nganshiu

Goretex vs 防水透氣布料?

風十三

我今日都去咗配變色灰
全視線同開牙，開牙比全視線貴1500，1.65
店員比咗兩片鏡照紫外光，開牙係比全視線深色
如果你只係一般近視唔太深，你可非走開牙"因為貴"
但如果你近視加老花，要配漸進，老實開牙我暫時覺得，可視位置係最好。
如果你係漸進，日常要成日用電腦，睇文件係字細細，真係唔好貪平。
瑞士寶
衣視路
我唔建議用係，漸進
如果你已退休唔洗做文件類別，基本有平買平都可以。

我由450近視起家，直到老花，由於眼鏡我當作配襯用，所以我花係配眼鏡的錢，都唔少，現時家中常帶大約有20副都係漸進，未計以前近視果啲。
以我經驗"開牙"真係值。
瑞士寶，衣視路，係我近視年代，常配，因為比較化算，但如果你有800或以上，真係選開牙中高檔。
直到老花初起，我都係瑞士寶同衣視路，帶了三個月，都一直未舒服過，我一直以為雙眼未習慣漸進，但第三副開始我選了開牙，立即發現三者的比較，之後我都一直選用開牙。

風十三

另外我係老花呢段路，係有啲小插曲。
由於我配開果間，啲款都比較老土，所以我去咗旺角一間初開業，近波鞋街adidas。
點解搵呢間，因為佢有時款框，而且配整套都非常便宜，比我配開果間平一半以上。(漸進+全視線)真心平。
咁就試一副先，例牌驗眼，比錢同等。
到攞貨果日，帶上一試，非常奇怪，因為連人樣都睇唔到，咁個師父串我話，先生你係唔係第一次老花呀，我話我自己，已經有5副漸進，所以我絶非初哥，咁佢叫我除咗帶緊果副比佢量度，跟手話換過全新我，不過要多一星期。
一星期過後，又再帶上一試，好咗，不過睇到樣睇唔到字，連鷄拿字都睇唔清，咁佢又話再換比我，不過希望我帶齊先前5副比佢，又等一星期。
第3次上去，一試好咗啲，睇到鷄拿字，但睇唔到手機字同電腦字，咁佢攞哂我5副去量一，佢話都係依視路同瑞士寶啫，又叫我等多一個星期，又話再換。
第4次上去，好咗好多，可以回家，點知未夠半日出事，如果你眼定定無問題，如果你雙眼望嚟望去，頭郁嚟郁去，咁會頭痛頭雲。
第5次上去，佢左調右調都係失敗，佢叫我重新驗眼，好再驗眼，同我第一次數據一樣。又係等多一星期。
第6次上去，再帶，咁啱有個女人又係配攞漸進，佢同我第一次一樣，咩都睇唔到，但店員又係果句，太太你係唔係第一次呀。
呢一次都係好少少，最終我都係回家再試。
最終我就攞咗去我配開果間，佢先用機量咗塊片數據跟手笑一笑，問我成套幾銀，我話，你的3份1。佢無出聲，叫我配返瑞士寶+全視線。
一星期後，一帶上立即攪掂，完全係舒適。
咁我都幾常去買波鞋，所以係adidas碰到間眼鏡店的話事人，我化咗灰佢都認得啦，少少錢換咗6副鏡片，佢係咁拉我上去話傾兩句，問我點呀副鏡，我老實同佢講，我搵我自己配開果間重配，之後佢問我攞嚟量下機，瑞士寶啫。之後傾咗幾句，見佢R到頭都損，佢話真心唔明點解。

da87

咁其實"全視線"同"變色鏡"有咩分別？
我一直覺得只係唔同叫法
新遺失戰艦 發表於 2018-5-23 20:29

    全視線係"鏡片變色技術"其中一隻牌子, 應該係咁理解
戴左多年眼鏡, 今年都貪得意平平地配左副1.56瑞士佬車用全視線

新遺失戰艦

全視線係"鏡片變色技術"其中一隻牌子, 應該係咁理解
戴左多年眼鏡, 今年都貪得意平平地配左副1.56瑞 ...
da87 發表於 2018-5-24 01:27 AM

我都上網search 左一陣
如果我無理解錯, 全視線 (Transitions) 係註冊品牌
Transitions 既Chromea 先係變色技術 (而家去到7代)
而Transitions 仲有幾隻技術, 包括偏光鏡
所以樓主要求眼鏡鋪要全視線, 鋪主唔明樓主想要乜野技術
因為"全視線"只係品牌, 就好似Hoya, Seiko 咁
可以係"全視線"既偏光鏡
亦都可以係"全視線"既Chromea

mini_z_racer

其實可再簡化啲去理解

Transitions ⋯⋯ 比較出名嘅coating牌子
HOYA、ZEISS、 SEKIO、NIKON ⋯⋯ 比較出名嘅鏡片牌子

所以 任何牌子嘅鏡片廠 只要肯畀錢 都可以喺鏡片上加Transitions嘅coating

好多鏡片廠自己都有出自己唔同嘅coating
但可能經濟效益問題 畀錢用Transitions 好過自己再研發

mini_z_racer

我自己未配過漸進鏡片 但好多朋友配過都擰晒頭
照佢哋講番 原因唔係度數唔準 而係造鏡時焦點放得唔好/唔啱
所以一戴就會頭暈/頭痛
聽完我都唔敢配 睇近嘢情願除眼鏡
漸漸鏡片又貴 費事畀咗錢都戴唔到副眼鏡

ronan

我本身有飛蚊症，唔知點解帶全視線鏡片，飛蚊症會好似明顯左，同埋雖然我hoya 鏡片和全視線的鏡片一樣度數，但hoya 果副會清d ，就算係rayban + 阿波羅鏡片，係唔夠hoya 咁清，所家都係帶返hoya 鏡算，全視線無乜點帶

ckmakit

鏡片上面有個牌子logo ...舖頭d人識睇...
我自己就睇極都分唔出

hobbya

我同23樓師兄有相同經歷，配開中環六七千，想平去試咗間太子四五千，但完全適應唔到新鏡，最後太子嗰間攞咗我副舊鏡照抄一副畀我。