台電 TBook 11 不專業開箱

本帖最後由 Super169 於 2016-4-12 11:52 編輯

台電 TBook 11 不專業開箱

前晚行開SSP, 買左部 TBook 玩.
去次前係諗住買 x16Pro, iWork 10 旗艦版或者 X98 Pro 既, 結果一部都搵唔到.
由於答應左人, 當日一定會買到(之前無諗過搵唔到), 在黃金左兜右兜, 最後決定買左部 TBook.

選擇佢既原因:
1) 規格: 乎合我最低要求 - Z8300 / 4G / 64G / 1920x1080
2) 價錢: 連 keyboard 不超過 2000 (當然貴過淘仔喇) - 1849 連 keyboard; MS 送左 50 蚊百佳禮卷, 扣番即係 1799.

右邊係換完百佳禮卷比人打左個豬仔印.
(記住, 如果唔係即時去換百佳禮卷, 之後去換一定要帶埋部機, boot 入 Windows 比佢地睇)
3) 港行: 雖然都明知保養唔會好得去邊, 不過唔駛帶上大陸, 算了
4) Dual OS - 好多人話無用, 可能因為佢地無需要, 但呢樣可以講係我買大陸機唯一既原因
5) 唔係用藍牙 Keyboard, 仲要係一粒粒凸出黎.

但都有一點, 我考慮左好耐, 在 V919 Air CH 同佢之間爭扎左好耐, 就係體形同重量.
本來諗左買 500g 左右既帶出街, 但呢部係 10.6 吋有 600g 以上.
兩部既 config 同價錢都差唔多, v919 Air CH 仲輕好多.
但上網再睇下 D comment, Onda 機好似麻麻, 好多人話買完無耐就出事 (當然, 唔係人人出事).
由於我一向超黑仔, 衰野多數有我份, 今似一半係買比人既, 為免煩到自己, 決定買台電.
(後尾至知...原來 TBook 剛剛出, 唔怪得無乜負面新聞, 希望唔會出事喇.  so far go good)

講明開箱, 點都要見下個箱 (上面有 pengbo.hk 既貼紙)

跟機....幾乎可以講係乜都無, 除左部機, 就係得兩條 USB 線.

長果條係 USB 接 microUSB 既充電線, 短果條應該係 OTG cable, 比你插其他 USB device.

另外仲有張 pengbo 既保用卡 (底面影哂比大家睇)

其實我都唔知開箱之後有乜好測, 最簡單都係行下兔兔....
得分係 61934 比部 TabPro 8.4 多二萬幾分, 唔知代表乜. 用落唔比部 TabPro 差, 但又感覺唔到快左一半.

記憶體在 ANDROID 同 Windows 都見到有 4GB.
而硬碟有 64GB 分比兩邊, 扣起 OS 同埋 restore partition 之後, Android 有 15.62GB 可用.

而 Windows 就有 37.4GB, 但扣起 Windows 之後, 可用既其實只有 18.3GB 左右 (我未裝過野既)

既然我買佢係為左 dual OS, 更係要 boot 下. 佢 android 同 windows 都有 app boot 去另一邊.
當然, 話就話一野 boot 果去, 但係呢一野....都真係要點時間.
測試 boot 去另一邊直到用到既時間:

1) 由 android -> windows : 45 秒
2) 由 windows -> android : 1 分 2 秒

個人認為都可以接受, 因為我主力係用 android, 當有雖要時至會用 windows, 所以唔會成日玩兩邊 boot, 間中比一分鐘佢 boot 下都 OK.

跟住介紹埋佢個 keyboard, 買得 Winodws 機, 就係預左用有時要用 office 攪下野, 無 keyboard 真係想死.
佢個 keyboard 係插落去用既, 唔係藍牙. 個面套摺埋一個三角型做支架放落去. 當然唔可以調教角度了.

