des

Parker Calligraphy Set,
不過我唔識寫藝術字


依家身邊得一支

Dijeridu

Parker Calligraphy Set,
不過我唔識寫藝術字


依家身邊得一支
des 發表於 2015-9-30 15:56

I have the same preppy for daily use too.
thanks.

ntony

原來鋼筆都有同好！
剛好小弟近呢個月開始又對鋼筆有返熱情，小弟買返鋼筆都係呢兩三個星期嘅事，估唔到咁啱又會有師兄突然出post，真係巧合。
上網搵資料搵來搵去都係得返幾個discuss同膠台嘅post。發現而家用鋼筆唔止小眾咁簡單，更加係困難。無人討論上，可以上外國forum或者reddit。但而家起香港買支墨水都好鬼難！呢個星期真係想上網搵下人問，點知除咗膠台有人傾，其餘嘅全部都係五年前嘅死屍thread。

講返小弟自己先。

經過
小弟第一支鋼筆係小一開學呀嫲買俾我嘅，買完返去呀爺教我上墨。當年係全部國產嘢，牌子真係唔知。
到咗中學，中一起Library識到當年做Librarian嘅呀sir，入面嘅書名牌全部都係佢親手寫。覺得佢手字好靚，佢教我用平頭筆同藝術筆，平時寫字可以用鋼筆。所以我又走去學人去文具舖買兩支鋼筆，借本Calligraphy書學人寫英文書法，咁當然學唔識啦。之後因為考試用鋼筆真係唔掂，放棄咗。
到而家唔知做乜早排屎忽痕突然想唔用再無印原子筆，用完一支掉一支，個心覺得咁好對唔住自己。諗起鋼筆上墨，就走去上綱搵資料。發現真係好少本土資料，勁想搵人一齊研究，知道係有一班小眾，但真係靜晒。小弟有膠台account，不過唔係好慣起上面追thread。

小弟覺得可以起個knowledge base同IRC chatroom一齊傾。平時唔傾鋼筆都可以乜嘢都傾下，形成一個有聯誼關係嘅群組，唔好俾呢個小眾群組都散埋。

IRC Server: irc.geekshed.net
Channel: #hk-fountainpen
唔識點用IRC嘅可以問小弟，其實好易用。識用IRC嘅同學請join channel，我一直等你。

買筆
至於筆，IRC channel上面嘅筆友介紹Lamy Safari同Pilot Metropolitan做入門，同埋大陸嘅「平霸」金豪。小弟全部即時入貨。Pilot Metropolitan剛好遇著Massdrop做緊drop，兩支連運貨先USD 27.14，衝！可惜dotted同zig zag花紋已經無晒。Massdrop出貨運貨好慢，今個星期剛好收到。
衝完Massdrop，再上淘寶用廿幾蚊人仔買咗兩支金豪X750。
第二日去中南衝咗支Lamy Safari限量版，紅黃色。要求換EF筆尖。加一支Sailor極黑。

而家全部收到貨。

試筆
Lamy Safari
先講返用咁多支，最後悔支Lamy換咗EF nib，我發現我應該用M nib。因為真係太幼。
金豪X750
跟住收到金豪，起初上墨之後佢係咁漏，個筆咀真係同吊鹽水咁滴法。後來試多幾次，又無事喇喎。兩支筆其實做工算幾好，筆尖亦好順。係就係粗，出水好勁，不過自己控制得直其實係支好筆。
Pilot Metropolitan/88G/Cocoon
跟住最近收到兩支Metropolitan，一支M一支F，支F未敢上墨用。用咗支M nib之後發現好正！支筆輕身得嚟又唔算好易甩手。觸感又好。筆形又夾小弟隻手。筆尖又順滑好寫，出水適中，粗幼都好得宜。不過壓筆又好似做唔到粗幼線條，可能我未識用啦。

買墨
講起買墨，小弟買咗樽Sailor極黑，剛好中南減價。正！不過一樽極黑又點可能滿足到小弟丫，小弟上網追thread知道國貨都有好嘢，英雄234又黑又防水，十幾廿蚊有交易，但去到文具舖，六七間得兩間有英雄204黑色，另有Parker Quink Blue Black，唔理，照殺咗先。但要搵英雄234碳素，起香港真係唔知去邊度搵。見膠台用開鋼筆嘅人個個都好知「訂」去邊度買。小弟就跟住佢哋嘅post去合昌同華佑，但呢尐地方邊會有呢種平嘢丫⋯⋯還好合昌有Pilot Blue Black，聽講呢隻係好嘢，$35-$50價位內。總叫搵到有用嘅。咁於是英雄204黑就會用嚟倒水咁練字用。但都要繼續搵英雄234嚟作為上語言堂時抄筆記用。極黑留返嚟寫重要嘢，平時拎出嚟J兩嘢又收返埋，$3一ml，真係一字千金。
今日小弟起外國fountain pen IRC channel同外國人傾計，佢哋介紹咗個幾個好正嘅網購website同eBay seller，真係好似幾好。例如Pilot Iroshizuku墨水，真係平過合昌近50%。計埋運費都係好平，佢重有15ml細樽裝。好想同其他師兄團購。
另外網友亦介紹Noodler's Ink，好多隻色可揀，又平，大部份都防水！都係啦，去外國網買嘢好貴運費，師兄們一齊啦！


不如我哋大家一齊用GitHub或Google Drive起個knowledge base，同埋一齊一研究。玩開嘅師兄師姐亦請教教路。

des

我當年考AL是用墨水筆,
不過最少要帶兩支,
唔通寫到冇墨搵樽墨出來入咩,
墨水芯又貴~~~
其實寫慣咗墨水筆是比原子筆寫得快,
不過有時D

des

jouathen

三文堂580 M尖 同  無印長鋼 出水超勁
而Lamy al-star 同pilot kakuno 就平時寫字用

echer

原來鋼筆都有同好！
剛好小弟近呢個月開始又對鋼筆有返熱情，小弟買返鋼筆都係呢兩三個星期嘅事，估唔到咁 ...
ntony 發表於 2015-10-1 23:59

我係88G  M起手，呢支好好寫
78G  F呢支都好寫，但M更好
Safari 就係買咗支M,以為同pilot M差唔多，點知火力勁到不得了，粗成倍都有，正常單行紙寫唔到，
之後返大陸行過買咗支英雄，出奇地好寫，金屬筆先幾十蚊仲要有啲款，不過同江湖傳聞一樣，有漏墨問題

via HKEPC Reader for Android

shadow1024

用開Platinum 3776 細尖,墨水用幾蚊雞的英雄牌
刮紙感

des

回覆 17# echer

有支英雄007,
都相當順滑好寫,
放一兩個星期冇用都可一筆出墨~~~

dino_lo

荃灣,新中聯國貨公司. 唔覺意,沒有期望之下買到.
好以係6年前的事了.