hehaya

鏡片袋，呢個好緊要， 因為全視線，個袋會有全視線第幾代， 同埋係咩片，個袋100% 同訂制單match, 應該佢 ...
rhythmomo 發表於 2014-8-24 18:46

下次會去買!
師兄 88 到買HOYA 全視線第七代幾錢到?
會唔會有D咩特別塗層又會貴D?

lv123

玻璃比膠片重幾多?
hehaya 發表於 2014-8-22 20:49

    膠片:有Polycarbonate 1.20 g/cm3 一片鏡約5CM 即5克到。壓克力/有機玻璃1.15-1.19 g/cm3玻璃（2.40-2.80 g/cm3）即一片玻璃10 克，一對镜20克，再加架。冷缩熱脹，膠片配膠架，玻璃配金屬會好D。

rhythmomo

下次會去買!
師兄 88 到買HOYA 全視線第七代幾錢到?
會唔會有D咩特別塗層又會貴D? ...
hehaya 發表於 2014-8-24 18:49

價錢我就唔清楚啦, 因為我都係用緊六代. 七代未配過.
各個COATING都有唔同價錢, 要親身去問. (88係可以講價的...睇你牙力, 客客氣氣咁, 多數R到) 或者搵個VIP同你去做都有85折, 唔使R, 佢地為左開張單都會幫你度, 你多D及住佢官網優惠, 有時會指定HOYA有折, 咁就肥仔

rohy

有時D眼鏡佬會叫你加多25-50度, 其實就係想你帶標準片, 呢D鋪頭, 可以直接BLACKLIST. ...
rhythmomo 發表於 2014-8-23 10:37

讚同CHING
另外, 小弟偏向電腦用果副低25-50度, 我500深175散

rhythmomo

讚同CHING
另外, 小弟偏向電腦用果副低25-50度, 我500深175散
rohy 發表於 2014-8-25 11:48

所以唔可以比佢地話低幾多就低幾多, 175散就配返175散, 配150/200真係把鬼.
對眼係自己, 唔好聽佢地講差少少無所謂, 如果配眼鏡都唔可以配得返正確度數, 咁使咩次次驗眼, 拎返上次張驗眼紙加25度咪得囉.

度數唔準隨左睇野唔清, 仲有好多問題. 眼睛不能完全放鬆容易疲勞, 更甚者會有頭痛.

仲有好多人以為近視同老花係可以互相抵消, 其實係兩樣野, 如果你近視深, 又有老花, 有可能會需要兩副眼鏡應付日常需要. 因為遠近都睇唔清. 所以後生果陣要控制近視加深.
老花眼睇遠野會清, 但係你有近視, 結果遠近都睇唔清!

SilentAged

ching，要配得準唔準仲要睇其他嘢，好以我咁，我左右眼近視度數相差超過700度，連眼科醫生都叫我唔好配咁準。
當然，唔好信晒眼鏡佬講嘢，視光師會好啲啲，有問題最好問眼科醫生。

hehaya

價錢我就唔清楚啦, 因為我都係用緊六代. 七代未配過.
各個COATING都有唔同價錢, 要親身去問. (88係可以講 ...
rhythmomo 發表於 2014-8-24 22:45

    88可以講價,又識多D

nothingspecial

爬完文睇完各位師兄分享 （小弟而家用緊個副眼鏡都差唔多兩年，都打算換過副新了，而家呢副先第一次用全視線，不過細鋪咩都無跟，睇來我都有可能比人昆左了）

不過想請教下師兄，小弟近視150度樓下，散光100度左右（上次配眼鏡時驗，而家當然要再驗），其實用 Hoya 全視線七代計，係咪都應該堅持要用番 MIJ訂製最好呢？（請恕小弟無知）

另外Coating 意思指？全視線個鍍莫定其他呢？唔好意思，小弟真係入來呢個post先學識 Hoya 同其他各方面既資料

rhythmomo

爬完文睇完各位師兄分享 （小弟而家用緊個副眼鏡都差唔多兩年，都打算換過副新了，而家呢副先第一次用全視 ...
nothingspecial 發表於 2014-8-29 05:21