同朋友講我買左個咁既 keyboard, 好多人第一個反應都係: 吓? 點解唔買藍牙架?
唔知大家有無咁既諗法, 不過如果你有睇我上面講選擇佢既原因, 唔用藍牙係其中一個要點.  因為我真係唔想買藍牙 keyboard.
Why?  藍形無線唔係仲方便咩?  我唔知大家有無用過 tablet + keyboard, 個人覺得, 藍牙無線真係無乜方便左既感覺.
原因好簡單,
1) 個 mon 又唔係大, 唔通你會坐好遠去用咩. 可以攞黎攞去唔係賣點 (除非你出電視用).
2) 用得 keyboard 都有檯面多, 佢個 keyboard 係插入去, 位置比較固定.  就算放大脾用都勉強可以.
3) 最重要既係: 唔駛叉電. 如果你試過, 用用下機, 藍牙 keyboard 無電, 而你又無帶尿袋, 你就會明白, 藍牙 keyboard 有幾煩.

無論大家接唔接受, 以我用左幾年 tablet + keyboard 既經驗話我知, 盡量唔好用藍牙 keyboard.

講番佢個 keyboard, 直插用果下都算穩, 最鐘意係 D key 唔係平, 係凸出黎, 打落去好有感覺.
當然, 粒粒 key 凸出黎既代價, 就係厚左.  鐘唔鐘意, 真係睇個人口味了.

講開個 keyboard, 順帶講埋佢當套用既功能 (佢係 keyboard 連套一體過, 卷埋包住部機).....
真係超垃圾.  建議大家千萬唔好插住個 keyboard 套帶出街, 分開機同 keyboard 帶好過.
why? 係咪傻架, 分開有乜好?  一係你就熄左機至帶, 否則你有可能會不斷聽到 D 聲, 開下熄下...
原因: 佢個 keyboard 係插入去, 但唔係好實果隻.  而佢個套, 超鬆, 唔可以包實部機同 keyboard.
結果: 我放入袋度, 係我行下行下, 佢既接觸位就有機會鬆下又插番又鬆下又插番....結果大家應該知吧.
一係你就搵野再扎實佢, 唔好比佢鬆開.  一係就熄左機, 但我都怕對接觸點唔好.  安全就分開帶...但有點 on居.

仲有一個原因, 有去台電個討論區, 或者會見過個 post, 有人就係因為用佢個套帶出街, 鬆開左唔知.
攞既時候, 由個套既一邊跌左部機出黎, 結果...唔駛講吧, 自己睇相 (相片來源: http://bbs.teclast.com/thread-558895-1-1.html):

有左 keyboard, 都要有 office, 佢本身裝左 office, 但係行果陣要激活.

由於有 7 日即換, 我暫時未激活, 唔知需唔需要另外買 key.  不過, 官網上有問係咪正版時, 答案係...

"都是正版的，差别就在于win10现在是免费的但office是收费的"

睇黎都係要另外買 key 去激活.  如果包埋就更正喇.

而 Android 果邊, 都無乜野好送...應該係話送既都無乜好野.
最好既, 就係有 Google Play, 同之前既大陸平板唔同, 呢個真係原生既 Google Play (當然, 佢都仲送多個假狗既國產 Google play, 有開心野下載).
但係, 正版既 Google Play, 可能唔多適應國產平板, 彈左好多次.  唯一好處係, 最後都會成功裝到野, 而裝既野 so far 都無事.

結尾都同佢 D 兄弟影番張相.
我買呢部機, 其中一個原因係 Dual OS, 因為我真係有咁既需要.
家陣用緊兩部機, 一部 TabPro 8.4 (日常主力), 另一部係 Lenovo 既 Helix.

放埋一齊, 佢真係唔細...

論速度, 部 TBook 跑分比 TabPro 8.4 快成半, 但用落又唔覺有咁大分別.
同 Helix 比就....如果我話 Atom 8300 4G RAM 快過 i7 8G RAM, 你會唔會信?  無謂比了.
不過, 用落 TBook 在 Windows 既反應真係有少少慢.
第一下開 Excel, 成 6秒之後至彈 Excel 個面牌, 未出之前, 我真係以為 click 錯位.
之後應該 cache 左, 但都有 1-2秒至弾個牌出黎, 有少少唔慣.

基本上, 部機都 OK.  不過, 個 mon 既反應, 總係覺得有點慢.
雖然佢跑分比我部 TabPro 8.4 快一半, 但用落都係覺得部 TabPro 爽.
原因可能在個 mon 既反應, 唔知點解, 佢唔係無反應, 但感覺上總係慢左少少. 唔知係咪大陸機既通病?

以呢個價錢, 用香港買既比較(唔好比淘仔了, 無得比既), 算係唔錯.  希望無乜病痛.