent 話可以起張票上面寫細少少銀碼，去引業主，如果業主唔簽名，代表我張票唔成立，但我問過個agent 如果我開個靚價，而業主接受左，簽左名，之後我睇完個單位，發覺唔適合，例如私自更改圖則而沒有向BD 申請，咁會點?

agent 之後就會唔知答乜，試過有兩個agent 都係咁，我唔知呢個係果間地產公司的文化定點了........

如果我賣樓，agent 日日打黎我都好歡迎，因為始終賣樓要靠agent ，同埋如果我賣樓，準買家上黎睇我都唔駛佢地入屋時除鞋，最多佢地睇完，我拖地和消毒，因為呢個世界唔會得一個單位會賣，亦都唔會得一個買家

kypywk

其實我上面的post ，應該無講過話月入$60k ，想買800k 的樓

不過有時睇報紙，成日見d 公務員撻訂 ...
ronan 發表於 2020-2-18 19:50

打個比喻遮，希望你不必介懷，就E加你講的4球半，你都打到算盤要供18000,此外，2000物管，1000差餉，水电煤，小小維修，同埋保險。林林審審你唔食都要預22000一個月。因估計楼主你後生，未見過高息，所以提一提你，因一洗濕個頭是三十年，美國佬怎玩利率十年内唔高，也不代表再之後的一二拾年。你可能會話，以前D人十幾厘咪又係咁供，主要分野八九十年代香港高速增長，人工遞增可以令你只是頭三五年咬住牙根去捱就可以捱過，但時至今天的香港已再無能高速增長，换言之要咬牙根的日子不短，時間長左利率不確定性(指十年八載後)更是未知數，所以苦口婆心提醒吓而已。如有得罪，包涵包涵。

it_jobs

我就係唔知呀，最奇怪係每次搵agent  睇樓，佢地電話時就會話有我心水的盤可以睇，但去到睇盤果日，佢地 ...
ronan 發表於 2020-2-18 19:58

個盤可能係假, 志在氹你入去問.

it_jobs

所以要求出示支票+簽臨時買埋合約
ronan 發表於 2020-2-18 19:58

咁又過份左, 我同意不能簽買賣合約

而業主接受左，簽左名，之後我睇完個單位，發覺唔適合，例如私自更加圖則而沒有向BD 申請，咁會點?
ronan 發表於 2020-2-18 19:58

1. 原則地產一定有得你睇, 你要知大小, 間格, 唔難架.
2. 有無私改, 可以問業主, 你可以信, 或不信.
3. 你有乜問題, 可以經 agent 向業主問, 你可以信, 或不信.

到最後, 如果所以資料都顯示個單位合你心水, 你至出票(不包買賣合約) 比業主囉.
業主肯賣, 你至做一次實地考察, 最後至簽臨約都未遲丫.

將心比己啫, 個客自己都唔知層樓啱唔啱, 攪一輪, 最後走左. 點知個客咩心態?
黎混吉? 定黎攞靈感? 定當參觀示範單位? 定真係有心買? 啱唔啱呀?

要知佢開門都有成本, 如自住, 點知你有無病毒?  仲要限時限刻開門比你睇.
如果係放租, 更要搵租客相量.

it_jobs

打個比喻遮，希望你不必介懷，就E加你講的4球半，你都打到算盤要供18000,此外，2000物管，1000差餉，水 ...
kypywk 發表於 2020-2-18 20:23

師兄諗法無話對定錯, 但有時啲野真係要睇點衡量.

要知香港法例, 最高可以 36厘息.  咁是否要 36厘息下都供到, 才買?
法例也可改, 到時改到最高 500厘息, 又等 500厘息下供到才買?
定要等有錢一炮過買?

加息呢個諗法, 大大話話由 08年開始講, 如果當年入市, 而家樓價升左100%有多了.
供樓有風險, 人人識講.  但唔供樓風險呢?
相信作為收租佬嘅師兄比我更清楚啦

ronan

打個比喻遮，希望你不必介懷，就E加你講的4球半，你都打到算盤要供18000,此外，2000物管，1000差餉，水 ...
kypywk 發表於 2020-2-18 20:23

我都知道師兄的好意，只係提點我呢d 後輩買樓所需要承受的風險，因為我都發覺買樓真係好似賭錢咁賭

因為我依家份工的人工係高過市價，我諗幾年後，我都未必可以搵到呢個人工，而依家又可以通過壓力測試，而自上年年中起，樓市暫時無乜點升過(報紙成日話樓市跌，我真係睇唔到，之前有個心水盤比人買左，仲要無講價)，所以真係想襯呢個機會入市

我住舊式公屋，沒有房間，好多agent 問我點解一個人住唔考慮開放式，因為開放式同住舊式公屋無乜分別，都係無房間，無得享受間屋有房的感覺，亦都有人問我，點解唔考慮居屋，因為居屋同公屋分別不大，所以如果買左居屋，會覺得自己由一個公共屋村，搬去另一個公共屋村

所以真係好想買樓..............

kypywk

我都知道師兄的好意，只係提點我呢d 後輩買樓所需要承受的風險，因為我都發覺買樓真係好似賭錢咁賭

因為 ...
ronan 發表於 2020-2-18 20:51

完全明白，不入虎穴，焉得虎子。
咁我不太多口水，計好條數，有晒心理準備就去吧。不過不要太喉擒，望多三兩間你自自然然學到些竅門，但只要真係睇中，就不要期望殺業主太多價，因始終有質數又合你要求的二手盤不會太多，如何拿捏，就要聽聽收租佬師兄的建議了。

it_jobs

我都知道師兄的好意，只係提點我呢d 後輩買樓所需要承受的風險，因為我都發覺買樓真係好似賭錢咁賭

因為 ...
ronan 發表於 2020-2-18 20:51

公屋有入息審查, 居屋無. 係一大優點.
公屋大環境好也不升值, 居屋有, 但可升也可跌.  縱觀過去50年, 跌最長時期, 也是最大跌幅為 97~03, 客觀地計應該有 80% 時期是升.
居屋有分補或未補地價, 如日後賣要補價, 等於將升幅同政府對分.  

以師兄所言, 估計一查應該馬上做富戶.  似乎唔買風險也不少