首先你要搞清楚, 全視線係咩先, 全視線係一間為各種鏡片商"加工"提供變色功能鏡既公司.
市面上有各式各樣既牌子鏡片, 例如HOYA, ZEISS等等, 經過全視線既加工後,
一律都係冠以全視線外加鏡片生產商稱號, TRANSITION HOYA, TRANSITION ZEISS等等. 但唔會就咁TRANSITION一個字就完晒.

其實用HOYA MIJ OR MIT要睇本身你要求D咩, 普通度數用MIT好正常, MIJ我自己認係情意結, 我唔知MIJ定MIT好D, 但係心理上MIJ好D. 最緊係要HOYA. 唔係D雜嘜牌.

HOYA比全視線浸藥水, 藥水入左鏡片, 就成全視線鏡, 全視線唔係COATING, 刮唔甩亦洗唔走.
但做完全視線處理既鏡片好易花, HOYA COATING就正正起到保護作用, 如VG, SFT呢D比較常見.
所以做全視線鏡片, 揀HOYA底, 咁就穩陣過穩陣...我副HOYA趺過落地幾次, 成日用廁紙抹都未花, 因為個COATING, 雜嘜果D晨早花晒.

不知名廠既片都可以做全視線, 但係本身鏡既品質差, 做全視線係浪費, 著起龍袍唔似太子, 觀音頭掃把腳呢D係人都知. 眼鏡最緊要唔係個架, 唔係全線視功能, 而係鏡片. 鏡片唔好就無晒意義.
有細鋪會用COATING當全視線劏客, 或用假變色藥水當全視線(呢個常見, 跟張假卡就搞掂, 有D連假卡都無, 果D假卡, 要幾多有幾多...特別係D不明牌子)

要做, 去返大鋪, 88班友打工, 唔會立亂搞野, 唔係工都無埋.
細鋪D古惑野多到你估唔到, d sales又話自己o係88度做開, 又話自己poly, 又話自己讀果科, 夠專業, 但係轉頭又游說你唔好用hoya唔抵, 叫你搞多25度, 或者唔出聲送多25度比你, 你揀hoya佢分分鐘開天殺價貴過88. 無謂浪費自己時間.

眼鏡野, 鏡片, 加工, 大鋪拎貨平過細鋪, 點解同為hoya鏡細鋪可以平咁多? 自己諗諗. 大陸鏡架連片, 一副十蚊八蚊. 賣比人百幾已經賺到high high, 之前先有人爆響口.

入面果堆全視線? 信者得救啦........
http://s.taobao.com/search?spm=a ... 95%BE%80#J_relative
點解全視線無卡無袋仲要無工單? 你都可以思考下.
細鋪800蚊有副全視線? 88賣1800? 細鋪就算賣你1800都唔敢包係咪呢d野.

仲有就係全視線比依視路收購左5成1股權,
但係全視線同依視路畢竟係兩間公司. 但全視線技術並唔係由依視路發明, 亦唔係全視線apply落依視路鏡片會夾d. 無直接關係. 鏡片底子, 始終係先決, 可能佢可以o係全視線加工定價上做出價格優勢, 但佢唔可以改變鏡片底子唔夠人地好呢個事實...

nothingspecial

回覆 49# rhythmomo


好詳盡既資料，感謝師兄詳文資訊同分析，小弟獲益良多

聽完你咁講小弟都係去番 88 之類大鋪買，起碼比錢買個一定堅野而且用得安心，我都絕對認同眼鏡呢家野鏡片唔好慳同唔好亂來，始終對眼係自己，今次識得要揀 全視線 HOYA 鏡，今次打算再配眼鏡前上到來見到呢個post，小弟覺得自己夠晒好彩

再次多謝師兄資料同分享，感激萬分